يامحمد النثري ... تراها أمطرت

[جراح جابر]

سلامي رديتن تسكت كثير الصراخ
والله يعز الرضا ويسد باب الزعل

..................................

وش صار يامحمد النثري في سوق المناخ
يبغون بنت العرب تاكل سنام الجمل

[محمد النثري]

يا مرحبابك يا جراح

وش القاف الحلو هذاه :)

استلم لاهنت


يا مرحبا بك تراحيب تعدل الدواخ "=" والله يديم الوفا يا صاحبي والعقل
والبنت شاخت و حامي البنت توه مشاخ "=" وشعيل معقول عندي مثل قول المثل

[راع المحاني]

جراح جابر: مرحبا بعودتك وحمدا لله على سلامتك...

محاوره جميله وقاف احلى... كيف لا وهي بين جراح ومحمد..

واصلوا واصلوا

وتراني في صفك يابو جابر ... عشان يتوب هالادمي مايطلبني مره ثانيه :)

تحياتي لكما..

[جراح جابر]

مع الله ........... ولو انها متأخره بعض الشي

أنته تسوق المطيه فوق روس السياخ
واليا نشدتك تقول الناس ماتحتمل

.................................

ترى بنات العرب تبغي دهان ومراخ
ماعاد تعرف طريق الحق ولا العدل

[محمد النثري]

يا مرحبابك



شعيل يا صاحبي يومين وش فيه ناخ "=" جا دون هقواتنا ما يرتكي للحمل
.
وبنت العرب لاهية في دندنات الرواخ "=" لكن هاذي كبيرة مالك بها دخل

[محمد النثري]

يا مرحبابك ياراع المحاني

لاهنت على المرور

متواصلين انشالله معكم

تحياتي

[جراح جابر]

خلوووووووووها

الراس من كثر ماشاف التعاجيب داخ
نصبر عليها ونمشي بالصعب والسهل


لو أصبعي حك جلدك صار فيه انسلاخ
لاتخلط الصفر يالنثري بحوش الشعل