يازين اخـذت قلوبنـا ويـاك






يازين اخـذت قلوبنـا ويـاك
.......................أمس العصر يومـك تمثنانـا


حنا عرفنـا غايتـك ومنـاك

........................قصـدك تولعنـا وتهـوانـا


ياقبلـة الله ياحلـو ملـقـاك

......................زولـك الـى شفنـاه سلانـا


طعم العسل من مبسمك وشفاك

........................طعم العسل من ريقك اشفانـا


لولاك مادسنا الخطـر لـولاك

.........................لـولاك ماكثـرت خطايـانـا


ماهـي مـروه كلمـا جينـاك

........................وش لـك تولعنـا وتجفـانـا


ياهايف الخصرين وش دراك

..........................ضحكك بسنك حرق أحشانـا


نصبر على هضمك ولايخفاك

.......................يجفاك ربـك حيـن تنسانـا




محسن الهزاني




باح العزا مني





باح العزا مني وضاقت سـدودي

.............................مسكين انـا ياحـظ قلبـي نيايـا


والصبر عن وادي فؤادي شردوي

.............................والحال ينهش من حشاهـا حيايـا


والعين ذاله عن لذيـذ الرقـودي

..............................عامين عـن لـذة كراهـا تعايـا


ياحـول ياقلـب غـدا يـاودودي

.........................مثل الشبح لعيون عذب السجايـا


بلوا بليت بحـب تلعـا عنـودي

..........................فالشمس من طلعة جبينـه تهايـا


لولا من اللولو بحلقـه عقـودي

..............................لاقول به من حور عـدن حلايـا


فاضح ظبي الضاح جيد وجـودي

.............................صافي الدجا من نور خده تظايـا


عمهوجة مـا وقفـت للكـرودي

................................مصيونة من حـر لفـح الرزايـا


عسلوجة وابها القرايض انقودي

..........................رعبوبة هرجه يـداوي الشكايـا


سكرانة بالغـي غـضٍ عنـودي

.........................عمهوجة من واضحـات الثنايـا


محلا دلوله يـوم يقبـل ينـودي

........................ومن اليدق ينفح بعصـم الروايـا


ينساح له قلبي إلى جـا يعـودي

..........................طاغي بزينه سيـد حـم الشفايـا


يومه تبسم حين صح الرعـودي

.............................سكرت انـا ويـاه قبـل انتحايـا


ياعنبر جامـع اتجـار الهنـودي

.............................يـادرة مـا قلبوهـا الشـرايـا


يدعج بغنج شف من حالي بدودي

.............................وامن اللحم دونك عظامي عرايـا


عليه سيل الدمع قـرح خـدودي

............................عاين عيوني من بكاهـا عمايـا


يا اهل الهوى عندي ذا شهـودي

.............................كل العـذارا عنـد زينـه رزايـا


بدر الزواهر بالدجا لـه يـرودي

..............................عندي ولا ادري عن جميع البرايا


والخشم حد امصقـلات الهنـودي

...............................في كف شغمـوم يحـل الخطايـا


واعيون تسحر بالزهاهير سودي

............................نجل تهـاوا بـه سهـوم المنايـا


ياسيدي لا تمحنـي بالصـدودي

..............................يرث صدودك في ضميري هوايـا


ولا تطالع بـي نمايـم حسـودي

................................ياسيد جيلـه دع هوانـا هوايـا


بين النواهد والحشا والعضـودي

..............................رصن عساي احيا كما انك دوايـا


عقب القرايض منك حزة ازنودي

................................عنقه تهايف له خشوف الرزايـا


اشقيتني وادعيتني تقـل عـودي

................................وازيتني واجزيتنـي عـن كرايـا


هقوتك لهموم الضماير اتـزودي

..................................لولامنـي مـن لامنـي ياشقايـا


يازين دعنا بالطرب والسعـودي

.................................لنسـج بالدنيـا وخيـره حكايـا


ياسيد جيلـه ياظليـل الجعـودي

.........................يازين ياسلطـان تلـع الصبايـا


قم بالرضا لي ياعنيـد النقـودي

..........................مـادام فـي قلبـي لحبـك بقايـا


لو في يدي مال العجم والكـرودي

............................والشام والبصرة وملك الصرايـا


سقته لمن يبرا معي في سجـودي

.........................وعروق روحي منه هافت زوايـا


يالايمي تبـلا برمـي الركـودي

...........................كسر السلامـا والصبايـا حمايـا


فصلين وتم القاف نظم العقـودي

................................فصل على دال وفصل علـى يـا




الأمير محمد العلي العرفج / أمير بريدة


* * *

عزيل يا حسن التعازيل عزيل




عزيل ياحسـن التعازيـل عزيـل
من سله السلال محـدٍ فطـن لـه
وعين تهل الدمع مثـل الهماليـل
عـجـلٍ تهـلـه ذرافٍ ماتمـلـه
مني عليكم ياهـل الـدار تهليـل
عن عين مشفوحٍ بكـم مشفحلـه
عنودكـم تذبـح بنجـلٍ قواتيـل
وزلفٍ تهلل له زهـا مفـرق لـه
ينسف عثاكيلٍ كما سبّـق الريـل
يغري الى تله علـى مفـرعٍ لـه
وزمة نهودٍ مثل وصف الفناجيـل
فـي لبـةٍ لـه توهـا مستقـلـه
وبدر البها غرب لها في دجى الليل
وشمس الضحى تنماز عن غرّةٍ له
وتغري بزغروت الهوى والهلاهيل
ويمشن له كرهن ويقفن رضى له
وإلى قعد مع راجسـات الخلاخيـل
فالزيـن لـه كلـه لحـافٍ وكلـه
ونطقٍ تسلسل منه سحـرٍ أبابيـل
وملحٍ يتله مـن عجاريـف دلـه
يسلي الخليل بغنج دعـجٍ مغازيـل
يرمش ويغـزِل لـه ومـره يتلـه
أواااه لوهي بالصـور والتماثيـل
لا خذ تماثيله معـي وامتثـل لـه
أحيا بهرجه لي وحسـن التعاليـل
واتلف بهجرانه وانا مصخـرٍ لـه
وش عندكم في طلب مثلي إلى قيل
من هو طريحٍ له عسـى ماتشلـه
إن مـت ياطلابـة الثـار تحليـل
أنتم وأنـا ياعزوتـي فـدوةٍ لـه
سالوا غريرٍ بالهوى مابعـد سيـل
قولوا على أية مذهـبٍ يستحلـه ؟
قالوا نراك موجّلٍ , قلـت ماقيـل
قالوا عليلٍ , وقلـت مافيـه علـه
قالوا علامك تالفٍ , قلـت بهليـل
من صارمٍ من بين عينيـه سلـه
لو إن جرحي من عْـداةٍ مقابيـل
ماحـل فـي قلبـي هيـامٍ يتـلـه
لكن جرحي بالخفا مـن معاسيـل
طفلٍ سطا وانهل صوابـي وعلـه
لا ياطبيبـي دلــك الله تدلـيـل
داي الخفي ودواي من مبسمٍ لـه
لكن مابيدي ولا فـي يـدك حيـل
ذا شِنْ كِتب للعبد ماهو هوى لـه
ياسيدي زرني تراني مـن الويـل
وجلٍ ولي باقصى حشاي الف عله
قلبي عزب سرحه بليـا محاصيـل
منكم وانا لي عندكـم مرتـعٍ لـه
قالوا وصال الشوق هيلٍ بلا كيـل
ويَدْهونِنِي به ليت من يتصـل لـه
وأنا ومن نـزل تبـارك وتنزيـل
ماشفت منـه إلا العنـا والمذلـه
شوقي بخيل وسايله مابعـد نيـل
إالا الهفا معه الجفـا مـردفٍ لـه
نظيف عرضٍ عن هل القول والقيل
وله البرا مـن واهـيٍ مستحلـه
ياما عنوا له ملحفيـن المراسيـل
مني وغيري قوم " رح له وقل له "
وردت طوارشهم هبايـا مفاشيـل
ماحصلوا غير التعب كاسبٍ لـه !



محمد الصالح القاضي

* * *


حل الفراق




حل الفراق وبيـح الوجـد مكنـون
قلبٍ تعايوا فيـه شطريـن الأطبـاب
حيران قلبـي بالزناجيـل مسجـون
في سجن ابن يعقوب أنحى وهو شاب
وبي علة أيوبٍ وغربـال ذا النـون
وبي عبرة المكظوم أناجبت ما جـاب
وبي زفرة ٍ كل المـلا مـا يطيقـون
معشارها لو هي بصـمّ الصفـا ذاب
لا شك ما يكتب على العبـد بالكـون
يجري قضاه وكل شيء لـه أسبـاب
لي بين حرف العين والصاد مضنون
والكاف طاف بزين تلعـات الأرقـاب
غروٍ شعاع الشمس يوضي بمقـرون
حجاجه قناديل الحـرم بيـد شبّـاب
لحظيه مسلولٍ مـن الهنـد مسنـون
وحراب يطعن بـه ويعلّـق بنشّـاب
بين شفتيه من أشرف الدر مثمـون
حصٍّ وياقوتٍ بهن صـرف الألبـاب
به سحر هاروت ومـاروت مقـرون
والصرف يغذى من جبينه وينجـاب
كامل وصوف الزين أنا منه مطعـون
بسهم يسلّ الروح بـه سـل دولاب
وبقيـت مشغـوفٍ هبيـلٍ وخلّـون
مثل الطريح اللـي تدالتـه الأسبـاب
يا علي قتل الروح هو ذكر مسنـون
تفتـون بأيّـا مذهـبٍ حـلّ وكتـاب
روحٍ تسـام وسيّمـه بـاع مديـون
يا من يسوم الـروح للخيـر كسّـاب
فصخت ثوب الستر وأبديت مضمون
سدٍّ فضحه النـوح والدمـع سكّـاب
يحـق زعـج الدمـع دمٍّ لمفـتـون
قلـبٍ وعيـنٍ مغريـات بالأحبـاب
متحمّلٍ لـو قالـوا النـاس مجنـون
فأنـا لمـا قالـوا صميـمٍ وعتّـاب
ما لامن أحدٍ لو عن الحـال يـدرون
ومن لامني بمـورّد الخـد ينصـاب
تشيله رياحينٍ مـن الجـانّ يـدوون
بالسبع سبع سنين مـا عنـه نبّـاب
في حب غطروف برى الحال وادعون
بري القلم في كـف شطـرٍ وكتّـاب
جاني من أقرابي نصاحـى يعـزّون
قالوا سفا بالحال ياحيـف منصـاب!
علام جسمك ناحـل؟ قلـت مطعـون
قالوا بعقّ؟ قلـت بحـراب الأحبـاب
قالوا من أنت بحربته؟ قلت تـدرون
إني كمـا حيـران (حمّـام منجـاب)
عرّضتكـم بالله لا لــي تعـذلـون
ياناس كثر القول والنصح مـا ثـاب
قالوا تصرّ من الهوى قلـت فاتـون
عن حال مفتونٍ بحـوري الأتـراب
قالوا هبيـلٍ قلـت قالـوا (لمجنـون
ليلى) مثل هـذا وأنـا عاصـيٍ آب
ياناس عنكم شاطن القلـب مشطـون
أنتـم تـرون الحـال منتـم بغيّـاب
أنا بوادي التيـه وأنتـم تهرجـون
بيني وبين هرجكـم ستـر وحجـاب
كان إنكم ترضـون باللـي تعرفـون
محيي العظـام الباليـة رب الأربـاب
والله ماأسمع هرجكـم لـو تلجّـون
بالصوت يندب منكم الشيخ والشـاب
إلا إن سمع فرعون ما قال هـارون
أو يسمع الميت نبـا صـوت نحـاب
أظن من وصل الدرك لـه يعـذرون
كل الخلايق لو رمى عنـه الأسـلاب
وعقلٍ عْرِجْ به وأذهل الذهن مرهون
روحـه لكنّـه بيـن لاوي وجـذّاب
ياعلي حـدّ النفـس مادونهـا دون
ولا مـع الحييـن ترجيـن بحسـاب
منـي صـلاةٍ عـدّ كايـن ومكيـون
على النبي والآل منـي والأصحـاب



محمد العبدالله القاضي

بيـت نملـه




لا والله إلا شـدوا البـدو نـجـاع
كـلٍ هـدم مبنـاه وارتـد زمـلـه
شد الشديد وقربـوا كـل مطـواع
وراع المودة فـرق البيـن شملـه
شدوا ودنوا الحنـي كـل مطـواع
كل أشقح ما أحلـى قرينـه ورملـه
غدا لهـم فـوق الرفيعة(1)تمـزاع
واللي بغى يضرب طريق قسـم لـه
وا بكرتاه اللي غدت بيـن الأقطـاع
مع زوعة العربـان ماينجهـم لـه
مدري مع اللي يم دخنـه بالاسمـاع
وإلا مـع اللـي سنـدوا مستهملـة
لا هيب لا حاشي ولا هيب مرجاعع
فرا فتاة وراعيـة مـا وسـم لـه
راعي هدب عينٍٍ مظاليـل ووسـاع
سـود عيونـة والمحاجيـر جملـه
وراعي مجاديلٍ مشطهن يجي بـاع
أشقر على هـاك الردايـف يعملـه
ياغصن مـوز ناعـم لـه تمريـاع
ومنين ماهـب الهـوا مـال حملـه
عليه ماوقفـت عيونـي بالأدمـاع
وهجس إن يلحقني على الطول سمله
أعوي عوا ذيب ورا النزل لاجـاع
يقنب إلين الله يجيـب اللحـم لـه
يامل قلب من هـوى زيـد ينصـاع
كما يصوع الصيـد رام خطـم لـه
حبه يخج القلب ما يوجـع أوجـاع
لاشك قلبـي مودعـه بيـت نملـه



فهيد المجماج / راع الأثلة


* * *

لولا غلاها ما سكنت بوطنها




عذلت عيني بالهوى واعسرتنـي
مفتونة فـي حـب حـي محنهـا
نفسي لها هويات مـا طاوعتنـي
لين انحلت بالحال واكدت بدنهـا
عندل بطاروق الهوى ساعفتنـي
تنقاد لي قود العسيـف برسنهـا
تطرف برمش العين وإن واجهتني
تعطيني الهرجـة وتاخـذ ثمنهـا
تخفي لي الكلمـة إلـى هرّجتنـي
خوفٍ من اللي هرجته ما وزنهـا
شاورتها على الجـواز وهدتنـي
تبغى لعلـه يبعـد الحـوم عنهـا
عطيتهـا علـمٍ وهـي خابرتنـي
لو أربع بالبيت ما جـزت منهـا
خمسة عشر عام وهـي مالكتنـي
والخادم المملوك يومـر وينهـى
هذا جزاها يوم هي مـا انكرتنـي
وإلا فلا منهـا ولا مـن عدنهـا
الموجب إنـه بالهـوى ولعتنـي
لولا غلاها مـا سكنـت بوطنهـا



عبدالله بن سبيل

* * *

يا عين هلي صافي الدمع




ياعين هِلِّي صَافي الدمـع هِلِّيـه
وإلْيَا انتهى صافِيْه هَاتي سِرِيْبِـه
ياعين شوفي زرع خلك وراعيه
شوفي معَاوِيْدِهْ وشوفـي قِِليْبِـه
من أول .. دايم لرايـه نماليـه
واليوم جَيَّتْهُـم علينـا صعيبـه
وان مرني بالدرب ما اقدر أحاكيه
مصيبة ياكبرهـا مـن مصيبـه
اللي يبينا عيت النفـس تبغيـه
واللي نبي عيا البخت لا يجيبـه



نورة الحوشان

مغيزل العين




يادار وين مغيزل العيـن يـادار
أتلى الخبر فيها غشنـك نزولـه
يادار ماكنه وقف بـك ولاسـار
بس المراح وبس درب المحولـه
يتلون براق وقع منـه الامطـار
استبرقوه وعسسوا ورحلوا لـه
يازين حس فرنجهم وقت الاسحار
الصبح طرد والمقيـل الدحولـه
بمشحّطٍ نزرٍ ندبهـا إلـى ثـار
ما قيس بالقفلة بالإميـة تنولـه
اقفوا بغطروف على كبده صطار
قنوا من العيطـا ليالـي حلولـه
العين عين مشقلب الخرب لا طار
حـرٍّ سراويلـه تعـدى حجولـه
حر عديم مخلبـه تقـل شنكـار
متفهق الجنحان عرضه وطولـه



ساكر الخمشي


* * *


ذبّلٍ تقل روبي




يالله ياقاضي غرض كـل منيـوب
عليك أنا يالمعتلـي قضـي نوبـي
يالله يا جامـع بـرد كـل حالـوب
تلمّنـا يالـلـي تـلـمّ الذهـوبـي
كن الزباد بمنحر التـرف مكبـوب
إلى ابتسم عن ذبّـلٍ تقـل روبـي
الراس ذيل كروش ولا أم عرقـوب
صفرا نهار الكون فوقـه نصوبـي
عنود خمسمية وخمسيـن جنـدوب
طرادها جـا مـن وراهـا يكوبـي
لا لايعوها ناحـرت راس عرقـوب
أقفـت ولقّتهـم نشيـط الهبوبـي
لا باس لو يرهـم الثـوب لثـوب
لاشك ماثوب الغضي مثـل ثوبـي
أدرى وأخاف منقّدة كـل عـذروب
المنتحيـن اللـي بكبـد الجنوبـي
لو كنت أنا عنهم ورا الشط بالصوب
متولّعٍ فيهم ولـو مـا شقـوا بـي



ناصر البرازي المطيري


* * *

من شق شقٍ يااريش العيـن يرفـاه




ياصاحبي مانـي براعـي مهـاداه
اما ارضني والا اجفني ، واستخيري
امـا تعـال ومـا طلبنـاه عطنـاه
والا تروح .. وجعل دربك سفيـري
من شق شقٍ يااريش العين يرفـاه
وانت الذي شقيت خافـي ضميـري
تضحك وانا صملان قلبـي مطـوَّاه
تقـول ليـن ان الفلـك يستديـري
ماني بمن يطـرد سـرابٍ بمظمـاه
شاف السراب ويحسب انه غديـري
عيني على شوف الولايـف مخبـاه
جزوع لا جاها الجفا من عشيـري
مـا يستـوي حـبٍ بليـا مراعـاه
بيني وبينك يالغضي مـا يصيـري



صقر النصافي

* * *

خيرك لغيري




أنـا بليـت يحبكـم مـن هبالـي
وإلا انت ظلٍّ ما لنـا فيـه مقيـال
خيرك لغيري والشقا والعنـا لـي
والمشكل إني عارفٍ كل الاحـوال
أرمي بروحي في بحـرك الزلالـي
وتنسفني أمواجاك على يابس الجال
اسأل فراشي كيف اقضي الليالـي
بالليل لي حال ومعكم لـي احـوال
ومن خوفي العذال تـدري بحالـي
ويكثر علي من العذل قيل والقـال
أبعـدت خلانـي وجيتـك لحالـي
وفرشت لك قلبـي مقـر ومدهـال
ويوم أبعدن حبالهـم عـن حبالـي
ودريت إنك عندنـا غالـي المـال
أبديت عقب الحب صافي الجفا لي
وخليتني محتار في أشهـب الـلال
وطلبت رب عالم مـا جـرى لـي
ما حط دون الخلق حاجب ومرسال
ومنحني السلوان عالـي الجلالـي
ورد الحياة لسايل ما طلـب مـال
وابعد خيالك خالقـي عـن خيالـي
وقصّر عليّ الليل من عقب ما طال
واليوم ترسل وتبـدى الوفـا لـي
تبدي لي أعذار قصيرات وطـوال
تبي تجدد ما انقطع مـن وصالـي
ترضى غرورك بس ياحسن الاقبال
ما عاد تخدعني عقب مـا بدالـي
وان عدت فيما عفت ماني برجـال



الأمير عبدالله الفيصل


* * *

بين المحرق والمنامة




يقول الخال يـوم إنـه تمنّـى
وهو بين المحـرق والمنامـه
بجسـر والبحـر منّـا ومنّـا
ألا يـاالله طالبـك السـلامـه
شقي القلب مثلـي مـا تهنـا
بحلو النوم سهرٍ فـي منامـه
قصور الهم فـي قلبـي تبنّـى
ولوّعنـي زمانـي بالنـدامـه
ألا ياويل مـن مثلـي معنّـى
يطوّح ونتـه مثـل الحمامـه
بلا مصلوح أغني يـوم غنـى
طرقني ما طرق ولـد النعامـه
علـى غـروٍ عجوبـيٍّ فتنّـا
يجر القلب من زايـد غرامـه
وزين الروح بصـدوده محنّـا
ولا له حق يوفيـن ابتسامـه
تعـدانـي بليعـاتـه مثـنّـى
هزيـلٍ مـا يشيلنّـه عظامـه
بدرب البيض إلى راحن وجنّـا
وفيهن شارةٍ من ريـم رامـه
إلى جت بينهـن مـا يجفلنّـا
وهي من بينهن فيهـا علامـه
طويلة عنـق بالممشـى توَنّـا
تباهـى رافـعٍ ربـي مقامـه
هواهـا قتـل مفتـونٍ تغنّـى
بزينات اللحون أظهـر كلامـه
وبيّـح مـا بقلبـه مستكـنّـا
ولا فيها علـى مثلـي ملامـه
يذكّـرن الليـال اللـي مضنّـا
وزوّد ما بقلبـي مـن هيامـه
سقى الله دار أهل مدري* وحنّا
سحاب بارقـه يجلـي ظلامـه
على شـان القلـوب يربّعنّـا
وكلٍّ بالهـوى يلحـق مرامـه



عبدالله السليمان ابن حسن

يا عل عينٍ ما بكت فرقا الاضعـان




يا عل عينٍ ما بكت فرقا الاضعـان
تعطي النويفـج ليـن تذبـل ذبليـا
ليا شدوا العربان من عقب مقطـان
والصبح منهم جانـب العـد خليـا
وتفرقوا مـن نقـرة العـد سلفـان
أحدٍ رحـل جنـوب و احـدٍ شمليـا
وقفوا وراحوا مع وسيعات الاوطان
وكلٍ على سفن الصحـاري رحليـا
عليهم الخافـق تقـل فيـه نيـران
وتصلاه غمزات الهواجيـس صليـا
وبكت عيوني مثل همـال الامـزان
مـزنٍٍ تحـدر مـن مناشيـه مليـا
على اللذي له داخل القلب مسكـان
وعليه ما اسمع عاذلي لـو عذليـا
عين الفريد اللـي مرابيـه فيحـان
الريح لاعـه و استـذار و جفليـا
وسمع الحساس وشاف بالعين زيلان
واستاكده بيـن الوعـر والسهليـا
الصاحب اللي منه القلـب عطشـان
و لاتنجلي حبه عـن القلـب جليـا
اقفوا به البدوان و القلـب حيـران
وسـود الليالـي ماعطتنـي مهليـا
شدوا وانا من شدة البـدو زعـلان
ولا من وساطه بين اهلهـا واهليـا
وجيته وانا في وقتها كنت مرضـان
مـن شـدة العربـان فيّـه زعليـا
قلت السلام وغادي الفكـر شتـان
واللي بغيت بخاطـري مـا حصليـا
وانا عليه بسلـم الاحبـاب شفقـان
ومن غير مشروهي فلالـي دخليـا
طافت مشاريهي وانا كنت شرهـان
سنـه صغيـر وغاطـسٍ بالجهليـا
وقلت الوداع وغاديٍ وجهه ألـوان
متخالـطٍ فيـه الخجـل والزعلـيـا
وذقت الفراق اللي مشاريبه احـزان
وانحـل بحالـي والمحانـي هزليـا
كني كسيـرٍ شملـه ريـح ريحـان
نوبٍ يفيق و نـوب يذهـل ذهليـا
عليك يالمجمول يا خـدر الاعيـان
سميت حالي ليـن جسمـي نحليـا
والحب مثل النوم والنـوم سلطـان
والله بلانـي فـي محبتـك بلـيـا
وجاني الربيع وربعت كل الاوطـان
وانـا معاليـك الضمايـر محلـيـا
وطال الرجا واللي مضى تقل ما كان
واللـي بنينـا لغدّنـا مـا كملـيـا
لاشك خبرني عسى ما أنت خسران
او شايـف اللـي بالطويلـه تعليـا
وأن كان حدوك المقـرد وعـدوان
ماني لا ابا زيـدٍ ولا انتـي بعليـا



جزا بن صالح الحربي


* * *


ترانا في مكان عام




تناظرني وأناظرها تهـز قلوبنـا الأشـواق
أنا أحبس دمعتي عنها وهي ماتحبس الدمعه
تهامل دمعها مثل الندى لا داعـب الأوراق
كسب له من سنا خدٍّ ينـوّر بالدجـى لمعـه
همست إلْها الستر مطلوب كفّي دمعك الدفاق
ترانا في مكان عام فيـه النـاس مجتمعـه
تبي تحكي تبي تشكي ولكن جفت الأريـاق
فمان الله قالتهـا بصـوتٍ خافـتٍ سمعـه
في بحة صوتها حسيت شي يمزع المعـلاق
وبعدها الدمع هلّ ولا قدرت أقوى على منعه
وراحت تسحب الخطوة وأنا في ماقفي منعاق
أشوف الروح تتبعها تحايلها على الرجعـه
وغابت شمسها غيبة بعدها مايجي إشـراق
وظلام أقدارنا ممنوع تولـع للأمـل شمعـه



أبوخالد العتيبي

* * *

عيشتي هم ودموع




رحتي وصارت عيشتي هم ودمـوع
وينك تـرى حالـي جفاهـا هناهـا
طعم السعـاده منـه يابنـت ممنـوع
في غيبتك شمسـي تلاشـى ضياهـا
وقولي وحكمك لو ظلمتيـن مسمـوع
لعـل نفسـي ترتـوي مـن ظماهـا
ردي خفوقٍٍ مـن محانيـه ممـزوع
رديـه للـي نـار حبـك وطـاهـا
دقيقتي في غيبتك عمرهـا أسبـوع
عزي لنفسـي مـا تحقـق رجاهـا
عودي وضوي ما طفى لك من شموع
ردي علـى مجـرى حياتـي بهاهـا
مجزوع قلبي من تجافيـك مجـزوع
وروحي شقيه فـي وصالـك دواهـا
اسمك ورسمك داخل القلب مطبـوع
وبُعدك دمـر حالـي وقربـك هناهـا



سعد الشليل

* * *

بالحال ضميني




بالحال ضميني على الصـدر لا طيـح
ما اقوى الوقوف أقصى الضماير جريحه
خلي عيوني في بحـر عينـك تسيـح
لـو ساعـةٍ عقـب البطـا مستريحـه
مابيـن تفكيـر بسـرحـه وتسبـيـح
ورود خـدك عقبهـا اشــم ريـحـه
واشرب من الحمر الشفايـا الذوابيـح
مـن مبسمـك شربـة هنـا يامليحـه
عمري غلـط مالـه بليـاك تصحيـح
واليـا متـى بالله وانتـي شحيـحـه
صحي شكوكي عقب هالصـد لاصيـح
معي اقطعـي شـك الغـرام بصحيحـه
سدي حلـوق أهـل الحكايـا النوابيـح
ومن حاسـدي لا تسمعيـن النصيحـه
مـن لـه تخلينـي طريـح التجاريـح
ولهان مشلـوع الحشـا شلـع شيحـه
وحيد أقـاوم بالهـوى عاتـي الريـح
وأنتي علـى زيـن الوسايـد مريحـه
حبـك بقلبـي لا تزحـزح ولا زيــح
والله دام إن آخـر العـمـر صيـحـه



غازي صفوق الظفيري

* * *

هل دمعي




هل دمعي على خدي نهـار الـوداع
يوم قالوا فمـان الله جانـي بـلاي
التفت والتحظني بالعيـون الوسـاع
وأرسل الدمعة اللي زاد منها عنـاي
خايفٍ من فـراقٍ مـاوراه اجتمـاع
ياالله اليوم لاتقطع رجـاه ورجـاي
راحت أقدام رجلي في محلـي ذراع
مقدرالمشي قدامي ولا ارجـع وراي
صرت مثل الغرير اللي بسنّ الرضاع
آتظيّم واصيح صياح من غيـر راي
جعل من لاع قلبي في فراقـه يـلاع
حيث وصله هوى قلبي وغاية مناي
آتصبـر ولا ودي يطـول النـزاع
واكتم الغيظ باسبابك وهـذا جـزاي
الهوى له يذل القلب لوهـو شجـاع
مثل ما ردني ترف القدم عن هواي
خايف السرمن بيني وبينـه يشـاع
ثم تدري الخلايق عن خفاه وخفـاي
المصيبة إن كان الود والعرف ضاع
ثم زادت شجوني من خلاي بخـلاي



أحمد الناصر الشايع

* * *

بجيـش المفاتـن مطـوّق




أقبل يحرك خطوة الرجـل برفـوق
والقاع لمصافـح خطـاه يتشـوّق
مخلوق لكنه مهـوب اي مخلـوق
علـى بنـات آدم وحـوا تفـوّق
عليه لبس يجمع الوسع والضـوق
موسّعٍ بعضـه وبعضـه مضـوّق
مرّ وتعدى ما بـدا منـه منطـوق
إلا إنه بجيـش المفاتـن مطـوّق
خلانى أمشى وأقضب الدرب واتوق
مانيب تايـق عقـل لكـن متـوّق
تقول مرميٍّ على الأرض من فوق
وإلا من السم الصقطـرى مـذوّق
يغشى على شوي واشويٍّ آفـوق
واقـول لاستيقظـت والبـال روّق
مدام لامعـوّق ولاصايبـه عـوق
وراه يمشي مثل مشـي المعـوّق
اللى على حاله خطر من هل السوق
مفروض يمنع مايـروح يتسـوّق!



لافي حمود الغيدانى الحربى


* * *

قلبي يناجيك باسلوب الهوى ناجـه




يامل قلـبٍ يسـجّ وفيـه دولاجـه
من هاجسٍ بالضمايرقـام يدرجهـا
في معزل عن جميع الخلق وازعاجه
ما اسمع من الناس لوتكثر لجالجها
ماغير أهوجس تقول مضيِّعٍ حاجـه
آخذ واسنّد على روحـي واهرّجهـا
وأدوج لوكـان مارجلـي بدوّاجـه
أدلّـه النفـس ليـن الله يفرجـهـا
يالله ياللي بيدك الضيـق وافراجـه
ياخالق الخلق ياقاضـي حوايجهـا
تفرج لعينٍ إلى أغفـت بسوهاجـه
تجهز عليها الطواري لين تزعجهـا
بالصدر ضيقه ونوم العين هملاجـه
عيني من العام والسهـر متولّجهـا
نوبٍ سهرها شديد ونـوب نهاجـه
مرٍّ تكن الدمـوع ومـرّ تزعجهـا
عليك ياللي بقلبـي كـن وهاجـه
وهاج نارٍ هوى الغربـي يسارجهـا
أبو ثمـان تشـاد اللولـو لعاجـه
كن البرد يوم يضحك في مفالجهـا
ياروح روحي وجرح القلب واعلاجه
الطف بحالٍ عليك الهـمّ ساهجهـا
قلبي يناجيك باسلوب الهوى ناجـه
يشكي لك الحال داخلهـا وخارجهـا
اما التفت له وتِمّ الوصـل بمواجـه
والا بـلا عشـرةٍ هـذي نتايجهـا
وش ينفعك من حنين القلب وخلاجه
وجروحٍ أسبابها أنـت ولا تعالجهـا



عبدالله بن نايف بن عون

* * *

نسيتني




نسيتنـي علّمنـي شْلـون أبنسـاك
في هالزمن نسيان الأحبـاب عـادي
وشلون لامرّت علـى البـال ذكـراك
وطيفك سرق منـي لذيـذ الرقـادي
وشْلون لا قالوا لي الناس وش جاك ؟
من كنت فـي لـذّة منامـك تنـادي
وشْلون اعيش اللـي بقالـي بليّـاك
لا مـن غدينـا كـل واحـد بـوادي
لو قلت اداوي جرحي اللـي تباطـاك
ماكلّ جـرح يْفيـد فيـه الضمـادي
أعلنـت حبـك ليـن كـلٍّ تمـنـاك
غلطة وغيري من خطاي استفـادي
لو لي مثـل قلبـك تمنيـت فرقـاك
واكيد قبلـك بالجفـا صـرت بـادي
حلـوه عذاريبـك وحلـوه مـزيـاك
حتـى بيـوم فراقنـا كنـت هـادي
كنّ الليالـي ودهـا تكسـب رْضـاك
وأنا يطـول مْـع الليالـي جهـادي
في ذمتي .. ماهي غريبـة خطايـاك
مبطي وقلبك لـو تنبّهـت غـادي !
سهلة على من كان مثلك وشـرواك
مثـل الثيـاب يغيـرّون المـبـادي
علمنـي أكـره ذكرياتـك وطريـاك
وأنسى من الليلة صـدوق الـودادي
ولانيب قايل عقبها ويـن أبلقـاك ؟
راضي لو إن جروح قلبـي جـدادي
وإلاّ القصايـد جعلهـا مـن فدايـاك
لبّستهـا مبطـي ثيـاب الـحـدادي
باكر على المخطي يـدورنّ الافـلاك
ونشوف من يصعب عليه البعـادي !



متعب التركي

* * *

قلتها اليوم ما بيك




من كل قلبي قلتها اليوم ما بيـك
و يشهد على ما قلت دمع ٍ بكيته
ليت الليالي ما تجينـي بطاريـك
ودي بنسيانك و لو مـا قويتـه
و ليت الحنين اللي بعيني يراعيك
يموت و انسى اللي لنفسي جنيته
كلمتني و تقـول قلبـي يناديـك
يشفق على شوفك و حبك رجيته
قلت الله اقوى قلبي اليوم ساليك
و الله ما يرجـع فـؤاد رميتـه
يوم ان قلبي يا عشيري مصافيك
لا يا حسايف بالخيانـة جزيتـه
يومه يبيك و ساعي لجل يرضيك
صديت عنه و في عذابك كويتـه
و اليوم يوم انه قنع في تجافيـك
تقول حبك يـا حبيبـي شريتـه
نسيت كل اللي جرى من تغليـك
كانك نسيت اللي جري ما نسيته
نسيت يوم اتقول ما نيب مغليـك
ابعد تراي اليوم بعـدك رضيتـه
امشي لك بنية سليمة و اداريـك
و اثرك بنية شر قلبـي نويتـه
ما بيننا رجوى و لا نيب راجيك
هدمت قصر ٍ في غرامك بنيتـه
قلبي عقب موت الوفى جا يعزيك
و يغسل بدمع العين حب ٍ نسيته
و يكفنه بالورد و عهود ما ضيك
و يدفن معه ذكرى حبيب ٍ هويته



أغاريد السعودية

* * *

توديع الأحباب




توديع الاحباب مثل الموت له سكره
أدمى جروحي وشق الصدر منّيّـا
والقلب طيرٍ ضلوع الآدمي وكـره
لاشاقـه الطلـع لاسلـم ولا حيّـا
مصير الأحزان تنسانـي وتفتكـره
ماكل الأيام بيض وسمحـة محيّـا
قل غيرها منت لامجبر ولا مكـره
لاصار ماهو غلا مابي لـك حْميّـا
لوفي يدي شي ماقلت الوعد بكـره
حزمت حدب الضلوع وقلتلك هيّـا
لوكل غالي تجي دايم علـي ذكـره
ماصرت أشوفك هناك وحبك هنيّـا
ياليتني لابغيت أكره قـدرت أكـره
ما كان قلبي اليا جيت أكرهك عيّـا
مادامك معيف رح لكن علي فكـره
ماقلت لى ليه دمعـك سـال منيّـا



متعب التركي

* * *

حياتي لو تجاهلتي




حياتي لو تجاهلتـى غـلاك بقلبـي المجـروح
ترى أغلى من خلق ربي فى هذا الكون هو أنتي
أنا ليمن جفيتينى على فراش المرض مطـروح
أنا ما طيب لين إنـي أشوفـك لـي تبسمتـي
أنا لاطحت في غبة بحر ما اطلب سفينة نـوح
أبطلب نظـرة عيونـك وصوتـك لا تنهدتـي
أبطلب نظرة عيونك مادام إن النظـر مسمـوح
أبطلب أسمع أحلى صوت إلـى منّـك تكلمتـي
ثبت حبك بوسط القلب مسمارٍ ثبت فـى لـوح
ما ينزاح حتى لـو بعـد طولـة عمـر متِّـي
حياتي يابعـد روحـي يـاروح مابعدهـا روح
ألا ما أحلى الحياة .. اإليا لمحتك لـي تبيّنتـي
أنا ماشفت ياعمري مثل زولك حلـو ومملـوح
تراك أحلى البشر كل البشر لـو مـا تزينتـي
وأنا مالي بغيـرك ياحياتـي شـفٍّ ومصلـوح
أنا شفّي وغايـة مطلبـي ومنـاي هـو أنتـي



علي الزيد العتيبي

لا تنشغل فيني




لاتنشغل فينـي أنـا بحالـي أدرى
قلبٍ تعلّق فيك ينسى مـع الوقـت
أكثرمن اللي صار لي ويش يجـرى
بين الرجا والياس فكـري تعلّقـت
مثلي ولوشفته عن همومـه أزرى
ماقال ليتك فـي جروحـه ترافقـت
هاك القصايـد لاتضايقـت واقـرا
شف وشكثر فيها لبسماتك اشتقـت
أثرالوفا ينبـاع عنـدك ويشـرى
ماكنت أصدق فيك واليوم صدّقـت
يامشتهي فرقى المواليـف حـذرى
تبعد وأنا من سكرة الحـب مافقـت
لاطافت الفرصة تحريـت الأخـرى
وتـروح ماكنـي عليهـا تشوقـت
ساري لو إن الليل مافيـه قمـرى
أشيل من حمل الهوى فوق ماطقت
لاصارحظ أقشـر والأيـام قشـرى
مافيه أحد عاقل يلومك إلى ضقـت
صحيح بعض الناس فرقاه بشـرى
وبعض البشرلا غاب ليلة تضايقـت
ليتك خذيت بليل الأحبـاب مسـرى
غربت من كثر الطواري وشرّقـت
السيل يبقى له على القاع مجـرى
ويبقى لك التذكار لو كنـت فارقـت
أشوف لك من وين مارحت ذكـرى
ولا شفتها صديت عنهـا ودنقـت
ماكل جـرحٍ لا خـذ أيـام يبـرى
بعض الجروح يزيد شره مع الوقت!



متعب التركي

* * *

يا وسيع البال




يا وسيع البـال .. ضيّقـت الصـدور
رحت ما علمتني ويـن انـت سـاري
في غيابك.. مـا لخلـق الله حضـور
وفي حضورك.. ما لهم بالبال طـاري
ليـه مـا تختـال يـا بـدر البـدور
و القصايد لك وصيفـات و جـواري
لـك بنـات الفكـر ربـات الخـدور
يكشفنّ إلثامهن .. و الجـرح عـاري
جعل قلب ٍ مـا مـلاه الصـدق نـور
عند وجه الريح.. مـا يلقـى مـذاري
التغاضـي عجـز لا طـال القصـور
ليه أداري؟.. و انت عني منت داري؟؟
الزمـان قصيّـرٍ .. والدنيـا تــدور
كل يوم يضيـق فـي عينـي مـداري
صاحبي محتاج لـك شعـر و شعـور
و احتياجي شي .. ما كان باختيـاري
من متى والغصـن يختـار الطيـور؟
من متى و البـال يختـار الطـواري؟
لا تسمي صمتـي البـارح .. غـرور
انكساري خلـف هالصمـت متـواري
في غياب الشمس وش ذنب الزهـور؟
و المطر لا شح وش ذنب الصحاري؟
اللقـا لحظـات و الغيـبـة شـهـور
تقصر الخطوات و يطـول انتظـاري
لو قريـت المنكتـب بيـن السطـور
ما كتبـت لغلطـة العمـر اعتـذاري
صمت هالمينا.. مثل صمـت القبـور
ما رسى مركب.. ولا لاحت صواري!




متعب التركي


* * *

مادام صرتي لابن عمك خطيبه




لا.. لا تقولين أنت حبي بدنيـاي
لا لا تزيديـن الجـروح العطيبـه
قولي نسيتك جافني وانس ذكـراي
خليني أنسى حسرتـي والمصيبـه
وقولي لي أنت العام شفّي ورجواي
واليوم وجدي خف ماينحكـي بـه
ياكودي أقنع وابتعد عنك برضـاي
ويصير مالي في حياتـي حبيبـه
لا تزعلين أرجوك من عظم بلواي
أسمعك ياروحي هـروج عجيبـه
أحاول أسلى مير ياصعب سلـواي
رغم إني أدري بالظروف الصعيبه
بيني وبينك حالوا عداك وعـداي
ولاني قريبٍ لك ولا أنتـي قريبـه
لاعـاد تنتظريـن للحـي ملفـاي
مادام صرتي لابن عمـك خطيبـه
أنا عزيز النفـس والعـز مبـداي
وجرح الهوى مخفيه محدٍ دري به
يشهد لي اللي عالمٍ فـي خفايـاي
إني شريف القصد ماجيـت ريبـه
ياليتهم يدرون هو ليـه مسـراي
هو ليه سلوة خاطري في شعيبـه
الوادي اللي فيه ذكـراي وغنـاي
هو سلوة الخاطر ولا ينصخي بـه
يا للأسف كنتي حياتـي ومعنـاي
من قبل تعطين ابن عمك غصيبـه
وكنتي ولا زلتي شقا النفس ومناي
بس اجتماع الشمل ماعاد لي بـه
حتى ولو قلتي بربّك وش الـراي
الراي كل إنسـان يقبـل نصيبـه
لكن يعين اللي له أمري وشكـواي
ولشهرة العشاق هـذي ضريبـه




محمد السبيل

* * *

الرياض مظلّمة




آه من كثر الوله والشوق وسط عروقـي
وآه من كثر الجروح اللي هنـا مخفيّـه
ماني بطيب وقلبي مـا تحمّـل شوقـي
راح قلبـي مـع حبيـبٍ راح للشرقيـة
يوم سافر قلت خذني معْك يـا معشوقـي
ويش اسوّي والرياض بناسهـا ممليّـة
أنت كل الناس يا شفـي وغايـة ذوقـي
يـا عسانـي فـدوةٍ للشفـة التحتـيّـة
من عرفتك والنخل مـا ميّلتـه عذوقـي
من لمحتك صارت الدنيـا كـذا ورديـة
مشكلة قلبي معك .. دايم تضيع حقوقـي
ومشكلتك تغيّـر الموضـوع وبعفويّـة
ما وصلتك وانت عندي يا سبايب عوقي
كيف اجل دام المسافة حول الاربع ميّـة
أنت في وسط الخبر ؟ لا والله ف معلوقي
يا البعيد اللي طيوفك ما تغيـب شويّـه
كل ما تطري علي ابدا واجـر طروقـي
لين ملّت من قصيديْ الساحـة الشعبيـة
من بعد ما رحت والدم ارتبك ف عروقي
والريـاض مظلّمـة والنـور فالشرقيـة



زايد الرويس


* * *

تدفعني أشواقي




تدفعني أشواقـي ويرهبنـي البـوح
ماغير األمّح لك عن الحـال تلميـح
ويضيع رجع الصوت واقول مسموح
كم حيرةٍ فيها عن النفـس ترويـح
خطاي محسوب وخطا الوقت مدموح
والنفس تجزع والعـواذل مشافيـح
أصعب سؤال أواجهه وين مـا أروح
به ينبني قصر للأحـلام .. ويطيـح
الصدفة اللي ساقت الـروح للـروح
وش منتهاهـا بالقلـوب المجَاريـح
ظنيتهـا مبـدأ تبَاشيـر وفــروح
وحدٍّ للوعـات الضنـى والتباريـح
مدري صدق ظني وأنا صرت مشفوح
أستعجـل الأيـام للحيـرة اتـزيـح
وأعيش خالي البال والصد مشـروح
مابينـي وبيـن السعـاده سواميـح
أو إنها لـي زود تعذيـب وجـروح
مدري ولاني طالـبٍ منـك توضيـح
أستعذب الحَرمان عن رهبـة البـوح
أخاف تحصل قصة السفـن والريـح



الحميدي الحربي

* * *

سلواك عزت




سلـواك عـزت ياملـيـح الحـلايـا
في عالمـي صـرت القديـم الجديـدي
لـو تبتعـد مسكنـك بأقصـى الحنايـا
حيث إن عيبـك بـس كونـك بعيـدي
قلـبـي شراينـيـه بحـبـك مـلايـا
وعينـي لغيـر مشاهـدك ماتـريـدي
يامقفـيٍ مـنـه المشـاعـر ظمـايـا
عقبـك همومـي ماعليهـا مـزيـدي
سوت بـي اللوعـات عقبـك سوايـا
بيـن العـواذل والـزمـان العنـيـدي
ولاغيـر العـذال صــدق النـوايـا
لك لو يجـور الوقـت حبـي يزيـدي
ماعشت يـوم ركـاب عزومـي ونايـا
أموت وإلا أعيـش عمـري سعيـدي
وإن سجل اسمي في سجـل الضحايَـا
قمـة عـزاي إنـي لحبـك شهيـدي
ياللـي فراقـك مـن كبـار الـرزايَـا
ذكراك لـو طـال المـدى مَـا تبيـدي
أشـوف لـك فـي كـل شـي بقايَـا
في ضحكتي .. في دمعتي .. في قصيدي



الحميدي الحربي

حدر القمر




حدر القمـر صـوّت لخلـه ونـاداه
ثــلاث مــرات وبالرابـعـة ون
حدر القمر يا ما همـس لـه وناجـاه
وعيونهـم يامـا بـنـوره تـلاقـن
والبارحه عدا علـى الذيـب بعـواه
واقفـت ظنونـه بالليـال يتـعـادن
مــرٍ حواليـنـه ومــرٍ تـعـداه
ومـر تضاحـك لـه ومـر يتباكـن
هذي سواة اللي عـن النـوم قـزاه
طيف الحبيب اللي على خاطره عـن
ان شافـت عيونـه جمـال تمـنـاه
وان صوّت القمري لصوت الهوى حن
الجارحه تجـرح وتسـري وتنسـاه
وجـروح مجـروح الليالـي تساقـن
والخافيـه طعنـة زمـانـه تمثـنـاه
والبينـه عنهـا عيونـه يبـوحـن



الأمير / خالد الفيصل

* * *

لوعة المغرم
رقة ... رقة ... رقة .. ولا شيء غير ذلك !




أعالج لوعة المغـرم وتكبـر لهفـة المشتـاق
بحسن ارضاي اسوق اخطاي اقدم رجلي وافهقها
اهوجس من طلوع الشمس الى ما غيبة الاشفاق
ولا ادري في ظلام اليـل رجلـي وش يوافقهـا
ابصبر واتصبّر مير اظـن الصبـر مـا ينـذاق
لقيت الصبر مرّ ولـو ينـوش الكبـد يحرقهـا
ألا يا كامليـن المعرفـة سلـك الغـرام دقـاق
إلـى صـاب القلـوب الله يعافينـا يخرّقـهـا
انا لي صاحبٍ خدّه ورى الشيلـه كمـا البـراق
بعرض المزنه اللى مثل شمس الظهـر بارقهـا
خلقها الله وزيّـن خلقهـا واخلاقهـا الخـلاق
قليـل جنسهـا فـي جيلهـا سبحـان خالقهـا
لها عينٍ إلى لـدت بهـا تذبـح بهـا العشـاق
وبها وصفين من عنق المهاه و طـول عاتقهـا
الى ما شفتها ضاقت بي الدنيا وصدري ضـاق
وانا لو الهوى لـي كـان عينـي مـا تفرقهـا
أحب مشاهد الغالي عسى ماهوب حـب فـراق
ولو راحت معه فـي مغـرب الدنيـا ومشرقهـا
إلى جا الليل ما شفته ، يزيد بصـدري الدقـاق
معـه روحـي بسلـك العنكبـوت الله معلقهـا
إلى عرّض على آقف مثل وقفة كسيـر السـاق
وساعات الوداع اسرع مـن الكدلـك دقايقهـا
أنـا ويـاه جددنـا القسـم والعهـد والميثـاق
ولكـن قـدرة الله سابقـة مـاحـدٍ يسابقـهـا
تعاطينا العهد في واحـد مـن عاهـده مابـاق
مـادام ان الثقـه بالنفـس يلزمنـا نوثقـهـا



أحمد الناصر الشايع


* * *

أدري وأغالط




أسأل بقصدٍ مبعده ما هقـوا بـه
والناس يقرون الهوى في عيوني
أدري واغالط كنهم مـادروا بـه
وأجهـل عليهـم كلّمـا علمونـي
نفسي على شي ٍ تبيـه مغلوبـه
خلوني أوقع في هـواه ونهونـي
الله حسيب اللِّي خذوه وسروا بـه
ياليتهـم خـلـوّه والاّ خـذونـي
قفّوا ولا ودّه يروح ومشـوا بـه
ثم التفت وأقفى وهيَّض شجونـي
وراحوا وقلبٍ ولّعه روّحـوا بـه
غصبٍ عليّ أقفوا ولا وادعونـي
ياليتهم لا صادفونـي حكـوا بـه
بالصمت عن ذكر الحبيبْ احرقوني
عيني على شوفه سواه مغصوبـه
كن المـلاك أشبـاح لا قابلونـي




السامر

* * *

وأنا منك تعبان




لياك تتعبني وانـا منـك تعبـان
يكفي تعبك العام يـاروح روحـي
مرت سنة يامتلف الروح زعلان
وانا احسب إنك بالمودة نصوحي
ماهوب حقي منك صد وهجـران
يا مجدد في كـل يـوم جروحـي
ابكي عليك من الضحى لي مسيان
و الاعي الورقا حزين وانوحـي
هذي سواة الغي خاسر وربحـان
ياخل يا للي بالمـودة شحوحـي



راشد بن جعيثن

عشق بدوي




نويت مرباع الغضي سيد الأحباب
قصدي يزول الجرح زاد إلتهابـه
جيت وبقايا نارهم حول الأطنـاب
بيت الشعر مطوي وباقـي زهابـه
أقفت ركايبهم ومنـي الهـدب ذاب
من دمع يسأل وانذهـل بالإجابـة
على غزير الدمع ضميت الأهـداب
صديت لين الدمع يكفـي سحابـه
بعض الوجع يمكن يداويه الأعشاب
وبعض الوجع يا ويل منهو سطا به
عشق بدوي لا حب ما هو بكـذاب
يوفي ولو جرحه يجـدّد صوابـه
واليوم وصلت بيننا مثل الأجنـاب
ذاك الغلا يا ضيعتـه يـا سفابـه
باكر إذا جينا لهم مثـل الأغـراب
من عقب ما كنا الأهـل والقرابـه
الأمر لله كل شـيء لـه أسبـاب
وإلا الهوى وش لي على هج بابه
وشلون قلبي ما يجي اليوم منصاب
على الرجم منقوش بعض الكتابـه
حتى أثر مشيه مع سهول وهضاب
مـرٍّ يبيـن ومـرّ مـا يندرابـه
قلبي من الفرقا صويـب ومرتـاب
كنه غدا نصفين من هول مـا بـه
حزني عليه إنه تسبـب ولا طـاب
نظرة طبيبه عجّلـت فـي ذهابـه
ريح الخزامى والنفل زين الأطياب
يشدّني ريح السّمـر فـي ثيابـه
لأقبل نسيم الليل له خيل وركـاب
وله في طلوع الشمس عز ومهابه




سعد الخريجي



* * *

يغيب ويسرع الردّة




حيا الله اللى يغيـب ويسـرع الـرده
اللـى يجينـي الـى منـه تباطانـي
قلبـي يـوده و حالـي كنهـا القـده
ودي بشوفه ودونـه حـوم عقبانـي
يا صاحبي جارك الله وش ها الصـده
مهـوب حـق تولعنـي و تنسـانـي
ان كان عندك حكي بي خامل السـده
فانت المصدق وانا حقي ومـا جانـي
اهرج على ما تـورى والبخـت بـده
لا تستحـي يابعـد حيـي وحيـانـي
ترى حلاة الهـوى لا طالـت المـده
مهوب يوم صديـق ويـوم قومانـي
وان كان ما انت بمصافيني على الشده
وقت الرخـا واجـد ربعـي وخلانـي



سليمان بن شريم

* * *

لولا الرجا




لولا الرجا واعلل القلب بوعـود
بوعود خل صار شوفه شفاقـة
لولاه ما عودت نفسي على الكود
وهو الوحيد اللي عشقته عشاقة
اختار قلبي بالهوى ناعم العـود
ماغيره احد من المخاليق شاقـه
طفل عليه من البهى ستر وعقود
زين القوام اشباه وجهه دقاقـة
ياناس حبي له بلا سلم وحـدود
وفراق روحي من سبايب فراقـه
ان كان شفته فتح القلب بـورود
وان غاب هلت دمعتي من فراقه
مدام هو موجود فالحب موجـود
وسط الضماير مبهمات اغلاقـه



محمد بن أحمد السديري

ضيعت الدليل




كـل مااقفيـت نادنـي تعـال
وكل مااقبلت عـزم بالرحيـل
وكل مااجنبت واعدني شمـال
يااهل الحـب ضيعـت الدليـل
الحقيقة غـدت مثـل الخيـال
هو عدوي وهو اغلـى خليـل
شفت انا الظلم من بعض الدلال
يجرح القلب لو كانـه جميـل
اشهد ان الهوى مابـه عـدال
هو خلى وانـا قلبـي عليـل
وكل ماقلت له يابـن الحـلال
المحبـة عطـا وانـت بخيـل
التفت لي وهو عجـل وقـال
لذة الحب فـي الشـىً القليـل



البدر

* * *

تخيّر




انا ماشير بالفرقا ولا احـدك علـى المقعـاد
تخير في طريق الوصل والا درب هجرانـي
حرام الوصل مايجمع قلوبٍ عن هواها بعـاد
وبعض البعد لو عذب يجمـع بيـن خلانـي
تحسب ان الهوى ضحكة دقايق عشتها فميعاد
الى مارحت تنساها وتنسى الوعد وتنسانـي
الا ياصاحبي الرفقة ترى ماهى ثياب إجـداد
تبدلها متى مليـت وتلبـس غيرهـا ثانـي
الى ضاع الوفا مابه هوى بارجيه انـا ووداد
ترى ذا الفرق بين اقرب قريب وبين عدواني
تحاكيني بطرف لسان وهرجي من صميم فواد
وتقف من بعيد ويـم درب المـوت تنحانـي



البدر

* * *

حبيب الروح




حبيب الروح وشوله نقضي وقتنـا زعليـن
ترى الاعمار في دنياك بالساعـات معـدوده
نبي نقطف زهور الحب من قبل الفراق الشين
حرام انا نحرم النفس والفرصـات ماجـوده
نمـا بقلوبنـا نبتـه وحنـا تونـا طفليـن
وحوطناه بالاضلاع الين انـه قسـى عـوده
بنينا به بوقت فـات عـش ضمنـا ياثنيـن
وردنـا بـه دروبٍ قبلنـا ماهيـب مريـوده
تذكر يومنا نرقـد وسايدنـا مـن الزنديـن
نهيـم بعالمـه وآمالنـا ماهيـب مـحـدوده
حرام انه عقب ماصار يفجعنا غـراب البيـن
او الحاسد ينال اللـي يبـي منـا بمجهـوده




الأمير عبد الله الفيصل

* * *

تشكي وأنا أشكي




تشكي وانا اشكي و كل منا له ظـروف
تقول بي هـم وانـا اقـول بـي هـم
لا نبـرة تاصـل ولا ناظـر يـشـوف
محروم انا منها وهـي غصـب تحـرم
تعصف بنا الدنيا ونصمد لهـا وقـوف
نمـوت ويبـقـى حبـنـا لا يـهـدم
حـب تعلـى فـوق ميثـاق وحلـوف
لـو طـاح مـا اظـن الزمـان يتنـدم
يا بنت انا وانتي و الاحزان والخـوف
صرنـا رفاقـه كلنـا بـدرب اعـتـم
درب جمعنـا كلـه رمـاح وسـيـوف
وابلـه علينـا لـو مشيـنـا تــرزم
تشكي وانا اشكي و الصبر يشعل الجوف
فينا عظيـم الشـوق و الوجـد اعظـم



أسير الشوق

عذروب الحبيّيب




تو ما شافت غزير الزين عيني
طارت الغدفة و شفت اللي تحتها
الجدايل فوق متنـه سبحتينـي
يا صباح الخير يا نور طخمتهـا
بس عذروب الحبيّيب شارتيني
مع سواد عيونها طول رقبتهـا
لعنبوك اخذي ذلولي وارحميني
عندكم تخلف و لا عند ورثتهـا
يا علي ما شفت حالي يا ضنيني
من هنوف شاية القلب شلعتهـا
ليتني ما شفت وضاح الجبينـي
يعلم الله يا علي حالـي خذتهـا
عين ريـمٍ ذيّروهـا مسلحينـي
قادت الغزلان و الريـم تبعتهـا
شافت القناص يدرق بالبطينـي
سمعت البارود بالخايع رمتهـا
شبه حمرا ربعـت بالقريتينـي
سلفت قـدم المظاهيـر وتلتهـا



المرحوم زيد بن غيام المطيري

* * *

طيف بعينى طـاف والنـاس غرقـا




طيف بعينـى طـاف والنـاس غرقـا
بالنـوم واحرمنـى بلـذات الاحبـاب
لج الهوى بى مـن جنـوب وشرقـا
ونشقت عرف طاف من فوق الاطياب
حبه رقى فـى ضامـرى كـل مرقـى
له فى صعود القلب قصـر ومرقـاب
له لسعة فـي لاجـى الـروح زرقـا
وسم المحبه ينقضى كـل مـا طـاب
كـل جروحـه تنـتـداوى وتـرقـا
وأنا على الفرقـى تـزاود ولا طـاب
قربه معيـشٍ وان بـدا منـه فرقـى
عفت المنام وطيب عيشى والاشـراب
والله لولا الخوف مـن حضـر ورقـا
يدرون بأسرارى معاريـف الاحبـاب
لا قحص على طولى على الرجم وأرقى
وانوح من حبـه وأرمّـي بالاسـلاب
يـارب تجمـع بعـد بعـده وتلـقـى
وتلمنـى وإيـاه يــارب الاربــاب
من صاحب شـرواه مـا عـاد نلقـى
بالقوم من كل الطـوارف والاصحـاب
هو نقوتى من جملـة البيـض طبقـا
إن قيل خذهم واتركه قلـت مـا نـاب
مانيب من يجـزى الحسانـى بدرقـى
أيضا ولا ينسى عشيـره إلـى غـاب
حبـه صبـغ للقلـب طـرق بطرقـى
فلو محيتـه بـأرزق الدمـع مـا ذاب
خل نطيـب بطيـب طيبـه ونشقـى
من حادث الدنيا إلى نـاب لـه نـاب
فامنـن علـى قلـب ملكتـه بعتـقـا
لا ناسيٍ عهـدك ولا لغيركـم حـاب
اعذر وسامحني تـرى القلـب مشقـا
وصل وصلك الله مـع كـل الاسبـاب
وصلاة من يفنـى الخلايـق ويبقـى
على رسـول الله وآلـه والاصحـاب



محسن الهزاني

* * *

غنت ضحى من فوق الأغصان ورقا




غنت ضحى من فوق الأغصان ورقـا
==واستفتحت للقلب خمسة عشر باب
معهـا أنـوح وأرتقـي كـل مرقـى
==ولنوحها وجدي حضر كلما غـاب
لمن تزايـد حـب مـن بـه امْشقَّـى
==عقلي وروحي والحشا فيه تلهـاب
وبكاس خمرات الهوى صرت مِشقـى
==وإلى إن مِلفٍ من حمى الصاحب اكتاب
زيَّـد غرامـى والحشـا راح مرقـى
==بين الفرح والهم من فوز وعتـاب
صار الهنا بـي ينحـدر ثـم يرقـى
==في طربة يا حي مرسول الاحبـاب
يامرحبا ما روض الاوجـان مسقـى
==من سحب عيني أحمر اللون سكاب
يا مرحبا بـه كـل مـا بـات شرقـا
==قنديل نوره من بها الشمس أو غاب
ترحيب أطيب من شذا المسك وأنقـى
==من ريحة العنبر إذا بالغضـى ذاب
من قلب يهوى كـل الاوقـات ملقـى
==من صاحب هو طربتى دون الاصحاب
يهواه قلبـى دون الاصحـاب طبقـا
==حينه لطير القلب وكـر ومحـراب
إنسان عينى مـن أنـا منـه مشقـى
==عقبه فلا نومى ولا العيش لى طاب
هذا ويـا مـن حـاز للمجـد سبقـا
==يا سامح الكفين يا زاكى الانسـاب
يابن الذى فـي غبـة الجـود غرقـا
==كم شرب منها ذا موارات ولهـان
عون الضعيـف ومزبـن لـه ومتقـا
==عن جور دهر ان تبلته الاسبـاب
إن سلت عمن لك مـن الـود مسقـا
==كاس المحبه والحشـا بالجفـا ذاب
أجفانـه الحرقـا مـن الدمـع غرقـا
==وامن التباعد كثير الافكار ما نـاب
إلى عن لى عقـب اللقـا ذاك فرقـا
==واقول يامن هو لـلارزاق جـلاب
تسرع بجمعانـا علـى طيـب ملقـا
==مع صاحب لزمام الانفاس جـذاب
مفتـون فـي لامـاه والحـق حـقـا
==واللى فلا عن سايله صك له بـاب
إنــى مـحـب مستـجـن محـقـا
==من وجد لو عاتى شعر مفرقى شاب
فان كان تنشـد حـال مضنـاك تلقـا
==جسمه على فرقاك ياصاحبـي ذاب
واما مـن الاسبـاب فالـرزق غدقـا
==من فضل مولانا جنى زهرها طاب
مابـيـن إكــرام وعــز وملـقـا
==واجلال قدر فايق قـدر الانسـاب
وصلوا على مـن بيـن الحـق حقـا
==طاها المشفع ثم آلـه والصحـاب



أيضا محسن الهزاني

* * *

تهايق بالقليب وطاح




أنا مشتاق اسولف لك واعيد الماضي اللي راح
مادام الحاضر اللي فيه حنّا مـا اهتنينـا بـه
حبيبي كلّ هالدنيا تعـب محـدٍ بهـا مرتـاح
سوى المشتاق مثلي راحته في شوفة أحبابـه
أنا وايّاك مثل اللي تهايـق بالقليـب وطـاح
تناوش باصبعه حبل الرشا واخطـاه ماجابـه
غزيتيني واخذتيني رهينٍ لـك بـدون سـلاح
زهمتي للعيون وفلّ رمشـك ضافـي أهدابـه
يموت الليل في وجه الصباح ويضحك الذبّـاح
وأنا في صبح وجهك تضحك عيوني وتحيا به
مثل بعض الهدايا شوفتك سيف وعِطر وسباح
تعال اغتال بوجودك زمـانٍ خـان باصحابـه
وجودك مثل برقٍ في متاهات الصحـاري لاح
تباشر به عيون اللي وحيـد وتعبـت إركابـه




فواز رحيل العنزي


* * *

أنا كلي معك مسرى




أنا ودي أسولف لك بهم اليـوم واللـي راح
ياأجمل هم عايشته وقلبـي لـه فتـح بابـه
تفضل وحدك القادم بقلـب بالرجـا صـداح
بك أفراحه بك أحزاته بك حضوره بك غيابـه
أنا وإياك بالماضـي خلطنـا جدنـا بمـزاح
تمادينـا وجاملنـا وكـل شــام بعتـابـه
وحاضرنا جنينا به كـدر ومقاطعـة وجـراح
وش اللي نرتجي بالله بوقت ما اهتنينـا بـه
غدينا مثل من ذاق الخساير بعد حلو أربـاح
تعذر فـي مقاديـره وهـو بلـواه بحسابـه
تعال أنسيك وتنسيني قشر وقت بوجهه شاح
ويصير الحلم والواقع بعين الوقـت وأهدابـه
تعال افتح معي صفحة جديدة كودنـا نرتـاح
ونبدا حيـث وقفنـا نتـم اللـي بدينـا بـه
أنا أذكر إني أهديتك قلم وكتاب مـع مسبـاح
وصورة بيت به صورة وقلت :الله . . جذابه!
وتذكر يوم تهديني عطر فـي تولتـه فـواح
وشعر فيه تشكي لي عذاب القلـب وأسبابـه
حلاوة أمسنا هذي نبيهـا يومنـا يـا صـاح
إذا تسمح توافقنـي نـرد الحـق لأصحابـه
أنا أشوف السعد مقبل سنا برقه لعينـي لاح
تباشر به عقب غيبه فياض القلـب وشعابـه
أنا كلي معك مسرى وأنا كلي معـك مـرواح
أسولف لك وسولف لي عن اللي غابوا أحبابه
لاجل ودي تسولف لي بهم اليوم واللـي راح
ياأجمل هم عايشني وقلبـي لـه فتـح بابـه



سليمان العليان

* * *

تولعت بك




تولعت بك والله كتب لي على فرقـاك
حسيبي على الحظ الردي كانه أشقاني
أنا ما شعرت أني مع الناس قبل ألقاك
لا ذقـت لدنيـا طعـم قبـل تلقانـي
ولا كنت أحس بلوعة الحب قبل أهواك
ولولا عيونك ما كتبت أجمل ألحانـي
سقا الله ليالي خالده عشتهـا ويـاك
درب الحويه بين عشـب وغدرانـي
تذكرت يوم أقبلت كنك تحسب خطـاك
تمايل بعـود نايـف الطـول ريانـي
وترفع طرف ملبوسك الضيق بيمنـاك
وشلال شعرك تنثره فـوق الامتانـي
ترى اللي يسليتي عن مشاهدك ذكراك
أنا مستحيل أنساك أخاف إنت تنساني



الأمير المرحوم سعود بن بندر

عطني عهد




عطني عهد وأعطيك كـل المواثيـق
عطني الغلا وأعطيـك كـل المـودة
عطني حنانـك والوفـا دون تفريـق
واكسب رضى روح لروحـك مـوده
روحي صفت لك واخلصت دون تبريق
تتبـع رضـاك ومـن يـودك تـوده
أرجوك رجوى ياعـذاب العشاشيـق
شـي فقدتـه منـك حـاول تــرده
بادلنـي الإخـلاص قبـل التفاريـق
مـادام حبـل الوصـل تقـدر تمـده
اعطف وذوقني مـن الحـب تذويـق
واصـرف دوا لجروحـك المستجـدة
شربة هنا من مبسم مـا يعـد ذيـق
أحيـا بذكراهـا مـع البعـد مــدة
لحظة معك تفرج عن عيوني الضيـق
يا من كما نـور القمـر نـور خـده
عمري بـلا لامـاك مابـه توافيـق
ضو القمـر مـع نوركـم مـا نعـده




( . . . )

* * *

راع المحبة لا تعذلونه




يا نـاس راع المحبـة لا تعذلونـه
مهوب عن صاحبه داله ولا سالـي
لو يسهر الليـل كلّـه لا تلومونـه
الحب بلوى مانيـب أول ولا تالـي
لي صاحب ماقطعت الياس من دونه
لو غاب عني خيالـه دوم يبرالـي
الصاحب اللي سحر هاروت بعيونـه
ودي بشوفه ولا كن ما تهيّـا لـي
ياهايف الخصر عيني فيك مفتونـه
عزي لحالي عقب فرقا هوى بالـي
ياكود وصلك على مثلـي وياهونـه
إن كان حالك طواها اللي طوى حالي
عن غيرك القلب غسّلته بصابونـه
والعين ماتلتفت فـي كـل الزوالـي
مايجرح القلب كود فراق مضنونـه
أبطيت ما أرسلت لك يازين مرسالي
أجر صوت جميع النـاس يوحونـه
غديت مثل المصيح بالخلا الخالـي



أحمد الناصر الشايع

بعد حيي




اليوم يـا بنـت مـن زيّـي
الشمس وردت علـى ضيـي
جيت أنتخي بالوجيه البيـض
يا عزوتـي يـا بعـد حيـي
الجادل اللـي حلاهـا غيـر
ضيّعت فـي شمسهـا فيّـي
بعيونهـا سلسبيـل رمــاح
والمـوت بالسـود متهـيـي
موتٍ وأنـا أمـوت بالمـوت
كثيرهـا غــرّق شـويـي
لا قلت : تكفين ، قالت : جاك
ولا جيتهـا فـجـأة تعـيـي
ولا قلت : مالي ومال الغيـد
قالت : وهـم بينهـم زيـي ؟
وإن قلت : أنا تبت مالي كار
مقفـي زمانيـن عـن غيـي
قالت وهي تلتفـت للنـاس :
طلال .. موته علـى ايديـي



المرحوم / طلال الرشيد

* * *

أموت من فرقاك




أموت من فرقاك وأمـوت بلقـاك
وأموت من جورك وأموت بحنانك
كلٍ قضاه يموت مـرة .. ويفـداك
وأنا أمـوت ألفيـن مـرة عشانـك
أذكرك لامني نسيت انـي انسـاك
وانساك لامنـي ذكـرت انسيانـك
رضيت أنا بالهم لرضاك ما أرضاك
وارخصت لك قلب جرحته وصانك
أجيك في صدري عتاب وأبجفـاك
وأرجع ألوم الوقت وأقـول خانـك
أحب فيك إحساسي إنـي بلامـاك
في عز خوفي منك أحـس بأمانـك
عجزت أفرق بين وصلك وفرقـاك
ياللي عطيت الناس بيـدك عنانـك
مر تجيني لين أقـول انـي ايـاك
ومرٍ تروح بعيـد وأنسـى أوانـك
اقبل وتقفي واعتذر عـن خطايـاك
واقـول مـا عييـت عيـا زمـان
وإن خانتك دنياك أو خنـت دنيـاك
ارجـع وتلقانـي مكانـك مكانـك




المرحوم / طلال الرشيد

* * *

صمت البوح




منك وعليك الهم من وين مـا اروح
يمشي معي يا شاغلـي مثـل ظلِّـي
أنـا حياتـي بالهـوى كلّهـا نـوح
تشرب ظنوني هـمّ واقـول علِّـي
أغلا الجروح اللِّي بها منك مجروح
الله يـا حبّـي لـجـرح التغـلِّـي
لي في عذاب الحب رحمه ومصلوح
عذابك أرحـم مـن نعيـم ٍ مولِّـي
حبك عذاب الروح ويونِّـس الـروح
مستولي ٍ حبّـك علـى كـل كلِّـي
أصمت ويظهر منك في صمتي البوح
ملامحي منها جليسـي فطـن لـي



السامر

* * *

يامن يراعيني




يامـن يراعيـنـي بعيـنـه وأراعـيـه
بعيـون قلبـي كـل مـا لاح زولــه
يـفـز قلـبـي لا تـبـدت مـواريـه
واغض عنه الطـرف والنـاس حولـه
اقعد معه في الناس مـا اقـدر احاكيـه
اخشـى كلامـي يختلـف فـي مقولـة
يغلي الحكي في داخلي ما اقدر احكيـه
ويصرخ في صدري صمت قد طال طوله
اسرح بفكـري لا جـرى طـاري فيـه
لا اقـدر ارد الهـرج ولا اقـدر اقولـه
لا اقدر افيّض سـر قلبـي ولا اخفيـه
ولا اقـدر اداري لـه جـروح عليـلـة
يـامـن يناديـنـي بقلـبـه وأنـاديـه
يـا مـودع ليـلـي لـيـالٍ طويـلـه
ينسى الغفـى عينـي اذا جيـت باغيـه
يامـن يلـوم اللـي خـلا مـن خليلـة




نجدية

* * *


ليلي مثل ليلك




ليلي مثل ليلك ... او همومنـا غيـر
قلبي صباحك مشرقه مـع صباحـي
أنت السما عندك... نجومه ...نواوير
ومن الفرح عجعج سناها ... وفاحي
وانا نجومي ... في الغداري مسامير
على السما ... دقت بكـل النواحـي
جاك الظلام وجاك ربـع ومساييـر
وجاني الظلام وكل ما احب راحـي
علمي بنور الشمس ... وقت المعاذير
قال الوداع ... وقلت دربك سماحـي
كان الالم .... غيث فدمعي محاديـر
وكان الندم سيل فخدى ... بطاحـي
تقول خل الهم واكفـخ كمـا الطيـر
عطني سما يا أخوك وألوي جناحـي




البدر

* * *

روحي الوجلة




يازين خل العتـاب شـوي
ترى الوعد لحظته عجلـه
خل اتمتع بنـور الضـي
من نار وجناتـك الخجلـه
ياشوق مافي يدينـي شـي
حاسب على روحي الوجله
لاتحسب اني بظـل وفَـي
خلك زمانه عقـل رجلـه
كم لي وكبدي تمنى المـي
ضامي ورجلي على دجله
قلبي طويته بحبـك طـي
وشوفك انـا ميّـت لجلـه
والله مالـك بعيـنـي زي
ونفسي على موعدك هجله



الأمير / خالد بن سعود الكبير

* * *

يا قوّ قلبك




ياقو قلبك على الصـدة ويـا صبـرك
ويا وسع صدري على صدك ويا صبري
ويا طول عمرك بذاكرتي ويـا كبـرك
ويا شيب عيني باشيّب عـاد ذا كبـري
والله لو ان حمل صبري فوقك ان تبرك
و والله ولو تعتذر منتب علـى خبـري
اما جبرك الغلا ما اقدر علـى جبـرك
ياللي على ارض الوفا ما شبرك بشبري
تزعل وترجع وتلقانـي علـى خبـرك
وأنا انكسر لك واجيـك ادوّر لجبـري
امحق وليف ومحبة ولا اقـول ابـرك
حسبي عليك اعشقك وانت تحفر قبـري



محمد بن فطيس المرّي

* * *

تخطي علي




تخطي علي .. واستسمحك .. واترجاك
ضعفي هـواك ..وفطنتـك ماتخونـك
المشكلة انـي كـل ماجيـت ابنسـاك
فكرت نفسي .. كيف ترتـاح دونـك ؟
ومـا ظـن لاهــذا ..ولاذا.. ولاذاك
واللـي سمعـت بذكـره يعوضونـك
تدري اني اعشق فيك شامـل سجايـاك
زينك وشينـك فـي قسـاك وليونـك
وانـي متيـم فـي محاسـن محيـاك
وتعرف علي شلـون سلطـة عيونـك
تامر على من موقها الموت ... هـذاك
واطاوع امره قبل ترمـش ..جفونـك
رديت قلبي عنـك لاشك..هـو جـاك
وجيتك معه راضـي بمقبـل طعونـك




سعود بن بندر

الطايش



الطايش اللي محتمينه مـا والـوه
كل العيون اللـي تحبـه باعتـه
أغلى شهوده ساع ما بيع جحدوه
وأوفى شموعه يوم قفّـى ماعتـه
يا أهل السخافة واللقافـة جنبـوه
خلّوه يخطـي دامنـي شمّاعتـه
خلوه يجمد ويتبعثـر كـل أبـوه
ما دامني في حكمه وفي طاعتـه
لانه خليط من التغاضي والنبـوه
ومواقفـه تُبنـى علـى قناعتـه
مدلـع خلقـه ، وناسـه دلعـوه
والنفس ما تشبع به إليـا جاعتـه
يغيب ويدري إن المعاليق فقـدوه
ويرجع بصوت جعلني ما ناعتـه
لا بث رقمه شاشة الجوّال أتـوه
وأقول يا ربـي تبـارك ساعتـه
جوالي إليا منه دق ، وقال : ألوه
تـذوب أذانـيَّ علـى سماعتـه
لبيه يا كلماتـه ولا فُـض فـوه
أموت في ضحكتـه واستمتاعتـه
لا تنشدوني ليش أحبّـه أنشـدوه
حبـه محببنـي سبـب وداعتـه
من كثر ما أحبه ، أحب أمه وأبوه
بالمختصـر .. أحبهـم جماعتـه



سعد بن علوش

* * *


مجنون زعلاتك




تزعـل وأراضيـك وأتـلـذذ بتزعيـلـك
تبـي الصراحـة ؟ أنـا مجنـون زعلاتـك
لا قمـت تبعـد وأنـا أقـرّب وأدنّـي لـك
وأمسك طـرف غترتـي وأمـشّ دمعاتـك
وتبـدي تعاتـب وأنـا كـل انتباهـي لـك
مانيب يمـك ، أنـا عينـي علـى شفاتـك
وتعيـد حكيـك وتفـرك حيـل منديـلـك
وتخالطـت صـادق حـروفـك بونّـاتـك
وأحاول أرضيك ، ما ادري منين أنا أبدي لك
وأحتـار ، ,واذكّـرك فيبعـض زلاتــك
وأسمّعك مـا كتبتـه بـك ، وأغنّـي لـك
طاروقـك اللـي تحبـه وأسكـر سكاتـك
واستسمحك واعذرك واسمعك وأشكي لـك
واتلـهّـف لبسمـتـك وأرد ضحـكـاتـك
يسرقني الوقـت ولا يمدينـي أحكـي لـك
كـلامـي الـلـي تحفظـتـه لشوفـاتـك
وقت الوعد فـات وعيونـي تراعـي لـك
وأقفيـت وأشغـلـت قلـبـي بالتفاتـاتـك
عيني على خطوتـك والقلـب يدعـي لـك
الله يحفظـك مــن الحـاسـد وشمّـاتـك



حمد السعيد

* * *


الرسالة




يا بعـد كـل الرسايـل هالرسالـة
توها مـا كملـت عمـر الطفولـة
طفلة فيها العطـر يـا طـول بالـه
وده يفوح ويبـوح وهـي خجولـه
مثل طبع اللـي كتبهـا مـن دلالـه
في تضاريس الزمن وأربع فصولـه
دالهٍ لا جيت أشوفـه شـاف حالـه
ما حصل لي منه لو نظرة عجولـة
صار عندي راس مال وراس مالـه
ضحكة معها عقـل بـس مهبولـة
لا ضحك في مسمعي كنـي قبالـه
كني أقطـف ورده وعقـده ولولـه
وأحبس بعيني خيـال مـن جمالـه
وارفع لسمعي يـدي كنـي بطولـه
وارسم لزوله شكـل يشبـه خيالـه
في خيالي ولا أنا ما شفـت زولـه
كـل مـا حرمتـه ألقانـي حلالـه
وكل ما عنه ابتعـد قربـت أنولـه
كنت أفكر مـرة ألقـى لـي بدالـه
دام وصله صعب والأصعب وصوله
قلـت يالله نفتـرق كلـن وفـالـه
قال يالله ، قلت لحظة مـن يقولـه؟
أطري الفرقا وأنا ما مـن صمالـه
وادريان فرقاه مـا هـي بالسهولـة
كم عـذول قـد عذلنـي فيوصالـه
ومن عذلني قلت له نفـس المقولـه
ما يخلـي حالـة الرجـال حالـة
غير بنـت فـي مواقفهـا رجولـه



رشيد الدهام

* * *


ما عاد بدري




ما عاد بدري قلـت لـي وش تحـرّى
ذابت نجوم الليل مـن جمـر الآهـات
ما عـاد بـدري تـدري العمـر مـرة
سرقـت سنينـه مننـا كيـف لحظـات
تقـول باكـر وأنـت بـاكـر تـبـرا
مر الزمن واقف علـى مـر الأوقـات
بتنتهـي الدنيـا قـبـل مــا تـجـرا
لا ضاعت الفرصة ترى الموت حسرات
الحـب كلـه لـو جمـع عـشـر ذره
واللـي بقلبـي لــك ملايـيـن ذرات
احساسي لك كوكـب تعـدى المجـره
فيـه الفضـا شيّـد لنفسـه مـجـرات
يامـن تسّخـر كـل أمـري بـأمـره
همـي وحزنـي والفـرح والمسـرات
ما ترحـم اللـي وسّمـت فيـه عبـره
أشتاق حتى صـار بـه منـك لمحـات



تركي بن عبد الرحمن


* * *

منظر الدمعة




ليتني ما شفت في عينك دمـوع
منظر الدمعة على خدك هـلاك
يامضوي في دجى عمري شموع
الحزن ما خلق لعيـون المـلاك
اتحمل عنك كـل أمـر يـروع
خذ هنا قلبي وخلف لـي عنـاك
واتقدم لك بقلبي فـي خضـوع
ضح به في هيكل الحب لهـواك
أو تلطف به وضمه في الضلوع
علها تورق غصونه في حمـاك
من سهومك ما حمى قلبي دروع
والشفا ياروح روحي في شفاك




الأمير / عبد الله الفيصل

* * *

ألا يا أهل الهوى




الا يا اهل الهوى وا عزتـا لـي
عديل الروح مكـن بـي صوابـه
عشيـر بالمحبـة سـم حـالـي
وانا وا حسرتي قلبـي غـدا بـه
هنـي اللـي ينامـون الليـالـي
وقلبي مـا طرقهـم مثـل مابـه
اغبط اللي من الحب صار خالـي
وانـا قلبـي شقـي وا عـذابـه
امير السمر ما ادري وش نوى لي
الا يـا الله تعتـق لـي شبـابـه
اخذ روحي ولا ني عنـه سالـي
وانا وان راح عمري واسفـا بـه
حشا ما غاب عن ذهنـي وبالـي
ولا ساعة ومـا حسـب حسابـه
انا لي باسم حرف النـون غالـي
واخذت منه خطابه والتـوى بـه




عبد الله فضالة

لا تزعلين




لاتزعلين تضيق فيني الوسيعـه
لاتزعلين اظـن مافيـه داعـي
بيني وبينك ماتصيـر القطيعـه
خلي الزعل للي هواهم صناعـي
لك بالوفا يانور عينـي طبيعـه
ميرادمحى الزلات زوفي ورواعي
الخـل مايرضـا لخلـه هزيعـه
عن الطمـان ينزلـه بالرفاعـي
انا وقلبـي يالعيـون الوسيعـه
لاجلك ترانا ماذخرنـا مساعـي
نشري رضاك وخاطرك مانبيعـه
حبك هوى نفسي وشوفك متاعي
اشواق قلبي تندفع لـك سريعـه
وانا على شانك سريع اندفاعـي
امرك يلبيـه الخفـوق ويطيعـه
لوفي حلاة النوم فزيـت واعـي
لاتجرحين القلب وانتـي ربيعـه
خل الزعل لايصير سبة ضياعي
حب البشر لو تجمهينه جميعـه
حبى لك اكبر والوفـاق طباعـي



طلال السعيد


* * *

عشقـت قبلـك كثيـر




ما أنت أول اللي عشق قلبي ولا آخرهم
عشقـت قبلـك كثيـر وباقـي واجـد
لكنك أكبر غلا فـي قلبـي وأطهرهـم
وداعتك .. تذبح العاشق وهو ساجـد
حاولت أبنسى عيونك وأثري أذكرهـم
يا غالي في جمالـه مـا يبـي شاهـد
لو قالوا أخسر جميع البيض بخسرهـم
القلب من يمهـم يـا صاحبـي بـارد
لو نبشوا داخـل أشعـاري أبعثرهـم
عكس البحر عنفـوان وداخلـه راكـد
جدايلـك يـوم رب الكـون صورهـم
خلاني أحيـا بهـم ويمـوت الحاسـد
لعيونك اشعل بحور الشعـر واقهرهـم
يحق لـك دام مـا مثلـك ولا واحـد
كنتي أول اللي عشق قلبـي وآخرهـم
حامد يموت بعيونـك يـا بعـد حامـد



حامد مناور

* * *

ماتوا أحبابك




على بيض النوايا والقلـوب الطاهـره تنويـك
وأنا أدري فيك تدري بي وتدري فيني أدرى بك
وأنا مابين إيه وْ لا .. سألتك لو يجي تشكيـك
أبي بس اعْرف ان اللي ذبحني ما بعد صابك !؟
يشوفون الربيع فعيني اللي لا حضـر طاريـك
نبت جفني زهر وانفاس روحي تنشر أطيابـك
تبيني لك هوى ؟ خذني خفوق ٍ جعلـه يسليـك
وش احلى ما يجيني غير حبك وأجمل عتابـك
أحبك والذي حط الحنان ف راحتيـن .. يديـك
أحبك والذي خلى الشدايـد تحسـب اْحسابـك
ويمكنّك تعَرف اني احبـك واعشقـك واغليـك
ولكن لو تعَرف اللي كتمته.. ضاعت !!ركابـك
أغير وما بَغير إن غرت لامن ذا ولامن ذيـك
باغير اْمن (العبير) اللي سكن في زهرة اهدابك
وانا أذكر لي عيون ٍ( بالعسل) مخلوقة ٍ تشفيك
و( سوّدها ) الكحل لمّا بكت من هاجس غيابك !
وفي لحظة تلاقينـا سجـدت لخالـق ٍ معطيـك
طهِر كل القلوب و دعوة ٍ تلهـج ب محرابـك
حبيبي لا تقول الآآآآه ماعاش الألـم يشقيـك
أبقطع له يدينه لو لمس بـك طـارف ثيابـك
حَبيبي لا تقول مْوادعـك.. لوهالوفـاة تجيـك
بأودِّع باقي اْسنينـي وأضـمّ فقبـري ترابـك
حبيبي لا تمّوت ميِّتـه مـا عاشـت الا فيـك
وأنا لا مت فدوة وأن حييت؟ و ربي / أحيابـك
ياليتك يا حبيبي بسْ / تبيني مثْل أنـا مابيـك
بتدري ليه أحس الموت كل ما مرّنـي/ جابـك
ولو مات الهوى اللي بك تغلغل / لاحشا مارثيك
متى حنا عرفنا لك حبيب ٍ "حيّ " واودى بك ؟!
أنا والله مأرثي غير بيـت ٍ مـا كتبتـه فيـك
عسى الله يغفر اْذنوبه على انه مات باسبابـك
بتبقى هالجبال الشامخـة توقـف لـك تحيّيـك
ويبقى هالبياض اللي تباهى فيك.. يحلـى بـك
بيبقى هالشعور اللي جرى فـي دمـي يناديـك
وتبقى هالقصيدة تحتري .. لـو ينقفـل بابـك
ورغم إن النوايا بيض / أبَطلب ربي يجازيـك
وأنا أدري ما يموت الحب لكن. . ماتوا أحبابك!




عبير بنت أحمد
نقلا عن الزميلة الأسطورة


* * *

تشوفها صدفه




تشوفها صدفه وانا اشوفهـا غيـر
انا تصنعت الصدف لجـل اشوفـك
ما تتعب المشتاق كثـر المشاويـر
لا صافحت لهفـه كفوفـه كفوفـك
لا جاك قلبـي واشتياقـي مساييـر
ارجوك تكـرم بالمحبـه ضيوفـك
ما ابي وعد خل الوعـد للمقاديـر
لو اضمنك وشلون بضمن ظروفـك
غيبتك طالت يا عسى مانعك خيـر
الله يطمن خـوف قلبـي وخوفـك
ما قلت لك وقت انتظارك وش يصير
بس اكتب اسمك واتهجـا حروفـك
نسيان حبك لـو تناسيـت تذكيـر
انسى حياتي لا طرت لي وصوفـك
كان الجفا غلطتك وصلـك معاذيـر
لو طال بـدروب التجافـي وقوفـك



الأمير سعد آل سعود (منادي)
نقلا عن الزميلة كويتية زايرة


* * *

جروح قديمة




لاتعتذر هـذي جـروح قديمـة
ماعاد في قلبي للأعـذار معنـى
ليه العذر والقلب يكفيـه ظيمـة
دام الهوى في خطوتـه ماتبعنـا
يوم الليالي من هوانـا عقيمـة
الكون ضاق بهمنـا وماوسعنـا
ياما زرعنا بالـدروب العتيمـة!
وياللأسف مافادنـا مازرعنـا !!
لك في خفوقي كل قدر وحشيمـة
ياليت تسأل قلبك اشلون ضعنـا
ماني بخيلة فـي وفايـا كريمـة
بس الزمن بأقصى ظروفه منعنا
هذي خطايا الوقت صارت عظيمة
ياما صبرنـا والصبـر مانفعنـا
ليت النوايا فـي زمنـا سليمـة
ان كان مانركض ورى ماسمعنـا
لو ننزف جروح الألم والهزيمـة
يكفي على ماصار حنـا اقتنعنـا
دام الهوى ماله مع الناس قيمـة
ظنك ورى الأوهام حنا اندفعنـا!
ودام الهوى كذبة خفوق وجريمة
خلنا نتعود يسهر الكـذب معنـا!


مليحة الفودري

* * *

ليلة فراق




الليلـه هـذي واضحـه ليـلـة افــراق
حـاولـت اعديـهـا وعـيّـت تـعـدي
اظــروف ماتنـطـاق ولا راح تنـطـاق
صـد القـدر ماهـو بـصـدك وصــدي
تعـال اخذنـي بيـن ايـاديـك مشـتـاق
قبـل انتـفـارق حــط يــدك بـيـدي
بجلـس معـك ساعـه حبايـب وعشـاق
من بعدهـا كيفـك ولـو صـرت ضـدي
فيني خليـط اشـواق باشـواق باشـواق
واصل معك مـن كثـرت الشـوق حـدي
ودي ألمـك واحضنـك حضنـت عـنـاق
ياشـيـب عيـنـي كــل ماقـلـت ودي
في خاطري ‍.. وش خاطري ؟ خاطري ضاق
الكـون كلـه ضــاق مـاهـو بـقـدي
حتى الدموع اللي استحـت كبـر واخـلاق
تساقطـت مـن فـوق خــدك وخــدي
لوحة شعـر تبكـي علـى بيـض الاوراق
بيّحـت فيهـا مـن ردى الحـظ ســدي
ليلـة جفـا وافـراق مامثـلـه افــراق
حـاولـت اعديـهـا وعـيّـت تـعـدي



ثـــامـــر شــبــيــب الدغباسي


* * *

خيالات وهبال




بعد الغياب اللي ( بـرا ) باقـي الحـال
وجـروح قلـبٍ بالـهـوى حطمتـنـي
وعمـرٍ قضيتـه شاكـي الهـم رحـال
وسنين راحت مـن عناهـا .. طوتنـي
جتنـي تبسّـم تبتهـج حيـل تخـتـال
ماكنهـا فـي يـوم راح اطعنتـنـي !!
وماكنهـا شالـت مـن الحـزن مـوال
وماكنـهـا بغيابـهـا .. لوعـتـنـي
مدري ( غلا ) وإلا (خيالات) و اهبـال
عقب البطاء وشلون .. جت واذكرتني !!
وقالت: وقبل إتقول مـن عينهـا سـال
دمـع الولـه والشـوق بـه حيرتنـي
قلـت اسمعينـي يابعـد كــل الازوال
دنياي مـع طـول الجفـاء .. علمتنـي
عمـر المحبـة ماثنـت عـزم رجـال
ومثلي (عزيـز) وغيبتـك مـا ثنتنـي
مـات الغـرام اللـي بنيتيـه وآمــال
وش عاد باقـي .. والقصايـد رثتنـي
بطويك ماضي ما جلـب غيـر الاهـوال
خـوذي بقايـا الحـب .. يامتعبتـنـي
وراحت وكن القلب من ( يمهـا ) مـال
ادري يبيهـا حيـل .. لـو عذبتنـي !!




محمد العسكر


* * *

قالوا تحبه ؟




قالوا تحبه قلت مـا هـوب بالحيـل
بس إنه أغلى شوي من نور عينـي
يسوى جميع الجيـل الأول وهالجيـل
وأحبابـي الماضـيـن والمقبليـنـي
شوقي له أعظم من ظما الأرض للسيل
وأشفق عليه أكثر مـن أم الجنينـي
وأحتاج له حاجة ثرى مصـر للنيـل
وعليه أغـار أكثـر مـن الوالدينـي
أشتاق لـه شـوق المحبيـن لليـل
وأرتاح له راحـة دمـوع الحزينـي
لا صار جنبي لو سنه وقتـي بخيـل
ولو غاب لو لحظات صارت سنينـي
قالوا يحبك ؟ قلت هـذا هـو الويـل
ما ودي أنشـد ثـم رفضـه يجينـي
وأهدم رجاي بدبرتي مثـل مـا قيـل
والأفضل أحيـا بالأمـل لـو لحينـي
يا حبكـم يـا نـاس للقـال والقيـل
الله يجـازي . . جملـة العاذليـنـي
خلوني أحيا فـي الوهـم يالعواذيـل
وش دخلكـم والأمـر بينـه وبينـي




المرحوم الأمير سعود بن بندر

لا تكاثر جيّتي




لا تكاثر جيّتي يـا نظـر عينـي
الله اللي جابنـي لـك ومشّانـي
ماشـي درب مشـوه المحبينـي
بالمـودة راجـح لـك بميـزان
أحسب إني مثل ما اغليك تغليني
ما دريت إنك عـدوٍّ و قومانـي
و اثر لك يا متلف الروح قلبينـي
قلب يبغضنـي وقلـب يتمنانـي
كم هنوفٍ عنـد اهلهـا تمنينـي
كزّت المرسول كله علـى شانـي
تحسب ان الله قطـوع يخلينـي
ربي المعبود مـا عـاد ينسانـي
تحسب إنك يوم قفيـت كاوينـي
يوم تكفى الحوض في وجه ظميان
سيد الخفرات ما توفـي الدينـي
خنتني من غير حـق وبرهانـي
الجفا من بيننـا موقفـه شينـي
من فعل خير يجـازى بالاحسـان
خوفي الله .. لا تصيرين لاثنيني
صفّي النيه و صيـري لفردانـي
يـا حبيبـي اسقنـي لا تخلينـي
لو اموت من الظما محدٍ أسقانـي



سالم الحربي


* * *

لا تحسب إني دالهٍ عنك




لا تحسب إني دالهٍ عنك ناسيـك
لا والذي تنصي المخاليـق بيتـه
لا شك حال الياس دون الرجا فيك
مالي عن المكتوب لو ما رضيتـه
يا من طريقه لي وسهل المساليك
أقرب قريبٍ لي وصعب إن بغيته
ما شفت عبرة عيني اللي تراعيك
هلت على المكتوب ساعة قريتـه
الى متى راحت حياتي وأنا أرجيك
حقٍ إن ذا ذنبٍ لنفسـي جنيتـه
فإن كان تغليني غلا مثل ما أغليك
مجبور تاطا بالهوى مـا وطيتـه
وإن كان جا مستقبلك مثل ماضيك
قلت آهٍ يا خلاّف سعـيٍٍ سعيتـه
لو كان تنساني فلانـي بناسيـك
الله لا يقطع رجًـا بـك رجيتـه



الأمير سعود بن محمد بن عبد العزيز


* * *

يـاجـر قلـبـي




ياجر قلبـي جـر لـدن الغصـون
وغصون سدر جره السيـل جـرا
واهله من اول بالـورق يورقونـي
علـى غديـر تحتـه المـا يقـرا
على الـذي مشيـه تخـط بهـون
والعصر من بيـن الفريقيـن مـرا
لا والله اللي بالهـوى هوجرونـي
هجر بـه الحيـلات عيـت تسـرا
لا مبعـد عنـهـم ولا قربـونـي
ولا عايف منهـم ولا نـي مـورا
واكثر عذاب القلب يـوم سنحونـي
بيح بصبـري لـو بغيـت اتـدرا
لا ضاق صدري قمت اباري الظعون
كنـي غريـر بالدلوهـة مـضـرا
وقبلي عليه اشفق وتبكي عيونـي
والحـال مـن ود الحبيّـب تبـرا
يا عزتالي مـن تفـرق شطونـي
يعزا لي ارمـي بالسلـب واتعـرا
ان مت فـي خـد بعيـد انقلونـي
على هـدي الزمـل مشيـه تـدرا
بين النهـود وقـد روس القـرون
عـن الهبايـب مستكـن مــذرا
ياليتـهـم بالـحـب ماولعـونـي
كان ابعـدوا عنـي بخيـر وشـرا
والا انهـم يـوم إنهـم قربـونـي
خلونـي اقضـي حاجتـي واتـدرا
وياليتهم في الدرب مـا واجهونـي
وياليتهـم مـازادوا الحـر حــرا
وياليتهم عـن حاجتـي سايلونـي
يوم انـي اقعـد عندهـم واتحـرا
وياليتهـم مـن زادهـم اطعمونـي
انـا علـى زاد اليتـيـم اتـجـرا
لا قربـوا مـنـي ولا بعـدونـي
ولا ميـس منهـم ولا نـي مـورا
الخـد بـرق فـي علـو المـزون
تقول بـراق مـن الصيـف سـرا
وقفـت عنـده شايحـات عيونـي
كنـي غريـر باللهاوي مـضـرا



دخيل الله الدجيما


* * *

سيف العشق




كيف أطفي الريح بثيابك وكيف أشعلـك
كيف أنتثر على جمرك وكيف أحتويـك
نقضت ليل الحرير وجيت ما أنت لهلـك
سميّت باللي فتني بـك وقلـت ابتديـك
هذا أول الدرب أو هذا الطريـق أولـك
جيت أتوقّا عذابـات المـدى وأهتديـك
شوقي مسافه وهمساتـك مـدار وفلكـإ
ن ما ظميتك غلا يا علّني مـا ارتويـك
أيه أعرفك وأعرف إني من غلاك أجهل
كمرات أضمك وأخاف إني مشبه عليـك
مرات أشوفك بنفس الوقـت وأتخيلـك
وأنشد كفوفي عن آخر سالفه من يديك
أعن لك لو تصـب المـوت وأتهيلـك
وأجوع لك وأتمنى خنجـرك وأشتهيـك
ما قلت لك عمر سيف العشق ما يقتلـك
ما تشوفني حي قدّامك وأنا أموت فيـك
اشتقت لك قبل أجيك وجيت واشتقت لك
البارحه طول ليلي بيـن هـذي وذيـك
مليت جمر انتظارك واستحيـت أسألـك
واحتسبتني ما بعد جيتك وفكرت أجيـك
أثرك بقلبي من البارح وأنـا أستعجلـك
وأثري نسيتك من الفرحه وقمت أحتريك



مساعد الرشيدي


* * *

ابتعد عني




ابتعد عني ما أحبك وش تبي بي
قدرك العالي رميته في الثـرى
واحسايف قولتي لك يا حبيبـي
يوم قلبي مولعٍ بك مـا جـرى
إنك الغادر وقصدك تلتهي بـي
ون عاطفتك تبـاع وتشتـرى
أنس وقتٍ فات مالك به نصيبي
لا تذكـر لا تذكـر مـا جـرى
يوم هفت شمس حبك للمغيبـي
استرحت وعاد لي طيف الكرى



الأمير عبد الله الفيصل


* * *

ثوب الزفاف




ثوبهـا بعيونهـم ثـوب الزفـاف
وثوبهـا بعيـون خفاقـي كـفـن
والزغاريد ابفرحهـا .. والهتـاف
التراب اللـي علـى حلمـي دفـن
والزهر والورد فـي دربـه يـلاف
كن نصايب عالي القبر .. انصبـن
ودمعتي.. صمتي والأحزان اعتراف
عن غرام كان لأحلامـي ..وطـن
وادمعي ياعين واغـراق ياجفـاف
واجرعي يانفس .. واضحك يازمن



عبدالرحمن الرشيد


* * *

عليك روحي ماتغير غلاها




شف حالتك مابيك تسأل عن الحال
اتعب على نفسٍ يهمـك رضاهـا
لا تنشغل بأحوال جرحن ليـا زال
ينزف بروحي يا سبايب شقاهـا
عاذرك لاتشغل على شاني البـال
محدٍ يحس بجمـرة مـا وطاهـا
خل الغريق اللي يبي شوفة الجال
اللـى حياتـه بالمهالـك رماهـا
خله يناجي وحشة الليـل لا طـال
فى حال مفجـوع تزايـد عناهـا
لاصرت عن قربه مع الغير رحال
لا تسأله ما صاب نفسـه كفاهـا
يكفيك قلبـه لا تغيـر ولا مـال
يشتاق لك شوق الحنون لضناهـا
يامنوتي بعدك عن الحال غربـال
يضيق بالنفس الشقيـه فضاهـا
يامن بقلبي لـك مقـرٍّ ومنـزال
عليـك روحـي ماتغيـر غلاهـا
أخيِّلك طيفٍ علـى طـول جـوال
بعيون دمعـات العبايـر عزاهـا
يازين والله مابقت حـال جـوال
لا تسـأل اللـى عبرتـه قواهـا




سعود الفهد


* * *

راعي المرسدس




ياراعي المرسـدس اشغلتلـي فكـري
والله ما اقدر على فرقاك انا مـا اقـدر
عذبتنـي ياحياتـي وانـت مـاتـدري
زولك إلي غاب عني كـل ليلـه اسهـر
الدمع من فـوق خـدي دايـم يجـري
ماترحـم الحـال يافـتـان ياأسـمـر
حمام اللى تجر الصـوت مـن بـدري
بلغ سلامي على اللـى وجنتـه تسحـر
الوسط هايف معـزل والشعـر خمـري
والخـد والعيـن فيهـن الخطـر اكثـر
مدري متي تسمح الايـام انـا مـدري
اذكـر سلـوم المحبـه كيـف ماتذكـر
يا هايف الخصر ابي اضمك على صدري
وابي اتفرج علـى فستانـك الأخضـر



أحمد الناصر
من شان عينك




من شان عينك يهل الدمع من عينـي
يا كثـر دمـعٍ علـى فرقـاك هلّيتـه
مالي حبيـبٍ علـى الغايـة يسلينـي
إلا أنت ياللي ملكت القلـب وأشقيتـه
ولعتني بالهوى مـن شـان تشقينـي
ياما و يامـا مـن الغربـال عانيتـه
حبك جرحني عسى ربـي يشافينـي
غيرك من البيض و اللّه مـا تمنيتـه
مسكين راع الهوى و الحب مسكينـي
يبـي المروفـه و لكنـك تحديـتـه
الحب حاديني لك و أنـت متحدينـي
و أمسيت سهران لين الليـل سرّيتـه
كم لي و أنا أرجيك يا شمس المزاييني
اللّـه يحقـق رجـا وصـلٍ ترجّيتـه



حمد المغيولي / عنيزة


* * *

بين موت وحياة




آه وجرح قلبـي حـار فيـه الطبيـب
قرب المـوت منـي والله المستعـان
ياهل العرف والمعروف جرحي عطيب
خبرو بي صخيف الروح جال الثمـان
كود جرحي اليا شفته بعينـي يطيـب
بين موت وحياه وبين خوف وامـان
يالله اني دخيلك عـن رداة النصيـب
لو يلين الحديد التـرف مابـه ليـان
نوب عني بعيد ونوب عنـدي قريـب
والله اني لاقول اسباب جرحي فـلان
خف من الله ترى الله فوق خلقه رقيب
وانت غربال حالـي بالخفـا والبيـان
كيف شيبت بي من قبل وقت المشيب
واهنيـك بقلبـك ياوسيـع البـطـان
والله اني مريب وخاطـري مستريـب
يوم وافق ربيع القلب شـان الزمـان
المعرفه مع ابـن ادم تحظـر وتغيـب
جدد الوصل دام الدرب امان وضمـان
ان مشى في صفات الضلع او الشعيب
كل خـد وطاهـا تنبـت الزعفـران
كيف ابدله عقب فرقا العشير الحبيـب
قرب المـوت منـي يالله المستعـان



أحمد الناصر


* * *

خل عندك حنان




آه من ونةٍ هجت علـى القلـب طاقـة
حين جريتهـا دمـع النواظـر سبقهـا
بس اجاذب ونيني بيـن سجـة وفاقـة
ا تلومون سهـر العيـن ممـا طرقهـا
ياهلـي لا تزيـدون المصيبـة إلحاقـة
كل روح تـروح بدبـرة اللـي خلقهـا
ماقدر أصبر على شـيٍ تعـدى نطاقـة
إلتمس بالظفيره سلك مـاص وحرقهـا
رحت يم الطبيـب وقـال مابـك لياقـة
لين سودالهشيم الصبح يبرض ورقهـا
لو _كمال_ إجتهد وأجرى فحوص ادقاقة
ما لقى اللي يسم الحال حتـى سرقهـا
ويش اسوي بروحي يا وجيه الرفاقـة
وان تشكيت روحي هاجسي قال سقهـا
سقتهـا للهلاك وزاد شوقـي شفاقـة
أشهد إن المـودة مـا تسبـع رفقهـا
خابر علتـي والبيـت ستـره ارواقـه
ماتشكيت ليـن الـدود حالـي لحقهـا
علتي من غريـر زاد حملـي وساقـة
معه شلفا ذياب إلـى نطحنـي زرقهـا
يازعيم الحلـى والمعرفـة والرشاقـة
لاتحسدن حياة عيشتـي مـن عرقهـا
خل عندك حنان وخـل عنـدك لباقـة
لا تسبب على الروح البريـة غرقهـا
لك محـبٍ يحبـك مـا تبيلـه صداقـة
ليه أنا أبني الصداقة وأنت تهدم شنقها




حمد المغيولي / عنيزة


* * *

كذوب اللي يقول اقوى فراق الصاحـب الغالـي




ألا يا ونتاه اللي مـن الفرقـى بـرت حالـي
كما بري الدبى الغصن الوريق اللي على حله
على اللي من ثلاث سنين هوهمي وغربالـي
ولكن ماحصل لي منه ساعـه تبـري العلـه
إلى منـي بغيتـه فـي محلـه ماتهيـا لـي
وإلى منّه بغى ياصل محلي صـار بـه ذلـه
أنا وإيـاه مثـل اللـي ورد مطويّـة الجالـي
طوى حاله ظماه ويوصف المـا لـه ولا دلـه
إلى منـه نطحنـي قـال ياستـار الاحوالـي
عجب لله كيف الخـل مايشفـق علـى خلـه
وانا اركض طول ليلي مع نهاري فالخلا الخالي
أصايد رغبتـه واتبـع طريقـه واتبيـن لـه
الين اصبحت انا المطلوب بـالاول وبالتالـي
انا المطلوب والطلاب راعـي القذلـه الهلـه
الى مني بغيت انساه وادله عن هـوى بالـي
بلاي النفس ماهي من صخيف الروح منحلـه
كذوب اللي يقول اقوى فراق الصاحب الغالـي
متى ماغاب عنك مـن تـوده بانـت الخلـه
الى مني قطعت حبال وصله قـام يبـرا لـي
لحظني بالعيون اللي بها سيف الهـوى سلـه
يطيح اللي بكفي واذهل الدنيـا وهـو سالـي
واعود في عماي الاول اللـي مايسكـن لـه
متى ماغاب عنـي ماتبـي حالـي ولا فالـي
والا شفته بعيني كن حكم الـروس لـي كلـه
ولاني قاعد ارجي متـى يرمـي بـه الفالـي
وانا ماودي العدوان تدري بـه وتفطـن لـه




أحمد الناصر


* * *

رافقتك السلامة




يا مغـادر بـلادك رافقتـك السلامـه
لو فراقك علـى روح تـودك فجيعـه
ما على العين وان طاول سهرها ملامه
أشهد ان الفراق الصبح شوفه شنيعه
ابعدوا به وصار الهم لـي والندامـه
اطحن الغيظ في كبدي وكبدي وجيعـه
ابعدوا به وحظي منه ما ادرك مرامـه
لا شربنا غديـر ولا رعينـا ربيعـه
كيف ابسلى حبيبٍ ميّتٍ فـي غرامـه
كل ما جابه الطـاري عليـه هزيعـه
لا تلومون من عينه جزت عن منامـه
ما على الزين ياهل الزين نفسٍ رفيعه
يا عفيف نزيـهٍ مـا ينـزّل مقامـه
عنده المال غالي والشرف ما يبيعـه
بس حلو اللسان ومعه شبه إبتسامـه
يطعن القلب برموشه وعينه وسيعـه
يا مليكة جمال الحسن فيكـم وسامـه
وان بدا رد من بعض البني ما نطيعه
أنت سيد البني حتـى تقـوم القيامـه
حامل صك من ريّس قضاة الشريعـه
وانت من مركز الزينات تاخذ علامـه
بالحلا والرشاقه والحيـا بـك طبيعـه
ودي أبعث جواب ولا آثق الا حمامـه
واثق ان الحمامه سرنـا مـا تذيعـه
أتطمن عليك وخيـرة العمـر خامـه
موجبن لك قصور بالضمايـر منيعـه
والله اني ما اقول الياس منّك إختامـه
أترجـاك دور الـيـوم والا تبيـعـه



حمد المغيولي / عنيزة


* * *


أرهى به عدوه




ياوجودي على مضنون عيني
وجد من طاح وارهى به عدوه
طاح من عقب ماطاحت ذلوله
وافقـوه اربعيـن ابوارديـه
كل واحـد رمـاه بطلقتينـي
شاف ماله بهم حيـل وقـوه
لارفاقـه ولا عـذرٍ يقـولـه
سلـم امـره لخـلاق البريـه
لارسالـه ولا خـط يجيـنـي
انتحى واختلف نـوي ونـوه
اتمنـا وانـا مانيـب حولـه
راح يـم الديـار الأجنبـيـه
هل دمعي وجـرح وجنتينـي
صار مالي على خلي اجـروه
كن دون الغضي عشرين دوله
واحـلالاه دام النفـس حيـه
ليتها بين اهل خلـي وبينـي
كان اخاطر بروحـي واتفـوه
كل رجلٍ يذكـر فـي فعولـه
كان هـي طيبـه والا رديـه
من عيونه طعنـي حربتينـي
صوبن اسفل القلـب وعلـوه
وين انا والحيـاة الله يهولـه
ويش يبري الجروح اللي خفيه
في حياتي جرحنـي مرتينـي
جرح كامي وجرح منـه تـوه
جرح توه وجرح حال حولـه
واهنـي المعافـى واهنـيـه
التفت من يسار ومن يمينـي
وازهم اهل الحميـه والمـروه
لو يصيح المصيح ماعنوا لـه
كيف راحت من الناس الحميه
كن عوده مثل عود الردينـي
في يد الفارس الظفر المفـوه
مابعد شفت زولٍ مثـل زولـه
من عرفته وانا عيني شقيـه
كان قلبك على الفرقا متينـي
سوبي ماتبـي يازيـن سـوه
كل كبدٍ من الحـب مغسولـه
مالها بالهوى شـف ونحيـه



أحمد الناصر


* * *

حبك جرحني




من شان عينك يهل الدمع من عينـي
يا كثـر دمـعٍ علـى فرقـاك هلّيتـه
مالي حبيـبٍ علـى الغايـة يسلينـي
إلا أنت ياللي ملكت القلـب وأشقيتـه
ولعتني بالهوى مـن شـان تشقينـي
ياما و يامـا مـن الغربـال عانيتـه
حبك جرحني عسى ربـي يشافينـي
غيرك من البيض و اللّه مـا تمنيتـه
مسكين راع الهوى و الحب مسكينـي
يبـي المروفـه و لكنـك تحديـتـه
الحب حاديني لك و أنـت متحدينـي
و أمسيت سهران لين الليـل سرّيتـه
كم لي و أنا أرجيك يا شمس المزاييني
اللّـه يحقـق رجـا وصـلٍ ترجّيتـه



حمد المغيولي

من قدّك




اطعن بحد العيون السود مـن قـدك
إن كان لك دين .. خل العين تستافي
ماهو غريب عليـك ولا علـي ودّك
كثرت في الطعون ورحـت متعافـي
تاخـذك الايـام وتوديـك وتــردك
يخونك الوقت وتعـوّد علـي وافـي
ياطول ركضي وراك وياكثـر صـدك
ماكنك اللـي سلبـت العقـل ياكافـي
محلك القلب كـان ان الغـلا شـدك
من غفلة الشوق صح النوم ياغافـي
اخر علومك يقولـون الجفـا حـدك
وشلون دليت درب الوصـل ياجافـي
هذي هي اوراق شعري تحتري نـدك
من غيبتك والدفاتر بيـض وعجافـي
كانك علي الشوفه اللي شفت من جدك
يا كبر فرحتك لو تدري عن الخافـي
تاكد ان المشاعر مـا تقـف ضـدك
لا خانها البرد ترجي صوتك الدافـي
لو راح بي جزر غيرك جابني مـدّك
لا هب طاريك بشراعـي ومجدافـي
تشوقني لا لبست مـن الوفـا قـدك
مالي عذر عن وفاك وزينك الصافـي
الليل قطعة سـواد ولا كسـا خـدك
والشمس ما غيرت من ليلك الضافي



ضيدان المريخي


خلاص لا ترجع




خلاص لا ترجـع ترانـا سلينـا
ما كنت أصدق يوم اني أبنسـاك
في بعدكـم يامـا عليكـم بكينـا
واليوم ماتطري على البال طرياك
وأنا ادري انك رغم صدك تبينـا
لا شك ناسٍ ضدنا تقصر اخطـاك
من سكرة الحب الصناعي صحينا
حتى المجالس عفتها خوف ذكراك
خل اللذي غيـر حنانـك علينـا
يعطيك من قلبه ربـع ماعطينـاك
وش عاد لا صار السلام بيدينـا
قلبي وقلبك بينهـا دارت افـلاك
ودعت ماظـي حبنـا وانتهينـا
وقلبٍ نسيته يوم لا بـد ينسـاك
ذكـراك ياغـدار هانـت علينـا
حتى دموع العين فرحة بافرقـاك
حبٍ جديـدٍ غيـر حبـك لقينـا
حديتنـي جعـل الليالـي تحـداك


عبدالله العليوي / عنيزة


* * *

قرار البعد عني




لوعرفتي وش بقلبـي والنوايـا
ماتعجلتـي قـرار البعـد عنـي
لوصبرتي تعرفي ويش الخفايـا
غير موتك ماقدر ياخـذك منـي
جيت أنور في نواحيك الزوايـا
واستردك من زمن حزنك واهني
جيت ابدل فـي لياليـك الحكايـا
لين اخلى كل نجمه لـك تغنـي
جيت من ربي بقلبي لك وصايـا
ازرع البسمه على شفاتك واحني
لين مايبقى من احزانـك بقايـا
واني احسن فيك طول العمر ظني
وللاسف رديت في كـل الهدايـا
يوم عجلتي قـرار البعـد عنـي


سليمان السلامة / عنيزة


* * *

وداعك موت




وداعك كيف أبتحمـل وداعـك
وداعك موت ياكـل الحبايـب
دخيلك لا تلـوح فـي ذراعـك
ترى قلبي بنار الشوق ذايـب
دخيلك قبل ماتطـوي شراعـك
منين الصبر قلي وأنت غايـب
على الفرقا وأنا أشوف اندفاعك
وأقـول الله يادنيـا العجايـب
شريت الزين ياقلبـي وباعـك
وراح اليوم وجروحك عطايـب
نهايتنـا بكلمـة قلتهـا لــك
وداعك موت ياكـل الحبايـب



عبدالله العليوي / عنيزة


* * *

لحظة التوديع




لحظة التوديع فيها ويش أقـول
كل مابالقلـب قالتـه الدمـوع
أعذرن يازين لوصمتي يطـول
لاتلومن حسرة الفرقـى تلـوع
ودي أوادعك والعبـرة تحـول
موقفي صعبٍ وفرقاكـم تـروع
انتصر حزني وضاعن الحلـول
وانطفت من لوعتي كل الشموع
في خفا قلبـي تعابيـرٍ تجـول
في وداعك وانتهت بين الضلوع



سليمان السلامة / عنيزة


* * *

منك انتهينا




منك انتهينا يـا مخيـب رجانـا
الصبر طال وعذبتنـا المشاويـر
في موت حبك يجبر الله عزانـا
بيدك رميته لا تقـول المقاديـر
لولاك حنـا مـا تبـدل غلانـا
كل الوفاء منا ولا منـك تقديـر
قلنا سحابة صيف تعبـر سمانـا
وتزول ماله في سماء الحب تأثير
غدرك على نسيان حبك حدانـا
هذي سواتك ماتفيـد المعاذيـر
عفناك واللي عالـمٍ فـي خفانـا
البعد عنك أرحم وقلبك مع الغير



عبدالله العليوي / عنيزة


* * *


قلبك أناني




اعذريني لو على الفرقا قويـت
ماتركتي باختياري حـل ثانـي
كل شي فيه ضحيت ورضيـت
وللاسف قلبك باحاسيسه أنانـي
عشتك أيام وحقيقـه مالقيـت
في مشاعرك المحبه والحنانـي
جيت لك غيمه من الحب وهقيت
اني القى بوسط قلبك لي مكاني
وكل مابينت ضيقي واشتكيـت
منك لك حسيت في ذل وهواني
والله انـي يعلـم الله مانويـت
غير كل الخير ولك قلبي دعاني
اعذريني لو عن ايامك سليـت
ويش قلبك لو بغيت اندم عطاني



سليمان السلامة / عنيزة


* * *

ودي بشوفك




ودي بشوفك يـا مطـول غيابـك
بعدك علي الكون ياعزوتي ضـاق
أسهرت عيني في رجاوي كتابـك
يمكن يهدي بين الأضلاع خفـاق
جفت غصون القلب وابطى سحابك
للموت روحي ياهوى البال تنساق
ناشدتك الله لا يخيب الرجاء بـك
عساك لي يامالك الروح مشتـاق
قلبي معك لو تجرحه فـي عتابـك
لا شك من دونك خطاويه تنعـاق
يازين قلبي من هواك التجى بـك
لاتجرحه زودٍ على جرح الاشواق
تبيعنـا واليـوم تبكـي هـوانـا
لا يا عديم القلب فرقاك لي خيـر



عبدالله العليوي / عنيزة


* * *

ارفقي




أرفقـي بالقلـب بالله أرفـقـي
لاتردينـه لحـبـك والـفـراق
لاتردينه علـى الشـوق أتقـي
فيه ربك توه من الحـزن فـاق
لجل وجه الله من الهم أعتقـي
قلبي اللي ذاب رجوى وأشتياق
لونسيتـك ماتناسـى مفرقـي
شيبي اللي لاح من مر المـذاق
قلبك لغيـري بشوقـه يلتقـي
وش لك بقلبي تشدين الوثاق ؟
لاتسليـن بتعـب قلـبٍ نقـي
يوم قلبك من ظروف الوقت راق
مايسرك ينقضى عمرى شقـي
في رجاك وقلبك لغيري يسـاق
ومايفيدك لو أعيش اللي بقـي
من حياتي في تعاسـه ماتطـاق
أسألـك بالله قولـى وأصدقـي
ليه رديتى بعد طول الفـراق ؟



سليمان السلامة / عنيزة


* * *

جروحي تسليك




مدري متى صارت جروحي تسليـك
عقب الوفاء وشلون غرتـك دنيـاك
يا من علي اليـوم كثـرة طواريـك
نهايـة الغـدار مـاظـن تخـفـاك
في حبك الثاني عسـى الله يهنيـك
حنـا مـع الأيـام ندلـه وننسـاك
كنت الرجاء واليوم خاب الرجاء فيك
أرخصت ماضينـا وغيـرت مبـداك
وين الحنان اللـي مقـره موانيـك
وين الضمير اللي عن الغدر ينهـاك
غال الدموع أرخصتها لك وأنا ارجيك
ابني لـك بدمعـي وتهـدم بيمنـاك
يكفين مـا قاسيـت منـك و تغليـك
منتب علـى قلبـي وصـي ومـلاك



عبدالله العليوي / عنيزة


* * *

قرب يطيب الجرح




قرب يطيب الجرح لولاي مريت
علـى دروبٍ ذكرتنـي بخلـي
وقفت حاير بين شوق وتناهيت
قلبي ينوح ودمع عينـي يهلـي
أبكي حبيب راح أقفى وانا أقفيت
يومه على ذا الدرب فيني يهلي
يوم الليالي لي علـى ماتمنيـت
يوم العذول اللي يلومـن مولـي
واليوم والله من هوانا تشكيـت
غاب الذي لايام عمري يحلـي
غاب وتركني غارقٍ بالتناهيـت
مابعده أحدٍ في حياتـي يسلـي



سليمان السلامة / عنيزة


* * *

حزني طبيعة




ممـا جـرى ياصاحبـي لا تكـدر
حزني طبيعـه ماتعـودت الأفـراح
الصبـر ينفـذ والغرابيـل تكثـر
صار الأمل للياس والهـم مفتـاح
ابكـي شبابـي وأشتكـي وأتذكـر
وقتٍ مضى ليتـه توقـف ولا راح
ابكي شـره وابكـي نـدم واتعبـر
من حر مابي ليت من مات وارتاح
طبع الو فاء يانـاس فينـا تغيـر
حتى الو فاء مسكين من غدرنا طاح
الله معـك مابيـك منـي تـعـذر
يكفين عنك اسهيل والطير لا نـاح
يمك حدان الشوق ما نـي مخيـر
واللي حداه الشوق معذور لو صاح



عبدالله العليوي / عنيزة


* * *

لوكـتـبـتـك شــوق




لوكتبتك شوق في وجـه الزمـان
الليالـي حـبـر وأيـامـه ورق
ماكفاني عمر أعبـر عـن حنـان
قلبي اللي يعشق أمواجـك غـرق
ولو فرشت الأرض لأحساسي مكان
بالغلى لك ضاقـت الأرض وفـرق
زان وقتي فيـك والا فيـك شـان
أنت حلمـي فـي منامـي والأرق
عن ظروف الوقت حبك في أمـان
في عيوني لـو تناسيتـك بـرق
دام قلبك مارضـى لـى بالهـوان
ناظري عن غيرك أبعد وأنسـرق



سليمان السلامة / عنيزة


* * *

شفتك مع اللي صار عقبي حبيبك




شفتك مع اللي صار عقبي حبيبك
واحتارت العبره بعيني وصديـت
مدري هي الصدفة لدربي تجيبك
مدري أنا اللي في دروبك تحريت
ملكتني واقفيت ربـي حسيبـك
ما تعرف الرحمة بقلـبٍ توليـت
يا قلب جرحك سبته من طبيبـك
يا قلب ليتك بالوفاء ما تماديـت
من حبنا كل السعـادة نصيبـك
يا فاقد الإحساس عنـي تخليـت
وش فايده لو قلت عني حبيبـك
وأنت بحياتك يوم ما ظن حبيـت



عبدالله العليوي / عنيزة


* * *

للعذر ويش خليت




بيني وبينك مابقـى غيـر مافـات
ياللي لغير الجـرح مايـوم حبيـت
سامحت مرات وتغاضيـت مـرات
للعذر ويش مـن المعاذيـر خليـت
ما كان حلمي ضعف لو طول اسكات
نفسي على كثر الخطا كل ماأخطيت
كـررت غلطاتـك وكثـرت زلات
نفسك وانا غريتك بكثر ما أغضيت
مافاد بك صبري وكثـر المـدارات
ضاقت سعة حلمي وبالحيل مليـت
اليوم انا مقفـي ولا بـه مـراوات
ولعزتي معـذور لوفيـك ضحيـت
حاولت اعلمك الوفا طول الاوقـات
وقبلك تعلمت الجفا منـك واقفيـت



سليمان السلامة / عنيزة


* * *

يشهد الله فقدناك




يا للي مسافـر يشهـد الله فقدنـاك
تعال باسم الحب جرحـي خطيـري
أنا غريق بالهـوى هـات يمنـاك
في زحمة أمواجك تعـذر مسيـري
مشتاق لك بالحيل يا كـود فرقـاك
عن ذكريات الحب ويـن المطيـري
أرفق بقلـب تالـي الليـل نـاداك
وقتي حداني في هـواك استجيـري
نسيتنـي و إلا تناسيـت ممشـاك
و إلا أنت مشغول برجاء حب غيري
يا مستريح البال و شلـون ننسـاك
والشوق ناره تشتعل في ضميـري
خذ روحي اللي هدها الشوق تفـداك
عسى الفلـك لأخذتهـا يستديـري



عبدالله العليوي / عنيزة


* * *

إعلان الرحيل




لويصير البعد وأعلان الرحيـل
لايهمك ضيقي من البعد عـادي
يكفي أنه في نظر غيري جميـل
ويكفي أنه ينتهى معك اجتهادي
لاتظنـي همـي بفقـدك ثقيـل
ولاتظني أعلن بفقدك حدادي -
كم عطيت من الوفا شخص بخيل
وكم جحود زاد في طيبي عنادي
غايتي وأمناي تلقيـن البديـل
مثل قلبي مايخذلـك بالشـدادي
وأن ذكرتيني لـو بخيـر قليـل
كثر الله خيرك وهـذا مـرادي
الحياة فراق والـدرب الطويـل
ينتهي ممشاه لو بالوقـت زادي
سامحيني كان قلت وكـان قيـل
كلمة عني على جرحك تنـادي
وانتٍ بألفيـن حـل ولايشيـل
قلبي الا الخير وأمر البعد عادي



سليمان السلامة / عنيزة


* * *

أعترف بانتصارك




بيدي رميت القلب في وسط نـارك
و أقفيت يا ظالم وأنا فيك مفتـون
إنهد حيلي فـي عـذاب إنتظـارك
و أخفيت جرحي مابي الناس يدرون
أرمي سلاحي واعترف بانتصـارك
ابكيت من يضحك على اللي يحبون
متى تخفـف لوعتـي باعتـذارك
اشوفكم مره علـى الحـب تبكـون
أنهيـت قصـة حبنـا باختـيـارك
وين الصبر يا قاسي القلب وشلون
يازين قلبي من هـواك استجـارك
حبك عسرني ماطوى القلب بالهون



عبدالله العليوي

أتغلى عليه




يحسب إني يوم سلم ما سمعتـه
سامعه.. بس إني أتغلى عليـه
بس قلبي حاول يـرد ومنعتـه
لا ترد .. وسو نفسك ما تبيـه
قلت أبثقل بس ثقلي ما استطعته
وابتسمت.. و جيت لمعانق يديه
قال أحبك.. وقلت أنا حبك طبعته
من زمان.. بخافقي محدٍ يجيـه
قال بدري.. قلت هذا اللي جمعته
من كلام .. وقال أنا كنت أحتريه
حبه اللي داخل عروقي زرعتـه
يشربه قلبي.. وروحي ترتويـه
قدره اللي بينهم عنـدي رفعتـه
عن سواه ويصعب التشكيك فيه
يحسب إني يوم ما رديت بعتـه
ما درى إني بكل عمري مشتريه
والصراحة يوم سلم ما سمعتـه
كنت أفكر.. كيف أنا اسلم عليه




الشاعر عبدالله بن عميرة .. على ذمة أبوغزالة


* * *


شمعة زماني




يا ناس أحبه وأحب أسمع سواليفـه
صوته يشتت همـوم عايـش فيهـا
يامر وينهي وأنا دايم علـى كيفـه
أرجي ورود الهوى تنبت بأراضيها
لاغاب عني يعيش الفكر مع طيفـه
وإن صار عندي حياة الحب ألاقيهـا
مسكين قلب شكى غيبـة مواليفـه
عزي لعلـة تعـذر مـن يداويهـا
ظل ظليل علـي وغصونـه مريفـه
شمعة زماني عسى الله ما يطفيهـا
إن سل من نظرته لأهل الهوى سيفه
يطيح قلبي من غصون نبـت فيهـا
لامن ضحك لي خذت قلبي تواصيفه
ولامن زعل عفت أنا الدنيا وما فيها
لاجل إني أحبه وأحب أسمع سواليفه
صوته يشتت همـوم عايـش فيهـا



سعد الخريجي


* * *


اندماج الأرواح




وشلون مدري كيف روحين في روح
ما كنت أصدق باندماجك يـالأرواح
معقول أحد يمشي معي وين ما اروح
معقول أنا أمشي مِعْه من وين ماراح
أول أحسب إن الغلا ضحك ومـزوح
سمرة سوالف بين مركى ومسبـاح
أثر الغلا بلوى أحاسيـس وجـروح
لوعة مشاعر بيـن ذابـح وذبـاح
ما يعرف الرحمه ولا يستـر البـوح
عزي لمن مثلي على جمرهـا طـاح
أدري خطا مني ولا نيـب مسمـوح
أشك في روحي وأنا فيـك مرتـاح
بس اعذريني عاشقك فيـك مذبـوح
بين الرجاء والياس ضيعت الأفـراح
أحلام وآمـال ومواعيـد وطمـوح
يمكن مدى صبـري بتاليـه مفتـاح
والحين أقول بصدق روحين في روح
صدقـت والله باندماجـك يـالارواح





* * *


مات حبك




مات حبك والبقيه فـي حياتـك
في حنايا خافقي لاقـى مصيـره
خذ مع الجثمان باقـي ذكرياتـك
تجربة حبي معك كانـت مريـره
ياعدو الحب ركب الحـب فاتـك
لاتجيب إن طعتني للحب سيـره
مايعرف الحب من سوى سواتك
يجهل الأخلاص من ضيع ضميره
حبك اللي تدعي هو حب ذاتـك
ومن يحب الذات مايخلص لغيره
غرني ياصاحبي ظاهر صفاتـك
غلطتي ياللأسف كانـت كبيـره



الأمير سعود بن بندر


* * *


جثمان حبك




ناظري جثمان حبـك بالثـرى
ينزف الدمّان من جرحٍ خطيـر
يرتجف والدمع من عينه يـرى
يصارع الآهات باليوم الأخيـر
والسبب لو كانت عيونك تـرى
شوفة اللي حطم القلب الأسيـر
من بعادك من صدودك ما يرى
والعمى مايساوي بالشوفه بصير
ياترى وش صاب حبك ياتـرى
يالغضي وشلون غيّرت المسير




* * *

ياليل




يا ليل .. يا جامع علـى الـود قلبيـن
لـك عـادة تجمـع قلـوب الـولايـف
يا ليل .. مـا ترحـم قلـوب المحبيـن
وقلـب تضمـده الضلـوع النحـايـف
يا ليل .. محلى نظـرة العيـن بالعيـن
في غفلـة الحسـاد نبـري الحسايـف
يا ليل .. شفتـه مـرة عقـب عاميـن
وأنا من الفرقى علـى القلـب خايـف
يا ليـل .. فـرّق بينـا نـازح البيـن
متى تشـوف العيـن نابـي الردايـف
يا ليل .. في قلبي من الشوق جرحيـن
ودوا جروحـي بيـن هـاك الشفايـف
يا ليل .. أنا لي عن هوى القلب شهرين
ليتك تقـرب لـي حسيـن الوصايـف




* * *

عـذب السجايـا




عذب السجايا وعوده بـأول الكنّـه
متى تزين السوالف واخذ علومـه
وأسامحه عن خطاة الجرح والونّـه
وأعاتبه لو يصد شـوي والومـه
واذكّره بأول المسفـار حتـى انّـه
ليا تذكر زمـان أول نسـى نومـه
يوم انه اقبل خدين الـروح يومنّـه
واقبلت اراعيه والقومه هي القومه
من يومها والحشا ماعاد لـه خنّـه
الا لصوتـه وميعـاده وملـزومـه
عفري هنف للضلوع وجالهن حنّه
واستانست له فياض القلب ورجومه
لبّى جبينه ليا ارتـج الغطـا كنّـه
برق يصب الرفيف بكبـد ديمومـه
ما قول شفته وشفت البيض يتلنّـه
اقول شفته وشفت الشمس منجومه
ما قول كن الجديـل الليـل لاكنّـه
ليلٍ خرعه الظلام وضيـع نجومـه
ياقبلة الله هـاك العنقـود لا منّـه
قام يتهاجى شذا عطره ويشمومـه
فيه انتهى النور لا والله بـدا منّـه
فجرٍ نعس بالوريد ونـام بهدومـه
وردٍ تفرعن حماره قلت ابـا كنّـه
اليا متى والحنايـا منـه مفطومـه
فز وتطّرق رطيبـه قلـت ماعنّـه
با لمّ شيحه وريحانـه وقيصومـه
صد وتلعثم هديله فـي بـرد سنّـه
ياقوم ذا النور يوم انكـتّ ياقومـه
الله عطانـي والله يعطـي الجنّـه
واليا استجد الهوى كلٍّ ومقسومـه



مساعد الرشيدي


* * *


فتنة الحفل

إعجاز في اللفظ والمعنى والأسلوب والصور




فتنة الحفل زيـدي مشيتـك بختـره
كل خطوه بروق وكل لفحـه صهيـل
باقيٍ بين عقلـي والجنـون شعـره
اقطعيها يا شينه عاشقٍ مـو هبيـل
خلّي الأرض تاخذ شكـل غيرالكـره
خلّي النار تاخذ رمـز غيـر الفتيـل
من غدا الليل شعرك قلت أنا بأسهره
من غدا الصبح خدك قلت مالي مقيل
ارقصي بين حـد الذنـب والمغفـره
ارحلي في سكونك واسكني في الرحيل
ارجفي كنـك المـا فززتـه حْجَـره
واثبتي كنك الفضـه بعيـن البخيـل
انحني مثل غصنٍ في طرفـه ثمـره
ووقفي مثل فزعـات بـدويٍ أصيـل
وانضحي علمينا كيـف تقـدر مـره
تزرع الليل صبح وتزرع الصبح ليل
في عيونك سـوادٍ يستحيـل آخـره
كامنٍ فـي بيـاضٍ أوّلـه يستحيـل
واحدٍ تخزريـن ومـا يجيـك خْبَـره
أشهد إنه عزيزٍ وأشهـد إنـه ذليـل
اتركي العقد بيـن الجـد والغشمـره
يخبر الناس وش معنى جميل بْجميـل
كن في الصدر ظبي عيوننـا يذعـره
ينتفض ينفض اللي ذاعرينـه قبيـل
ومفرق الصدر حبات العرق تجهـره
كن لك عقد در وعقد مـن سلسبيـل
بينهم حسد ربـي مـا بعـد صـوّره
عقد ودّه يجـف وعقـد ودّه يسيـل
آه وليـا لمحتـه مقبـلـه مـدبـره
شفْت مثلي نحيـلٍ زم حمـلٍ ثقيـل
دام ذا عجْز وش للنـاس بالمقـدره
دام ذا وسط وشْ لي بالخواتم بديـل
وسط ثوبٍ خيوطه صمت في ثرثـره
به قليـل كثيـر وبـه كثيـر قليـل
كل شيٍ بجسمـه يفضحـه يستـره
فيه فتنة قصير وفيه حشمـة طويـل
كنه المخطي اللـي يطلـب المغفـره
وكنه الدامح الزّله عـن اللـي يعيـل
في ردونـه نقـوشٍ لا سنابـل ذره
الله أعلم لو إن الريـح هبّـت تميـل
كل شيْ ونقيضـه فيـك بالمسطـره
أقرب من النفَس وابعد من المستحيل
كنّك الكـذب لكـن مـا حـدٍ ينكـره
كنك الصدق لكن مـا بيديْنـا دليـل
باشة الغيد زيـدي مشيتـك بختـره
لا جل أطاول بحر في شامخات النخيل
شاعرٍ تلمس إيدينـك علـى دفتـره
تغرق بأبسط أوزانه بحـور الخليـل



فهد عافت

أخاف عيني لا بكيتك تهلك




أفقـدك بـدروب المقـاديـر وألـقـاك
وابعـد واقــرب للخـطـاوي محـلـك
ما قول ضاع الوقـت فـي دورة رضـاك
لو كـان قلبـي مـا حصـل لـه يدلـك
بالـروح مرواحـك وبالعيـن مـسـراك
والقلـب عـن شمـس المضـرة يظلـك
أنـت الغـلا كلـه ودنـيـاي دنـيـاك
وأنـت أول أفــراح بـهـا مستهـلـك
ما كنت أعرف الحـب لـولاك . .لـولاك
ليـن ارتويتـه مـن حنـانـك وكـلـك
يـا شـوق مـن دوبـه تعبـر وغنـاك
فـي لحظـة شـاف الوفـا عـادة لـك
ما بيـك تنهـي بيـن الأحـزان مبـداك
مـا بيـك تبـدا مـن طريـق يمـلـك
أخفيـت عـن كـل المخاليـق ممشـاك
مـن شفـت مشـوار المحبـة يـذلـك
وخليـت للقلـب الشـقـاوي منـاجـاك
مـع ذكريـات قلبـهـا نـابـض لــك
تنفسـت مـن بيـن الأضـلاع ذكـراك
وفاحـت بهـا أشواقـي وعيـت تزلـك
بـس أتبعـك بالبـال منـا . . ومنـاك
كـود الليـالـي وإن جفتـنـي تعـلـك
مـا أبكيـك والله لـو تماديـت بأخطـاك
أخــاف عيـنـي لا بكيـتـك تهـلـك
قـرب رحيلـي والمشاعـر بـرجـواك
وخـطـام فـكـري للضمـايـر يتـلـك
واسري مع الهوجاس واذكرك . . وانساك
ما دمـت أحقـق بالنـوى رغبـة لـك



سليمان العليان / عنيزة


* * *


ابحر لحالك




ابحر لحالك مابقى غير مجـداف
طويت من مركب حياتك شراعـي
ابحر خساره نرتجي فيك خـلاّف
ليت الزمن يعطين عمر الضياعي
عينٍ لك فراشٍ وعينٍ لك لحـاف
احسبك مثلي في غيابـي تراعـي
عطيتك الغالي ومن دون ما اخاف
واشوف من يشريك عندك يباعي
الحقت من سبة غرامك بي اتلاف
اوهمت فيك القلب حـبٍ خداعـي
حب من امثالك وشرواك ينعـاف
النفس لدت كـل قلـبٍ صناعـي
سافر عساك بهالسفر تقطع اطياف
إبعد معك للود ما شـوف داعـي
للماضي اللي راح حطيتك غـلاف
قصه طويت اوراقهـا بالوداعـي
مابيك قلته لك على ختمة القـاف
وان جيتك اقطع من كتوفي ذراعي



أحمد الخراز / عنيزة


* * *

حارت العين بالعين!




قلت الوعد يا مشغل البـال الاثنيـن
قـال الثلاثـا قلـت مانيـب طايـق
طال انتظاري وأنـت باكـر وبعديـن
كنـك مـع أيامـي تزيـد العقايـق
قال ابتديت المشكلة . . ول! ياشيـن
وش بك نثرت الشوك وسط الحدايـق
قلت العفو . . عندي رسالة بسطرين
كتبتهـا لـك فـي جميـل البطايـق
أبيـك تقراهـا وبالـذات حرفـيـن
فيهن مشاعر صدق. . فيهن حقايـق
قال الحكـي واجـد ومثلـك كثيريـن
قالوا . . وقالوا . . والنهاية بوايـق
قلت انتظر ماني من الناس الاقصيـن
بينـي وبينـك يشهـد الله وثـايـق
من يوم كنـا بـاول الوقـت طفليـن
تمضي بنا الساعـات مثـل الدقايـق
بسويقنا الضيق . . وببيوتنا الطيـن
نلعب . . لنا باللعـب فـن وطرايـق
يحفنـا نــور السـعـادة بريـيـن
كـل لـه الثانـي مناسـب ولايــق
قال الزمان اللي ذكرتـه غـدا ويـن
أقفى بحلـوه مـا بقـى لـه لحايـق
صرنا كبار . . وعن بعضنا بعيديـن
وظروفنا ما بين طـارد . . وعايـق
قلت الوفا واجب على شايـل الديـن
ما هقوتـي يبقـى للاعـذار سايـق
حنا غدينا يـا هـوى البـال حريـن
وطيورنا باوسـع فضاهـن طلايـق
ودي بلـم الشمـل باغفايـة البيـن
دامي شفوق لك بعد . . وأنت شايـق
قال استمعني يـا نظيـف المضاميـن
الحال واحد . . والمشاعـر حرايـق
واجـد بهالدنيـا قلـوب ومحبـيـن
واحوال مختلفة . . ونايم . .وفايـق
وأنا أبيك أمس(ن) وباكـر وهالحيـن
والبال مـع طريـاك هايـم ورايـق
والقلب شرع لك مـن الحـب بابيـن
لو هو على غيرك من الناس ضايـق
بس انتبه ما يقبـل البيـت شطريـن
وطروقهـن متخالـفـات النسـايـق
يا صاحبي لا تدعـي النـار ناريـن
ارفق تـرى مثلـي ومثلـك خلايـق
وقال الوداع . . وحارت العين بالعين!
كل بنـا مـن علقـم اليـاس ذايـق



سليمان العليان / عنيزة


* * *


تعلمنا من الدنيا




تحاول تدخل الفرحه على قلبٍ طواه اليـاس
تبي ترسم على وجهٍ يعيش الحزن بسماتـك
ولا لك بالرجا في حب قلبٍ صادقٍ حسـاس
يبيعك مثـل مابعـت الوفـا تتبـع ملذاتـك
تعبنا مالقينا في هواك إلا الشقـاء والبـاس
وهم تبقى بعيني من غلاك وحبـك لذاتـك
سرابٍ تخدع الظامي بنظرات وعطر وأنفاس
تعلمنا من الدنيا ومـن هجـرك ولوعاتـك
تذكرت الغلا يومك لقيت الجرح بين النـاس
تحمّل وإرجع بعـذرك ألا ياكثـر غلطاتـك
تند ّم .. جرحك بقلبي بلا حد وبلا مقيـاس
خلاص القلب مع غيرك تخلى عنه إذا فاتك



أحمد الخراز / عنيزة


* * *


كلمة وداع




تشتكينـي أنتبـه لـك وأسمعـك
بس لا تطري مـع الشكـوى وداع
خابرٍ قلبـي معـي وأثـره معـك
إن نويت البعـد خلانـي وضـاع
جايـز أسلـى عنـه إنـه ينفعـك
أو يدلـك سكتـي عقـب انقطـاع
لكن أخشـى مـا يقـوده مرتعـك
وأفقدك وإياه مـن غيـر اقتنـاع
أتبعه . . وين أتبعه. . وإلا أتبعك؟
حيرةٍ تاخـذ بهـا الضيقـة متـاع
سيدي لو منـت والله مـا امنعـك
امش لي قفلة وأنا أمشي لـك ذراع
خذ فرح عينـي وعطنـي مدمعـك
لا . . خذ اللي تهتوي وامرك مطاع
واملـك أوقـاتٍ بقربـك تجمعـك
واسمع أسرارٍ لغيـرك مـا تـذاع
كايـد المشـوار لا . . لا يقطعـك
دام لك بأرض الرجا شـفٍّ وبـاع
واطلب الغالـي وألبـي وأسمعـك
بس . . لا تطري معه كلمة وداع!



سليمان العليان / عنيزة


* * *


قلبك حجر




استبشرت عيني فرح في رجوعـك
ومن الفرح كني ملكت أكثر الكـون
لكن مثـل مافـات هـذي طبوعـك
عادي تحب إنسان وعادي له تخون
مافيه صدقني على الأرض نوعـك
قلبك حجر حتى الحجر عنده يهـون
لو كان قلبك حي داخـل ضلوعـك
أصبحت لي عون ولا صرت فرعون
أشعلت في ليل الجفا لـي شموعـك
ودخلتني بحـر المتاهـات وظنـون
أقبلت في طوعك وسافـر بطوعـك
ماتدري إن العام بك ناس عـزون!
امسح من عيونك بواقـي دموعـك
ماعاد لك تأثيـر بدمـوع وعيـون
وإن كانت ظنونك هي أسباب روعك
فأنت الخطا في شرع منهم يحبـون



أحمد الخراز / عنيزة


* * *


جرحت الود




يا راحتي جيتـك ، يمينـك مدهـا
خذ غايتي وإن ما صفت لك ردهـا
جيتك ، وقلبي بالحسايـف ممتلـي
والروح بفراقـك حشـا مـا ودهـا
بي ضيقة ٍ عيّت تفـارق خاطـري
حاولـت أداريهـا وانـا مـا قدهـا
لكـن جروحـك بالضمايـر بيّنـت
لين اتلفت روحٍ بقـى لـك ودهـا
محتاج أهيّض لك ، واريدك تستمـع
دام المـوده مـا تبـخّـر عـدهـا
القيظ يلهبنـي وانـا فـي غربتـي
غادي عـن آمـالٍ براسـي ندهـا
إن شفتها بالشـرق عنـي غرّبـت
والى نصيت الغرب جانـي ضدهـا
ما غيـر أدوّج والعزايـم قصّـرت
الكـود حاصرهـا وضيّـع جـدهـا
تدري عـن أيـامً تمـادت بالنكـد
دايـم تلددنـي وأنـا مـا لـدهـا
واليوم تهزعني وأنا لـك مرتجـي
إليا ارتخـت فـيّ الحبـال اتشدهـا
وشْبك جرحت الود يا كـل الغـلا ؟
وش بك تلوم النفس وأنت تحدها ؟
ما قلت لك : خل الصراحة سلمنا ؟؟
ما قلت لك : سود النوايا صدهـا ؟
هذي جروح العام عـادت ونزفـت
وهذي جروح اليـوم بيـدك عدهـا
كودك تداويهـا علـى قـد الجهـد
حيثك تميّـز هونهـا مـن شدهـا
كلك نظر .. قل لي بحالي وش ترى؟
وإن كـان زهبّـت المطايـا شدهـا
خذ ما تبي منـي وعطنـي مطلبـي
والفايتـه تكفـى .. دخيلـك هدهـا



سليمان العليان / عنيزة



* * *


هذا حبيبي




لا تكتم أسرار الغلا مابقى أسرار
كلٍّ عرف من عيني إنك حبيبـي
لك صورةٍ ماتختفي وسط الأنظار
ترقد على حضن الهدب ماتغيبـي
ليل البشر يظلم وأنا ليلي أنـوار
لامن حضرت وصرت جنبي قريبي
ياغيمة أشواق الوله عطر الأزهار
الجرح في قربك حبيبـي يطيبـي
لا يمنعك قلب الشقا قلبك اختـار
أنا نصيبك وأنت منهـم نصيبـي
مافيه حاجز أو مسافات وأسـوار
قلها لكل الناس : هـذا حبيبـي!



أحمد الخراز / عنيزة


* * *


متى تجي ..!




متى تجي لي .. والسهر وأنت ميعـاد
متى تجـي وإحسـاس قلبـي تشـده
وأروح أنا وايـاك لبـلاد .. وبـلاد
وبـلادٍ امسـت لاجلـنـا مستـعـده
صافي هوانـا فيـه الأشـواق تنقـاد
مـن حالـي أنهـار المحبـه نمـده
متى تجي ! بعدك مضى عيد واعيـاد
وباب السهر عجزَت عيونـي تـرده
كان السهر دربك مشيتـه ولـو كـاد
وش عاد لو سهرت عليك العين مده ؟
أرجيك ، ثم ارجيك تلويع .. واسعـاد
واحـلام شوفـك بالرجـاء مستعـده
والشوق يضمينـي وانـا فيـه ورّاد
والوقـت بلعـب بـجـزره ومــده
يـا متعـبً قلبـي بترديـد الاوعـاد
تعاقبـت بالقلـب ضيـقـه وشــده
واصبحت من شانك مع الوقت بجهـاد
أحصيه واغلط فيه .. وارجع واعـده
بالعين لـك بـارق وبالقلـب رعـاد
والروح زمّت لـك سحـاب المـوده
متى تجي ؟ خطفـه معايـدً وعـواد
تنشد عن اللـي جـاه قلبـه .. ورده
رديـت لـك قلـبً لذكـراك يرتـاد
يسري مع الماضي بهزلـه .. وجـده
أمس ولك في نجـد مدهـل ومقعـاد
واليـوم تذكـر لـي حراويـك جـده



سليمان العليان / عنيزة


* * *



أنتي خطا عمري




قولي من أنتي عيبي إنسان نسّاي
وإن ماذكرتـك لايطـوّل وقوفـك
برضاي حبيتك وأبكرهك برضـاي
ماني فقير إحساس من شان أطوفك
كنتي سما عمري وشمسي وقمراي
واليوم بأرض الحب ضاعت حروفك
عز الله اللي غظت بفراقك عـداي
وحققت أول مكسبي منـك خوفـك
أنتي خطا عمري ومن أكبر أخطاي
وأحسن خصالك هي بداية عزوفـك
ظنيتـي إنـك كـل شـيٍّ بدنيـاي
وإنـي مصـدق بالبدايـه حلوفـك
لو اختلفنا مـا اتفقنـا علـى راي
أنا ظروفي تختلف عـن ظروفـك
كانـك تمنيتـي مـن الله فرقـاي
فأنا بحياتي مـا تمنيـت أشوفـك!




أحمد الخراز

جمرة الما




لو صرخت . النار لا تحطب ضلوعك
زادهـا و زنادهـا مـنـي وفـيـه
وان صرخت النور لا توقد شموعك
في عيوني من غبار الشمـس فيّـه
وان صرخت الموت لا تنزف دموعك
ما نزف طاهـر كمـا دم الضحيـة
ليه تبني فوق رعش أحلام جوعـك
عرش عـراف المسافـات القصيـة
وأنت دايم سلّمـك يرقـى طلوعـك
ما استوى طينـك لتوطينـك هويّـة
كل منفـي داخلـك ملفـي ربوعـك
وانقطاعاتـك لطاعاتـك عصـيّـة
اعص ولا طيع ، عصيانك بطوعـك
لا تطفـي جمـرة المـا فـي يديـه
هاك نار القلب لا تحطـب ضلوعـك
تحطب ضلوعك ونار القلب حيّـة !



الحميدي الثقفي


* * *


منك وعليك أشكي




ليت الزمن ياقف لنـا لـو ثوانـي
وإلاّ معه ياخـذ قلـوبٍ جريحـات
وليت الهوى ما ياخذ اللِّي عطانـي
ولا يبـدِّل أُنسنـا فيـه بـاآهـات
ولا يـجـدِّدْ جرحـنـا بالأمـانـي
جـرح الأمانـي مايعالَـجْ بمأسـاة
بين الزمان وبيـن مـرّ الحنانـي
شافت عيوني في سما الحب لوعات
يا صاحبي حيّرتنـي فـي زمانـي
منك وعليك أشكي وداعي الوفا مات
وراك ما ترحـم خفـوق ٍ يعانـي
صدِّك وتعذيبك يرى فيـه راحـات
يا جاعـل ٍ تالـي هوانـا هوانـي
تبـات مسـرورٍ وغاليـك مابـات
يمديك تعـرف صادقـات المعانـي
تعبير صبٍّ يشتكي منك مـا فـات
سلبـت زيـن الفاتنـات الغوانـي
وسلبت عقلي وأسبلت فيك الأبيات



السامر

* * *


كل ما ناظرتني




ودي أشبع منك شوف وما حصل لي
كل ما ناظرتنـي ضاعـت علومـي
فـي عيونـك للغـلا حـبٍ يهلـي
ناظر لحبك علـى خـدي وسومـي
طحت في حب العيون السـود كلـي
ومن عثر في رمش عينك ما يقومي
خدرةٍ تشرب ظمأ حسنك رضاً لـي
كنها في صحوةٍ من عقـب نومـي
انشرح صدري بشوفـك وأسفهلـي
خافقٍ ماله علـى وصلـك سلومـي
من نشدني قلت أنا مجـروح خلـي
فـي حيـاةٍ للخلايـق مـا تدومـي



السامر


* * *

غفلة المشوار !




حبيبي مابقى لي غير وصلك والزمـن دوار
اخاف يمـر عمـري ياهنـاي ولا تهنيتـك
أنا مليت من عمق الجروح وغفلة المشـوار
واخاف تموت زهرات الغلا والشوق ماجيتك
حبيبي وأنت حلمِ فالضلوع وياسميـن الـدار
اعيشك في صباحاتي وله لكـن ما.امسيتـك
يقولون المطر نبض الحياة وفرحة الأزهـار
وأنا اقول الزهر تذبل غصونه لو تناسيتـك
حبيبي وأنت حبِ ماعطيته للقلـوب اسـرار
سكبته في عروقي وارتوى جوفي ولا.ارويتك
احبك كـل مايهـدل حمـام وينتشـي نـوار
احبك كثر مـا ردد السانـي قـول حبيتـك
احبك كثر ما رحب كريـم بشوفـة الخطـار
احبـك كثـر مامريـت فالبـال وتمنيـتـك
احبك ياحبيبي مابقى لـي فالسـؤال اعـذار
تعـال الوقـت فاتـك ياحبيبـي ماتهنيتـك



حنين الشمال

تنورتـه مـن ردفهـا مفتـوقـه




المزن هـاض وشاقنـي ببروقـه
يفرح بضوحه مجـدب البدوانـي
كـن الكهـارب تشتعـل بطبوقـه
والغيم يركم فـوق غيمـن ثانـي
ومشيت ضايق مـع ليـان فلوقـه
وسط الخضار ومزهر الريضانـي
الروض مخضر والطخى من فوقـه
ماغير عشب وطـارف الرعيانـي
في فيضتن شاق النظـر زملوقـه
تطرد هجوس العاشـق الولهانـي
والصيد بالريضان شفـت فروقـه
لاذار تسمـع صفقـة الجنحانـي
يجهم له القنـاص قبـل شروقـه
والطيـر ليلـه بالخـلا جيعـانـي
كـن الشعايـل تلتهـب بحدوقـه
شوفه يشوح ويكشـف الوديانـي
ويوم اتعب القناص فـك سبوقـه
طـار وتعلـى وانثتـى شفقانـي
حاس الحباري لين شفت شلوقـه
وراعيه يضحك يفتخـر طربانـي
الخرب مـن كفـه شلـع معلوقـه
لاهـد يشبـه هـدة الشلقـانـي
يسلى به اللي غايبن عـن شوقـه
ليلـه يـروح بضيقتـه سهرانـي
تجـذب خفايـا خافقـه بعروقـه
رمشـه يشـادي قايـد الغزلانـي
لاحت لعيني دالهـن فـي سوقـه
وناطحتهـا مـع دخلـة الدكانـي
تنورتـه مـن ردفهـا مفتـوقـه
فتقه سبايـب جسمهـا المليانـي
الردف يطوي لبسهـا مـن فوقـه
وشفت البياض بهبـرة السيقانـي
كـل العطـور بجمسهـا مدفوقـه
ينثر وراهـا المسـك والريحانـي
قامت تغنـج بالحـلا مـن ذوقـه
له مبسمـن مثـل القمـر لابانـي
فيهـا الثنايـا تلتعـج لـه لوقـه
مثل البرد يـردم علـى البيبانـي
والله فلاهـي بالحـلا مسبـوقـه
واللـي يكـذب يزبـن الميدانـي
يفـرق حـلاه بطبعهـا وخلوقـه
وجسمن ورمشن للعـرب فتانـي
جديلـتـه بمتونـهـا مدلـوقـه
ليته يشوفـه شاعـر الربضانـي
قالـت عيونـك كنهـا مشنـوقـه
راجع طبيـب الديـرة النفسانـي
قلت البـلا عنقـن يزينـه طوقـه
وان طحت من رمشك تراك الجاني
قالت رضيـت المحكمـه وحقوقـه
واللـي يقـول بديـوي الوقدانـي
صارت مداخـل حجتـي مغلوقـه
ومالي سوى صبري مع الكتمانـي
كل الحلا فـي وصفهـا وعموقـه
غبنـه يشـب بخافقـي نيرانـي
وبالهرج يسحر خافقـي منطوقـه
مامثلهـا هرجـه وزيـن لسانـي
كـن الحنايـا بالقهـر مصفوقـه
ومحدن يروف بحالـة الغسلانـي
فرحة ضميري عقبهـا مسروقـه
يشهد بها القاصيـن قبـل الدانـي
ياغصن مـوزن ينثنـي بعذوقـه
وصفه يجيـده محسـن الهزانـي
ادخل على الله عن دروب البوقـه
تر صاحبك مـن خلقتـه ماخانـي
دامك رميتي خافقـي فـي عوقـه
وشنوح تترك طايحـن مرضانـي
وان رحت وعروق الحشى محروقه
فأنته بقانـون الهـوى غلطانـي
راحت وروحي بالقهـر مطقوقـه
واقف واطالـع نقشـة الفستانـي




فواز الغسلان


* * *

قبل أسافر




قبل أسافر وتنسى جيت أسلـم عليـك
جيت أبي عمري اللي اكتشفتـه غـدى
ضاعت أجمل سنيني من عمايل يديـك
أكذب إن قلت راحت لأجل عينك فـدى
فرصة العمر قالوا لا غدت مـا تجيـك
جتني أكثر فرص عمري وضاعت سدى
جرب الخوف مرة حـس بـه يعتليـك
وارفع الصوت ماتسمع لصوتك صـدى
تدري اللي ذبحني قولتـك مـا أبيـك
مابقى لي لثـاري لـو بغيتـه مـدى
ما هقيـت المشاعـر كلهـا ترتجيـك
قل لهـا بالمفـارق منهـو اللـي بـدا
هاك دمعـة عيـونٍ باكيـة تشتكيـك
هاك ريح ضميرٍ مـا استـراح وهـدا
ما تناظر عيونـي زول هـذي وذيـك
ما يهز المسامـع اسـم ريـم وهـدى
قلت ماعاد لي رغبـة وشوفـات فيـك
قلت يا نفس طيبـي يفرحـون العـدا
قلت عايف ونفسـي بالخفـا تشتهيـك
عزة النفس تدري طيـب ماهـي ردى
خل عينك تهـل دموعهـا وش عليـك
أنت خدك ورود ودمـع عينـك نـدى



متعب التركي


* * *


مبسم هيا




قالـوا كـذا مبسـم هيـا قلـت لا لا
بين البروق وبين مبسـم هيـا فـرق
ويالله بـنـوٍ مـدلـهـم الـخـيـالا
طافح ربابه مثل شرد المهـا الـزرق
لا جـا علـى البكريـن بنـا الحـلالا
ولاعاد لا يفصل رعدها عـن البـرق
يسقي غروسٍ عقـب ماهـي همـالا
وحط ( الحريق ) ديار الاجواد له طرق
يسقـي نعـامٍ ثـم يـمـلا الهـيـالا
ويصبح حمامه ساجعٍ يلعـب الـورق
جرّيت انا صـوت الهـوى باحتمـالا
بي وسط بستانٍ سقـاه اربـعٍ فـرق
طبّيـت مـع فـرعٍ جديـد الحـبـالا
وظهرت مع فرعٍ تناوح بـه الـورق
روشن ( هيا ) لـه فرجتيـنٍ شمـالا
وبابٍ على القبله وبابٍ على الشـرق
وضحكة ( هيا ) له بالظـلام اشتعـالا
ما بين ضحكتها ونـور القمـر فـرق
بـرقٍ تـلالا بأمـر عـز الـجـلالا
واثره جبين صويحبي واحسبه بـرق
يا شبه صفـراً طـار عنهـا الجـلالا
طويلة السمحوق تنزح عـن الـدرق
له ربعه احلـى مـن حليـب الجـزالا
واحلى من السكر الى جا من الشـرق
حنّيـت انـا حنّـة هزيـل الجـمـالا
ينقض ردي الخيـل كدحسـة الفـرق
ويـا قلّـةٍ بـي عالـيـات الجـبـالا
ماها قراح ميـر مـن دونهـا غـرق
مـا عـاد للصبيـان فيهـا احتمـالا
من كود مرقاهـا يديهـم لهـا طـرق
قالوا تتوب مـن الهـوى قلـت لا لا
الا ان تتوب رماح علوى عن الـزرق
قالوا تتـوب مـن الهـوى قلـت لالا
الا ان يتوبون الحناشل عـن السـرق
قالوا تتوب عـن الهـوى قلـت لالا
الا ان تتوب الشمس عن مطلع الشرق




محسن الهزاني


* * *


ياناس خلـوا كـل وادي ومجـراه




ياالله يااللي تسجد النـاس لرضـاه
ياوامـرٍ خلقـه علـى حـج بيتـه
تفرج لمن سده على الناس ما ابداه
راضي على مقسومك اللي عطيتـه
من شِنْ يسلّ الحال والجسم يبـراه
والناس مايشفونـه إن مـا شفيتـه
قلـت آه واجرحـاه مـن علتـي آه
وإن حملونـي حمـل غـيٍّ قويتـه
قالوا سفا بالحال ويش اللي أغـواه
قلت آه ويش المنكر اللـي وطيتـه
قالوا جهلت وبـان علمـك لمنهـاه
قلت آه علمي يـا مـلا مـا كميتـه
قالوا طلبنـا لـك مـن الله معافـاه
قلـت آه وحدتـه وعفـوه رجيتـه
قالوا هله واحباب عينـه نصحنـاه
قـلـت آه هــذا واردٍ مابغيـتـه
قالوا ندور لك مـن البيـض حليـاه
قلت آه لـو غيـره بكفـي رميتـه
قالوا نشاش العُـود مالـك بلامـاه
قلت آه عُود المـوز بيـدي لويتـه
قالوا تـزوج كـود تدلـه وتنسـاه
قلت آه لو خـذت اربـع ٍ مانسيتـه
قالوا من أقصى الناس وين أنت وياه
قلت آه ما أنسى يوم جاني وجيتـه
قالـوا نشوفـه عنـد هـذا وهـذاه
قلت آه عمره ماعقـب حِـجّ بيتـه
قالـوا عليـل وناقـلٍ داه بــرداه
قلت آه بأقرابـي وروحـي فديتـه
قالوا كثـر شيبـك وقلبـك بعميـاه
قلـت آه لوقلبـي غريـرٍ نهيـتـه
مطـاوع ٍ قلبـي بعجفـاه وقــداه
وإلى عطـى منهـاج دربٍ عطيتـه
ياناس خلـوا كـل وادي ومجـراه
قلتـوا كثيـر وقولكـم مـا لقيتـه



عبدالله بن سبيّل


* * *


ألفية ابن عمّار




الألـف أولّـف مـن كـلامٍ نظيـفـي
ودموع عينـي فـوق خـدّي ذريفـي
يا لايمـي فـي حـب هـاك الوليفـي
دقّاق رمش العيـن سيـد الخونـدات
خونـدات ياللـي مـا بعـد عاشرنّـة
قـل لـه تراهـن بالهـوى يذبحـنّـة
قلبـي وقلـبـك يالمشـقـى خـذنّـة
عزّي لمـن مثلـي تعـرّض للآفـات
البا بليت بحـب خلـي علـى مـاش
ولا حصل لي منه مـا يبـرد الجـاش
غديت أنـا وإيـاه طاسـة ومنقـاش
بالوصـف كنـه يالمعـزي سلامـات
سلامـات للـي بالهـوى يذكـرونـه
يبـي المعـزة منـه وهْـي المهونـة
يقـول طيـب ميـر غـارت عيونـه
سبـب ولدكـم واحـد صابـه ومـات
التـا تبعـت الزيـن والزيـن مقفـي
أمشي وحتفـي شايلـه فـوق كتفـي
لا شفـت مجـدولٍ وكتـفٍ وردفــي
ما اقوى التفت لو طوّحوا لي بالأصوات
أصـوات قالـوا يـا هبيـلٍ وسايـح
طـرد المقفّـي يالمشقّـى فضـايـح
قلت إيـه ميـر علومكـم والنصايـح
مثل المطر فـوق الصحـون المكفّـات
الثـا ثمانـه حـبّ رمـان طـايـف
أو قحويـان ٍ فـي ريـاضٍ عطايـف
متكمّـلٍ بالزيـن سـيـد العفـايـف
غندورة ٍ فيها مـن الحـور شـارات
شـارات فيهـا مـن ظبـيّ الحمـادي
هـي لـذة الدنيـا وغايـة مــرادي
وإن كان راح صويحبي عـن بـلادي
عليـه جاوبـت الحمامـة بالأصـوات
الجيم جانـي مـن عشيـري كلامـي
ولا لقينـا مــن يــرد السـلامـي
عليـه زرع القلـب هايـف وظامـي
ما لـي جـدا كـود البكـا والتنهّـات
أنهت علـى مـا فاتنـي فـي زمانـي
يـوم الحبيّـب زارنـي فـي مكانـي
وراي ما خـذت القضـا يـوم جانـي
توي عرفـت البيـض فيهـن غـرّات
الحـا حلـيّـه بالـوطـن مالقيـتـه
عذلـت قلـبـي عـنـهِ ولا قويـتـه
لوهـو يذكـر يـم مـكـة نصيـتـه
أباصلـه لـو حـال دونـه مسافـات
مسافـات لوهـي بالبحـور الظلامـي
فـي وسـط بتّيـل ٍ حـداه الولامـي
إليـا تهيّـا لـي بـلـوغ المـرامـي
أسطي ولـو طبّيـت بحـر الظلامـات
الخـاء خليلـي صـار منـي قريبـي
جعلي نصيب ٍ له وهـو مـن نصيبـي
ودي نواجـه نـور عينـي حبيـبـي
مير الوحيد زْهيـد مـا فيـه نوهـات
ما فيه نوهاتٍ ولـو مـن غثـا البـال
دب الليالـي مسيـم عـمّـال بـطّـال
إن استراح القلب من ذيـك الأهـوال
دنياك هذي يا اشقر الـراس نشبـات
الـدال دامـي مـا قضبـت الذوايـب
لو قيل لي طيّـب فـلا نيـب طايـب
دنـو ستـاد القبـر وادنـوا نصايـب
هاتوا دواة الحبـر وادنـوا سجـلات
سجلات أريد أكتب بهـا لـي وصيّـة
عمـري غـدا ياوجـد أهلـي عليّـه
قولـوا لصافـي الخـد ياقـف عليّـه
كود يتحسّـف ثـم يرجـع لمـا فـات
الـذال ذالـي عنـه مــدّة ليـالـي
لو قيل لي طيب فأنـا أبخـص بحالـي
والله مـا يطـري علـى شـف بالـي
إلا أنـت يـا راع الثمـان الرهيفـات
رهيفـات فيهـن للمـولـع طـرابـه
مجمـول مدلـولٍ ولا بــه طنـابـه
هنـيّ مـن يدخـل معـه فـي ثيابـه
وأسـجّ أنـا وإيـاه بالعمـر سجّـات
الــرا ردوف صويحـبـي ثقّلـنّـه
ونهـود للثـوب الحـمـر شلّعـنّـه
ومثومـنٍ مـحـلا بيـاضـه ودنّــه
في وسط ساقٍٍ فيه من عرق الإرطـاة
إرطـاة غرمـولٍٍ سقتهـا الــذواري
والله لـولا إنـي عـن الزيـن أداري
لا أضوي عليها مثل ذيـب الغـداري
جايـع وعيالـه بالمغابـه مجيـعـات
الـزا زمانـي شفـت منـه الهوايـل
عذّلت عنـه القلـب ولا نيـب طايـل
يا ذيـب لـو نشكـي قصيـرٍ وطايـل
مير العمر يا ذيـب هيهـات هيهـات
هيهـات لـو بالعقـل يـا ذيـب لبّـه
هالكيـف يتبـع واحـدٍ مـا يحـبّـه
لا صـار هرجـه لـك خريـط ٍ يدبّـه
وشلـك بشوفـه يالعيـون المشقّـات
السيـن سلّمـت الـدراهـم وعـيّـا
واللي نبـي مـن صاحبـي مـا تهيّـا
يقـول والله لــو تـحـب الثـريّـا
خذني على السنّه تشـوف الطرابـات
طرابـات ينسنّـك جميـع الـدروبـي
يا كـود فـي باقـي حياتـك تتوبـي
واجعل مقـرّك بيـن جلـدي وثوبـي
حتى تعـرف البيـض فيهـنّ جنّـات
الشين شاب الراس يا عـذب الأنيـاب
واللي برجوى توبتـه ذاك كـد تـاب
مير إن بدا لي عـازةٍ فافتـح البـاب
يرحمـنـي الله عـالـم بالخفـيّـات
خفياتٍ إنّي فيـك يـا زيـن مفتـون
أسهـر بحبـك والخلايـق ينـامـون
وأخلفتني عـن ملـة اللـي يصلـون
ما عـاد أميّـز لـو قريـت التحيّـات
الصاد صيـدي يـوم ألاوي غريمـي
شفقٍ علـى الحبّـه وشـدّ البريمـي
ماهـوب صيـدي قلـةٍ بالحريـمـي
مير إن كلٍّ له مـن البيـض مشهـاة
مشهاتـي أنتـي يـا ظبـي الفريـدي
حب العـرب ينقـص وحبـك يزيـدي
لا شفـت زولـك هـو يـوم عيـدي
تصبـح بساتيـن الضمايـر مريفـات
الضـاد ضـدٍّ حـال بينـي وبيـنـه
يـقـول هــذا صـانـع ٍلا تبيـنـه
عسى العمـى يبـلاه بصبـيّ عينـه
وعساه ما يرقد مـن الليـل ساعـات
ساعات منهـا مـا يشـوف الجـدارا
ولا يعـرف الليـل هــو والنـهـارا
عسـاه يـوم البعـث يحشـر حمـارا
ويحمّلونـه حمـل الإسـراف سيّـات
الطا طويـت اليـاس والسـد باحـي
مالـي ومالـك يـا ظبـيّ البـراحـي
لعلهـا هـزّت خـفـوق الجنـاحـي
اللـي رجولـه فـوق متنـه مطـوّاة
مطـوّاة طيـرٍ طـار فـي يـوم هبـه
راعيـه لـو رزّ اللـوا مــا ينـبّـه
شـاف الحبـاري رابضـاتٍ بخـبـه
يبي العشا مـن بيـن فخـذٍ وثنـدات
الظـا ضحانـي يالمشقّـى بالاثنـيـن
لازم تخلّـي عشـرتـه يالمسيكـيـن
ما ينجمع وسـط المرابـط حصانيـن
يجـي لهـن هـز ٍّ ولـزٍ ٍّ وصقـلات
صقلات يصقل كـل مـا جـا طعامـه
يجري لهـن عنـد المعيشـة بحامـة
افهـم كلامـي يالهبـيـل الفـدامـة
إلى جمعت الحصن فالحصـن خطـرات
العين عن من ينقـل الهـرج حـذراك
تـراك كنـك شـايـلٍٍ داك بــرداك
إلى سمـع لـه حكيـةٍ مـن حكايـاك
يحطّهـا كبـر القـصـور المبـنّـاة
يبنـي عليهـا كبـر راس الغـرابـه
ويكـدّر المشـروب عقـب الطرابـه
وهـو يشابـه بومـةٍ فـي خـرابـه
لا ينتقـد هرجـه ولا كفـو هرجـات
الغيـن غـاب العقـل بـأوّل شبابـي
وأدميت مـن تلعـات الأرقـاب نابـي
واليوم شاب الـراس والكيـف طابـي
ولا ني على الفايت كثيـر الحسوفـات
حسوفات لا تفرح على اللي يجي منـك
أيضا ولا تفرح على اللي غـدا منـك
مدراك لو هـو واجـبٍ صدّتـه عنـك
ناهيه والـي العـرش رب السمـوات
الفـاء فـؤادك لا تولّـيـه حـسـاد
واحذر يجي لك مع هل الشـر مقعـاد
واضحك وكنّك عن جميع العرب صـادّ
ثم اعتبـر بالذيـب يضـوي بغـارات
غارات يضوي والعـرب مـا دروبـه
واللي يوقـف بالمحـاري حكـوا بـه
كـم واحـدٍ وقّـف ولا قضـي نوبـه
يكسر ليا شـاف الطعـم كنّـه إحـداة
القـاف قـل للـي يريـد النواميـس
واللي شفيق ٍ بالهوى يرخـي الكيـس
وإلى بذلت النفس والفلـس وإبليـس
يطيـح نـاس يـدّعـون الديـانـات
طاحـوا وصـاروا للخلايـق علاجـه
يلقى بهم راع الهـوى قضـي حاجـه
وإلى نثـرت الحـب جتـك الدجاجـه
حارت وباضت لو تبي عشر بيضـات
الكاف كنّ السـد فـي كـل الأحـوال
واحفـظ لسانـك لا يقولـون ذا قـال
حتى تجي عند العرب خـوش رجّـال
وإن جيت بالمجلس نواظرك صقـلات
صقلات لا تجلس مـع اللـي يشاكيـك
هـو علتـك ودواك هاللـي يشانيـك
يا ذيب كان الله على الرشـد هاديـك
اكتـم سـدودك بالضلـوع المحنّـات
الـلام ليـت العمـر ينكـس لحـلّـه
قيمـة ثلاثيـن السنـة فـي محـلّـه
والرجل قبـل الشيـب يـا حلـو دلّـه
وإن لاح فيه الشيب مـا فيـه لـذات
مــا فـيـه لــذاتٍ ولا يقبلـونـه
لـو حـطّ لـه ردنٍ وكحّـل عيـونـه
أهل الهـوى عقـب الغـلا ينكرونـه
لو كان قد صافوه فـي فايـت ٍ فـات
الميم ما غيـري مـن النـاس جـرّب
وما غيري أحـدٍ فـي حياتـه تطـرّب
لاويت صافي اللـون فـوق المضـرّب
كن العـدو عينـي عيونـه مـداوات
مداواة جعله مـا يجـي لـي عبـارة
واللـي يصـدد عنـك وشلـك بكـاره
الحـذرِ مـا يمشـي بوسـط الخبـارة
لازم يجـي فيهـا عفاريـت حـيّـات
النـون نـام الحـظ مـا فيـه حيلـه
عيّا يبارينـي وأنـا أزريـت أشيلـه
من يـوم فارقنـي عريـض الجديلـه
دلّيت أكسّر في حشا الصـدر عبـرات
عبـرات أكسّرهـا بداخـل ضلوعـي
عليـك يـا خلّـي حسيـن الطبوعـي
دين القطع مـا قـط جفّـت دموعـي
دايم عيونـي فـي مهـاواك سهـرات
الواو ويل أهل الهـوى مـن هواهـم
إن كان هاللـي سـم حالـي وطاهـم
كـم ليلـةٍ يصبـح جفيـفٍ عشاهـم
إلا لقيمـاتٍ مـع الحـلـق مُــرّات
مرات لين أقضي مـن التـرف شفـي
ووسـده عضـدي وزنـدي وكـفـي
وأكشف عـن اللـي بايـنٍ ومتخفّـي
حتى يجـي للأكـل والشـرب لـذات
الهـا هـواي الخافـيـة يافطيـنـي
والعاشـرة يااللـي تعـرف الرطينـي
كلامـي مـا ودي بحبيبـي يبيـنـي
فولي محـدد مـا يجـي فيـه نيّـات
نيات مـات القلـب مـن كثـر همـي
وأشكي عليك الحـال يـا ولـد عمـي
حيثك سنـادي وأنـت لحمـي ودمّـي
ترضـاه يجفانـي ولا نيـب مجفـاة ؟
اليا ينوب الحـظ وأنـا أبابـه أتلـف
لو هو يتمم مطلبي لـو يبـون ألـف
حيثه يقرر لي علـى الحـب بالعـرف
وإلا فغيره لـو يبـي عشـر بيـزات
بيـزات مـا أوفرهـا لغيـره بلاشـي
وراس الظبي يا ناس ما بـه عراشـي
إلا لمـن قلـبـي بـلامـاه مـاشـي
هذاك ياللـي لـه فلوسـي رخيصـات



ابن عمّار الصوينع

أطبطب وادلع




من قلب زايد عليك 2000 تنهيدة
ومع كل تنهيدة القى خافقي ولّـع
لا مر طيفك علي ب حزنه وعيده
أشوف قلبي على متن السما شلّع
ما فاد شجبه لحرمانـه وتنديـده
قلبي .. ولكن .. أحسه منّي مطلّع
بيت الغلا اللي تشاركنا بتشييـده
مالت ركونه علي وبابـه مخلّـع
وشلون اطبطب وادلّع وانتي بعيدة
والبعد ما فيه لا طبطب ولا دلّـع!
مافيه غير التعب و2000 تنهيدة
ومع كل تنهيدة القى خافقي ولّـع



زايد الرويس


* * *


جرح الصدود




للخفـوق المواجـع تنتهـي تبتـدي
بين جرح الرحيل وبين جرح الصدود
طال ليلي وانا بين القمـر والجـدي
السهر هد حيلي والصبر لـه حـدود
يا اعذب الغيد في وصلك وعودك ندي
يا اقرب الناس من قلبي وحبك يـزود
عطرك اللي سكبته وانتشى في يـدي
صار بيني وبينه ذكريـات وعهـود
يا دموع المواجـع قرّبـي وابعـدي
دام حزني على كل السوالـف يسـود
انتهي بالمواجـع واحتـرق وابتـدي
بين جرح الرحيل وبين جرح الصدود



زايد الرويس


* * *


أغرق




يا مساء النور مدري يا صبـاح حضـورك
يا اجمل اجمل من جمالٍ في (غلاف) مزبرق
يا بعد عمري وروحي يا ما أرقّ شعـورك
(إنني في بحر حبك يا حبيبي أغرررررق )
يوم ترميني كـذا فجـأه بوسـط بحـورك
كيف أبنجو دام لا مينـا و لابـه زورق !
يـا مذوّبنـي بحسنـك كـل هـذا نـورك
القمر غيران منـك ويـوم شافـك أطـرق
يوم شفتك ضعت في لبسك وريح عطـورك
دوك قلبي يوم شافك بالدمـوع اغـرورق
أنت عادل بس مع هـذا ذبحنـي جـورك
كيف قدامي تمخطر وانـت لابـس أزرق!
أنت ساحر شوف وش سويت في مسحورك
كل ما مرّت طيوفـك فـي خيالـه أحـرق!
بس قل لي قبلهـا كيفـك وكيـف آمـورك
ب اسألك بالله قلّي هـي يديـك استبـرق!
يا نعومة يـدك تذبـح والغريـب فتـورك
لو لمست البـاب بيدينـك بسرعـه أورق
كل مـا قلتـه خيـالٍ بانتظـار حضـورك
أنت غايب بس أنا في بحر حبـك أغـرق




زايد الرويس



* * *



يا دلعها




يا دلعها ويش أسـوي لا ذكرتـك وانتشيـت
ويش اسوي يا دلعها دام لـي شـوقٍ جهـور
ياخجلها والله انـي لاقـرب عروقـي حكيـت
وقلت هذي روح روحي بنت حوى وحسن حور
يا ترفها لو توزّع فـي المدايـن بيـت بيـت
كـل بنـتٍ فالمدينـه صابهـا تيـه وغـرور
يا تواضعها لـك الله فيـك كـم مـره غديـت
ما رجعت الا وانا في داخلـي سبـع البحـور
ياسوالفها متى ما طـار بـي شوقـي وجيـت
شفت نفسي مالـكٍ كـل المبانـي والقصـور
يا براءتهـا بـراءة طفـل فيهـا كـم رأيـت
نفحةٍ فيها صـدوق الـود وانفـاس الزهـور
يـا اناقتهـا ملابسـهـا تـمـام الايتكـيـت
وبسمةٍ منها على همسـه ونفحـات العطـور
يـا شعرهاالليـل لامنـي تهقويـت وسريـت
ضعت في كل البلاد وضعت في كـل العصـور
ياغلاهـا والله انـي فيـك مابعـت وشريـت
تسري بروحي وانا في جلستي بين الحضـور
يـا حياتـي اقبلينـي عاشـقٍ مغـرم هويـت
سامحيني واعذريني كـان جـا منـي قصـور
والله اني في غرامك بين حـي وبيـن ميـت
في فراقك موت وان جيتي ملى قلبي السـرور
ايه احبك ايه احبك قلتهـا لـك مـا استحيـت
خلـي الدنيـا تـدور وخلـي افراحـك تـدور
يابعد كل البنـات البيـض لـو منّـك شكيـت
اشتكي بعدك وانا قلبـي ابـد ماهـو صبـور
اجمعيني من بعض حزني وانـا يامـا بكيـت
واطرحيني في بحـر حبـك وخلينـي شهـور
سافري بي ف الف مينا واقتليني لـو رويـت
كيف ابروى من حنانك كيف ابلقى لي عبـور
ودي اوصل شاطي احلامي واغني بك ياليـت
اشعل شموع المحبه واهـدي لحسنـك بخـور
داخلي نار المحبه لو طفـت بـك مـا طفيـت
داخلي بركان حب يثور مـن وجـدي واثـور
طالعي فيني وتلقينـي علـى الحلـم ارتميـت
وشوفي احساسي كتبته وانتثر بيـن السطـور
سولفي لي سولفي وان كان شفتينـي غفيـت
قولي اسمي لجل انادي سم يـا بـدر البـدور




زايد الرويس



* * *



تنهيدة قتيل




هيه يا اللي كنك الورد .. لامن مال .. مال"
مال " قلبي منك غير انكسـارات الرحيـل
تحسب انك يوم سافرت شديت الرحـال !
أنت في قلبي " هنيـا " ولا غيـرك بديـل
يوم سافرت وتركـت الحدايـق للرمـال!
ما تخيّل وش بقى لي مع الصبر الطويـل
ضحكةٍ ما كنّهـا الا غمـامٍ دوووب سـال
سيّلت في وسط روحي جروحٍ مـا تسيـل
تدري انك كل ما ابطيت داهمني سـؤال :
كيف صار البعد واقع ! مع انه مستحيـل!
بشروني عنك بيـن الحقيقـة والخيـال!
ورجعت روحي ل روحي مثل عابر سبيـل
وانت يا اجمل حلم كان يتهـادى فـي دلال
" كلني لك " شوق يا حلمي العذب الجميـل
ودي اضمّك واغمّض ف لحظة من وصال
واحترق بك واحترق لك بلا نـار وفتيـل!
كل عرقٍ وسط قلبي ينادي لـك تعـااااال
ودي اسمع منك " احبك " ب تنهيدة قتيل!
بعدها سولف واسولف عن اللي ما يـزال
يكتب اشعاره ب دمعِه وحزنـه سلسبيـل
وكان وردك مال قلـي بـأن الـورد مـال
كان ما ميّلت قلبي .. عسى حظي يميل !!




زايد الرويس


* * *


مولاتي




طاحت من القلب دمعة وابتدى نزفي
يا جرحي اللي نهش كل ابتساماتـي
تعبت انادي على دنيا مشـت خلفـي
يا لهفة الماضي ويا ضيعة الآآآآتـي
هذا السهر خنجرٍ يقتات من ضعفـي
يطعن ويقتل معه بعـض احتمالاتـي
كلي ظما كيف ابروى منك يا حرفـي
وانا اتسلّف من احزانـي عباراتـي
قريت في دفتري لمحات من حتفـي
موتي على يدين زفراتي وآآآهاتـي
يا غايبة من رحلتي والضيا مطفـي
والغربة تدور فـي كـل اتجاهاتـي
مشتاق لك .. كل هذا الشوق ما يكفي
في غيبتك عن سما دنياي .. مولاتي
معذور قلبك إذا نزفه غلـب نزفـي
( لا الذنب ذنبكِ بل كانت حماقاتي )



زايد الرويس


* * *

تحت الرماد




اللي خذتْ قلبي ف يدها .. وجلستْ فـي بيتهـا
البارحة .. هبّت علـى قلبـي نسانيـس وشـذا
تحت الرماد استيقظت جمـرة ولـه .. ضميتهـا
بين الضلوع .. ومت من جوعي وضحكتها غـذا
فغيابها علّقت دمعاتـي .. وهـي .. يـا ليتهـا
حنّت علي .. من التعب .. والهم .. وانواع الأذى
راحت .. ومعها راحت سنيني .. وانـا ماجيتهـا
يعني ! .. واذا راحت سنيني دون ضحكتها وإذا ؟
باعيش واشعل شمعة الأحـلام .. مـن كبريتهـا
يمكني اشرب صفوها .. لـوّ ان هالدنيـا قـذى
وانا .. لو اني من ثلاث سنيـن .. مـا حبيتهـا
ما كنت دوم أسهر كذا.. ولا اكتب اشعـاري كـذا




زايد الرويس


* * *

للصمت لذة




باب السهر يا ضيقة الصدر مفتوح
تمخطري .. ما حولك الا عيونـي
للصمت لذة .. لا غدا للوله بـوح
رغم ان صمتي ما يخفف طعونـي
بي حزن شاعر وابتسامات مجروح
ولي دمعتينٍ لا سهيـت ذرفونـي
ما كن لي قلبٍ ولا كـن بـي روح
ما هوب ذا شكلي ولا هوب لونـي
متوحدٍ في غربةٍ ترفـض تـروح
مستوطنتني كني احيـا بدونـي !
يا غايبة صوت التناهيـد مبحـوح
والا الصدى ما مل يجرح سكونـي
لا صار باب الصدر للحزن مفتوح
مانيب لايم دمعتي .. يا عيونـي !



زايد الرويس


* * *


قبل الحفلة




جننيهـم لا دخلتـي بينهـم فـي غفـلـة
وكل عينٍ طالعت بـك غمّضـت مبهـورة
والله انـك لا دخلتـي تبتديـن الحفـلـة
تتعب قلـوب البنـات وتحتـرق مقهـورة
حسنك اللي يلزم العالم تجـي تاقـف لـه
من شعرك الين ساقـك فتنتـك مصهـورة
وكان خصرك مال طير( المذهلة ) رفرف له
رقصتـك لازم تكـون ببسمتـك ممهـورة
أنثري ( جوري ) ( دلالك )كنّك اكبر طفلة
واستحي لا من غديتـي بينهـم مشهـورة
ما حدٍ بعـدك بيرقـص دام رقصـك قفلـه
للحفل والحسن دايـم مـا يُمـل ظهـوره
جننيهم لا انسحبتـي بينهـم فـي غفلـة
وكل عينٍ طالعـت بـك فتحـت مبهـورة



زايد الرويس


* * *

كسرة وسكون وضمة وفتحة




ياعيون الشاعر اللي يشـوف الكـون كـون
وان بعدتي كل هالكون فـي عينـي يضيـق
حبك اغلى شـي عنـدي وتفـداك العيـون
والله ان الحـب لجلـك ولعيـونـك يلـيـق
يابعـد زايـد غرامـك خـذانـي للجـنـون
ياجنونٍ صرت احبه وصـار اوفـى صديـق!
هيه يا ( رومـا ) حياتـي علشانـك أكـون
شاعـرٍ تنـزف جروحـه وأحلامـه طريـق
كل ما قلتـي احبـك أشـوف الفيـن لـون
وسط خاتم من زمـرد وخاتـم مـن عقيـق
كل( كسره ) فـي حياتـي أخليهـا (سكـون)
لاجل تصبح كل ( فتحه ) مثل ( ضمة ) غريق
أذكرك يوم المـس يديـك وتمـوت الطعـون
ويستفيق الحلم .. لالا .. أنا اللي كنت افيـق
واصبح اعظم عاشقٍ صب في كاس المجـون
مذهب العشق العفيف وشرب أحلـى رحيـق
قربي منـي ترانـي أحـس انـي (بـدون)
وانتي الموطن وانا جيـت وعيونـي تويـق
شفت معك الحب كله وشفـت الكـون كـون
وشفت كل الكـون بعـدك مساحاتـه تضيـق



زايد الرويس


* * *

دمعة مالها داعي




الدمعه اللي بعينـي مالهـا داعـي
دامك بجنبي علامك مـا مسحتيهـا
قلبٍ يحبك يحبك صـدق ويراعـي
خاطرك واحلـى تعابيـره اخذتيهـا
تمخطري وسط قلبي واخذي ذراعي
توسديها ونامـي فـوق اراضيهـا
وقولي أحبك عشان تسولف اسماعي
عن كل الاحـلام لامنـك نطقتيهـا
قولي أحبك تراها تنسـف اوجاعـي
قولي أحبـك أحبـك ايـه عيديهـا
تدرين حبك هو اول واخر اطماعـي
وعيونك اللـي تضيعينـي موانيهـا
واللهفه اللي بيدك تحـن لاشباعـي
عن جوع قلبي من الدنيا وما فيهـا
والدمعه اللي بعينـي مالهـا داعـي
انتي مسحتي ابوها مـا مسحتيهـا



زايد الرويس


* * *

صوتك العذب




صوتك العذب مدري ويش اسوي به
لاسمعتـه يبعثـرنـي ويجمعـنـي
فيه نبرة دلـع مخلوطـه بـطيبـه
للسحايـب يودينـي ويزرعـنـي
أي صوتٍ سمعتـه بـه عذاريبـه
بـس صوتـك عذاريبـه يولعنـي
يا اقرب الناس شوقي طال تغريبـه
وكل ما ابعدت عن ساحلك رجعنـي
كل حرفٍ من حروفـك مضاريبـه
وسط قلبـي تجوّعنـي وتشبعنـي
يومي بدون صوتك صعب ترتيبـه
ضايعٍ بـه واذا ماغـاب ضيّعنـي
دام صوتك يبعثر ويش اسوي بـه
وكيف اجل لو باشوفك من يجمّعني



زايد الرويس

للترف خيل ٍ غـدا مركاضهـا... صـدري
وطيـور شوقـي غـدا مقيالهـا .. عيونـه
لبـا جفونـه ولبـا .. طبعهـا الـخـدري
ولبا سـوادٍ رقـد .. فـي خـدري جفونـه
اثـره بضحكـة سنونـه حافـر ٍ قـبـري
ولا كنت اظنـي بامـوت بضحكـة سنونـه
شرهـة متونـه علـى شلالهـا الخمـري
وان نثرتـه الهبـوب .. مــردّه متـونـه
جيت اجبر الكسر لكنـه .. كسـر جبـري
مجنـون والحـظ ساقـه يــم مجنـونـه
يتفنـن بلوعـتـي .. واتفـنـن بصـبـري
حتى غـدت لوعتـي مـن اجمـل فنونـه
لا رحم ابوالحظ ساق الهجـر مـن بـدري
وشيّد جسـور الجفـا مـن دونـي ودونـه
واقفيت لاني ضريـر .. ولانـي ببصـري
اليـا منعنـي الحيـا ... ساقتنـي المونـه
وجهمت اسوق الخطا في الدرب واهـذري
تكفـون ياللـي خـذوا خـلّـي تـردونـه
ابطى .. وخلّـى سـؤال ٍ يلهـث بفكـري
مادري يصون الغلا ؟ .. مادري هو يخونه؟
ويوم اني اسـجّ بيـن ادري .. ومـا ادري
عقب البطا .. جاء يقول : الـدار وشلونـه
قلت انت : دارك هنا.. وأشٍّر على (صدري)
قال انت : دارك هنا .. وأشًّرْ على (عيونه)



محمد الدحيمي


******




ليل وكريستال .. نوض زمـام مضنونـي
يبرق زمامه .. ويسـري بـي كريستالـه
ليـلٍ غداريـه ودونــي .. وجابـونـي
من شارب أعوره طحت .. بدقـن دجالـه
ياعزوتـي .. عاتبونـي .. لاتعذلـونـي
والاّ عذولي .... ( فـ.. فال الله ولا فاله)
لا مرزقي في يدّْ اللـي يشـري غبونـي
ولا أبيه جدي .. ولانـي بأصغـر عيالـه
وش له ومـن يستبيـح العمـر ويمونـي
اليا استباح الدحيمـي كيـف يحـلا لـه؟!
شاعر يغنّـي .. وكـم شعّـار سبقونـي
غنّوا برووس النوايـف .. ( يالالالالـه )
واللي على طرقتـي غنّـى مـن لحونـي
ماهـو علـى قدّهـا لـو ميّـل عقـالـه
وناسٍ على ( موتة الجمعه ) .. يحسدوني
ياصبر قلبـي عليهـم .. والله اقـوى لـه
قدلي وأنا أحدي لهم وضحي .. وحدّونـي
أضيّـع الفاطـر أم خــزام وشمـالـه
السـوق سوقـي ... وعيّـوا لايبيعونـي
والطيـب مشـراه .. مايحتـاج دلاّلــه
ويوم إنهم بالردى عالطيـب .. جازونـي
خليت للطيـب جالـه .. والـردى جالـه
يبطون في فتنتـي .. والتـرف مفتونـي
ويبطي ببالي .. ويبطي بـي علـى بالـه
ويبطـون لوّامتـي .. مهمـا يلومـونـي
إمّـا خذانـي غـلاه ... أخذتنـي القالـه
ياقبلة الله ليـا اقبـل .. وأنخطـف لونـي
ماكن دقّـات قلبـي دقّـت .. الاّ .. لـه
لبّـا مراسيـل عطـره يـوم زارونــي
قبلـه .. يزفّـون لـي بشـراه بقبـالـه
لبيّه كلّـه .. ولبّـا البعـض .. والدونـي
لبيّـه مـن هامتـه .. ليـا حـد خلخالـه
لبيّـه يالمستـه .. ومصافـح شجـونـي
لبيّـه يافزعتـه .. فـي فــزّة جفـالـه
لبيّـه ياخثرتـه .. تنشـدنـي شلـونـي؟
لبيّـه ياسجّتـه .. ليـا عـضّ سلسـالـه
ليا قال لي: (ويش حالك ) قلت : ياعونـي
يلعن ثوى الحب .. يلعـن جدّهـا حالـه
أن جيت اباأضحك ..حظوظي فيك بكوني
وإن قلت ابانسى غرامك .. أتعنـى لـه!!
ويضحك .. وأنا أنشد عيوني وأنشد جفوني
من شاف لول الثمـان وبـارق هلالـه؟!!
في ضحكته .. يرجـع الديّـان مديونـي
وفي فرحته .. من غنجه يداعب ضلالـه
وبعتابه .. يجيك مخطي قـال : خطّونـي
واليا زعل .. تقـلْ طفـلٍ ضيّـع ريالـه
تكفـون لا سـجّ قلبـي عنـه خلـونـي
في سجّتـي عنـه .. لا ذاكـر ولا دالـه
حذرا لـو الشـوق هبّـل بـي تطيعونـي
وأضوي بدون الجمل .. والبـدو جمالـه
وإذا غلبنـي هـواه وقلـت : ودونــي
لا تتركوني كـذا .. والحـال يرثـى لـه
وش عاد عذري لـو الجيـران شافونـي
خامس سنه .. يابن عمّه! .. ياولد خالـه!
مايكفـي اربـع سنيـنٍ فيـه ساقـونـي
ورجعت رجلي .. وأنا من صلب خيّالـه
أمسي وأنا للعـرق وسـمٍ علـى ردونـي
وأصبـح والأحـزان .. نزّالـه ونقّـالـه
ورّدت وأول طعوني .. أجمـل طعونـي
وصدّرت .. وآخر منافي داره .. أطلالـه
والعمر .. عشقٍ جمع منفـى ومسجونـي
والعشق .. من قال طاله .. مات ماطالـه
يامال سقوى البَرَدْ مـن عـذب المزونـي
ياليلةٍ .. رحت مـن الصبـح اتهيّـا لـه
ليلٍ تّمايل غصونـه .. ومالـت غصونـي
واليا تثنـى دلـع .. قمـت اتثنـى لـه!
وشـلال شعـره .. وقذلتـه ايتبلـونـي!
ومن جور قذلته .. رحت بوجـه شلالـه!
سرّاي من نحره .. لخالـه علـى هونـي
الله .. وشلـون أضيـع بنحـره وخالـه!
فديت عذْبه .. وسحـره شعـر وفنونـي
فديت سحره .. وعـذب الشعـر وأمثالـه
وفديـت ذبـح اللواحـظ يـوم خزونـي
فديـت غيـم الرمـوش وفـيّ مقيـالـه
وفديت لثغة حكـاه .. بضحكـة سنونـي
فديـت ضحكتـه .. يـوم يمـدّ بشمالـه
وفديت خوفي عليـه ان راح مـن دونـي
فديت عضّة شفـاه .. ليـا مشـى لحالـه
وفديـت جـدران بيتـه يـوم يرثـونـي
فديت حوشه .. فديت البـاب .. وأقفالـه
وفديت عمـره .. بعمـرٍ لأجلـه يهونـي
وفديت ريـح اقهوتـه .. ونكهـة دلالـه
الله يبيحه .. وأنـا بـه محسـن ظنونـي
إليـن يــدرون عـذّالـي .. وعـذّالـه
ويـدرون غيّابـي اللـي يـوم يقرونـي
إن أجمـل اللـي ألبّـي .. وأتفـدّى لـه
ضحكة كريستـال .. وزمـامٍ لمضنونـي
زودٍ علـى حسنـه القـتّـال .. قتّـالـه
اليا التفت لي .. جهـر بزمامـه عيونـي
واليا ضحك لي .. ذبحنـي بالكريستالـه!




محمد الدحيمي

وســــــلامه عــيون من تاابع

سلمت يداك ولاعدمناك
تاج الحلا
قصائد جميله
اشكرك على الاختيار الرائع
دمتي بصحه وسلامه
خمس نجوم

مرحباا مليون اخي فارس منور


ولاهنت علي الكلام الطيب