المساعد الشخصي الرقمي

مشاهدة النسخة كاملة : من كلامي يعترف له قلبي المحتلي

رهـين السهر
21-05-2007, 07:36 PM
راكب اللي لانويت الخط ماينملي=وارد الالمان من شافه يشد اعجابه
ضخ زيته بالسلندر والتوانك فلي=ومن سبب حجم المكينة من سبرها هابه
هاضني ممشاه مع طول السفر ماملي=وكل من شافه ينادي مرحبا واهلابه
والله ان القلب عايش ماهوى به ذلي=والمقدّر في كتابٍ نازلٍ بكتابه
يارفيق الدرب وش غيّر غرامك قلي=ماذكرت الصاحب اللي سيبوه اصحابه
اودعوه الجرح وش عاد الرجا ياخلي=كيف يسلى من تعذب من طعون احبابه
ليت قلبي من عروقه يمتلي بالغلي=وامتحن قلبه بغلٍ مايعرف اطبابه
واقفٍ بينه وبين الشمس ابي له ظلي=واتعذب في غرامه والحزن باسبابه
ياطريقٍ مع وضوح الخط مايندلي=ياعلوم الهندسة والمحتوى وحسابه
ياسوالٍ في حياة الناس ماينحلي=ياجبل مااحدٍ يقرّب شجرته وهضابه
ياقمر يضفي علينا النور لامن طلي=ياسهوم الحزن ياقصر العذاب وبابه
من كلامي يعترف له قلبي المحتلي=يعترف له بالعذاب اللي جناه غيابه
والهدف بعد الخواطر في سفرنا زلي=والسبب هوجاس قلبي شدّني بانيابه
راع المحاني
21-05-2007, 10:08 PM
مريت وانا مبطي عن هالمنتدى، وكان لزاما ان ندخل ونستمتع هنا

سلامي وتحياتي
راع الكحيـله
21-05-2007, 11:08 PM
صح لسان شاعرها ولا هان

قصيده جزله من جزل

صياغه وحياكه

تسلم ولا هنت

تحيااااتي
المستقل
22-05-2007, 01:00 AM
صصصصصصصصصصصصصصصصصصصصصح لساااااااااااااااانك ولاهنت يالجزله
دلوعة ابوها
22-05-2007, 01:21 AM
رهـــــــــــــــــــــين الــــــــــــــــــــــــــــسهر,,


ابدعت وقصيده رائعه وخاصه الي (( بين السطور))


,,,,,,,,,,,,,,,,,,,,,,,,,,,,,,,,,,,,,,,,,,



صــــــــــــــح لســــــــــــــــــــــانك,



<<ليت قلبي من عروقه يمتلي بالغلي........ وامتحن قلبه بغل مايعرف اطبابه

.................................................. .................................................. .....


من كلامي يعترف له قلبي المحتلي.........يعترف له بالعذاب اللي اجناه غيابه>>

.................................................. .................................................. ...................

رهين هالشطرين تبين قوه المعاناه والشكوي وانت تحبس داخلك

الم لا يعرفه سواااااااااااك ..
الكاسر
22-05-2007, 02:14 AM
ياقمر يضفي علينا النور لامـن طلـي
ياسهوم الحزن ياقصر العـذاب وبابـه
من كلامي يعترف له قلبـي المحتلـي
يعترف له بالعذاب اللي جنـاه غيابـه
والهدف بعد الخواطر في سفرنا زلـي
والسبب هوجاس قلبي شدّنـي بانيابـه





رهين سهر صح السانك وسلمت يمناك
ابو عقاب
22-05-2007, 07:25 AM
صح لسانك ويعطيك العافية.
محمد بن دليم
22-05-2007, 09:46 AM
الله الله الله

شاعر من الوزن الثقيل يا رهين السهر

قصيدة جزلة من راسٍ جزل

إسمح لي بتثبيتها ومنحك لقب شاعر مميز
محمد بن دليم
22-05-2007, 10:13 AM
من كلامي يعترف له قلبـي المحتلـي
ـــــــــــــــ يعترف له بالعذاب اللي جنـاه غيابـه

بس نصيحه لاتعترف بسرعه يا كحيلان خلك ثقيل :wink:
نايف بن ناجي
22-05-2007, 10:19 AM
صصصصصصصصصصصصصصصصصصصصصح لساااااااااااااااانك ولاهنت يالجزله
رهـين السهر
22-05-2007, 04:26 PM
هلا ياراع المحاني،،،،،،،،،

من طول الغيبات =======

لي الشرف يوم مريت ،،،،،


تحـــــــــــياتي
رهـين السهر
22-05-2007, 04:27 PM
هلا ياراع الكحيله

مرورك شرف يابن العم،،،،

وصح بدنك،،،،،،

تحـــــــــياتي
رهـين السهر
22-05-2007, 04:28 PM
هلا يالمستقل،،،،

صح بدنك،،،،،،،،،

ولاهنت
تحــــــــــــياتي
رهـين السهر
22-05-2007, 04:30 PM
هلا بالدلوعة،،،،،،،،،

صح بدنك،،،،،،،،،،

وشرح موجز هالمرررررة،،،،،

هذي الحقيقة،،،،،،،،،،

وتحــــــــــــياتي
رهـين السهر
22-05-2007, 04:31 PM
هلا يالكاسر،،،،،،،،،،

صح بدنك،،،،،،،،،

تحـــــــياتي
رهـين السهر
22-05-2007, 04:32 PM
هلا يابوعقاب،،،

صح بدنك ويعطيك العافية،،،

تحـــــــــياتي
رهـين السهر
22-05-2007, 04:35 PM
الاخ العزيز محمد بن دليم،،،،

مرورك وحده وسام شرف وقلادة فخر،،،،،

وهذا اللقب اعتز به لكونه من شخص عزيز،،،

تسلم يابوفهـــــــد ولاعدمناك،،،،

أما بالنسبة للاعتراااااااف،،،،
فقد جاء الاعتراف بعد سنواااات طوال أضمرته في نفسي تلك السنين وحان وقته الآن!!!!!!

والحقيقة لابد أن تظهر وإن حاولت كتمانها!!!!!

تحـــــــياتي لمشاعرك النبيلة،،،،
غناتي
22-05-2007, 08:24 PM
رهين السهر



ابدعت اخوووي بالقصااايد الللي تتطرحها وانا من زمان اقرالك

قصائد مبدع فيها واتمنى لك التوفيق

اختك غناتي
ضيف الله منيف
22-05-2007, 11:06 PM
يارهين السهر بيض الله وجهك على هالقصيده وتستاهل لقب الشااعر المميز لانك أجدر به من غيرك معناا..

والمعذرة تراني كنت في سفر ولاقصيدتك لو كنت موجود كان أول من يشرب الفنجال علاها أنا .
وصح لساانك مليوون يامطوع بريده .
رهـين السهر
24-05-2007, 04:56 PM
هلا غناتي،،،،،

الابداع للمبدعين اهل المنتدى امثالك،،،،،،

وشكر خاص على الاطراء الجميــــل،،،،،،


لاعدمنا تواجدك،،،،،،،،،،،،،،،،،


تحــــــــــياتي
رهـين السهر
24-05-2007, 04:58 PM
ياليت ضيف الله علينا يسير=آخذ علومه ثم ياخذ علومي،،،،،

مرحبا يالمشرف القدير،،،،،،،،،،،،،،،

ووجهك ابيض يابومنيف،،،،،،،،

ولاتعبت بعد السفر،،،،،،،،،،،

والمطوع شخص عزيز على حياتي ماانساه ابد الحياة!!!!!!!!!!!!!!

شكر خاص،،،،،،،،،،،،

تحـــــــــــــــياتي
بحرالقصيد
31-05-2007, 07:50 PM
صـــح السانك يارهين السهر
مــا اقول الا انتظر مني تعليق بشكل اخر.
والله لايهينك.
آبن روق
01-06-2007, 05:35 AM
صح لسانك وعلاشانك يارهين السهر

ولك خالص تقديري
رهـين السهر
01-06-2007, 02:23 PM
هلا يابحر القصيد،،،،،

صح بدنك،،،،،

وننتظر على احر من الجمر،،،،،،،

تحــــــــــــياتي
رهـين السهر
01-06-2007, 02:24 PM
هلا يابن روق،،،،،

صح بدنك،،،،،،

وتواجد له وزنه،،،،،،،

تحـــــــياتي